تحـذير عيب قـاتل كابرس 2006...... أرجـوا التـأكد

& ســـاري & · 2006-09-19T13:44:04+03:00

كما وصلني من البريـد تحذير عيب قاتل يفقدك التحكم بالسيارة كابريس 2006 شركه جنرال موت ارز بعد عيوب التابوت المتحرك GMC وبعد أن حصد أرواح الكثيرين جاء دور الشباب. إلا وهو كابرس2006م حيث ان (المقص ) اللي يخليك تتحكم بتوجيه السياره نهايته عباره عن بلاستيك مقوى مع طرقنا اللي تقول ردميه يتاكل وينفك وبع

كابـــSSـــرس @user_6060 · 23-09-2006

شف يالغالي هذه مشكلتنا الواحد اذا كان محتار بين سيارتين وشرى وحده منهم انواع السب في الثانية على شان يقتنع بسيارته الجديده وهذا عرف تعارف عليه الناس للاسف عندنا
وعلى شان كذا اشوف التعصب زاد عن حده

ن

نديم الطيف

لكن المثل يقول..الرخيص مخيس...هذي سيارات بالاساس كورية وتطلقها شركة هولدن بس يحطون عليها شعار شفر عشان يسوقونها لمعجبي شفروليه بالخليج (بشكل خاص)

الرخيص مخيس ؟؟
يعني الاكورد مخيسه
يعني السوناتا مخيسه
يعني الكزس سابقا مخيس
يعني الافالون حاليا مخيس
يعني ...الخ

وياخي عندك البي ام الي يقول خبرابات والي يقول سريع الاشتعال والي يقول ماهو زي اول هل هذا يعني انه مخيس وصار مايسوى شي ؟؟

لاتحكم وانا خوك على نوع سياره بسبب سياره الى 50 سياره فمافيه شي كامل وخالي من العيوب

-----------------------------------

كوريه تطلقها شركة هولدن ويحطون عليها شعار الشفر :D

انا ما ادري بس اظاهر يالغالي انك متأثر بهذه الحملات وشكلك ماتعرف تاريخ هولدن

وثاني الشعارات هي لتسويق اجل الكامري استراليه عليها شعار تويوتا

الامور ماتقاس بهذا الامر وهذا المنحنى يالغالي الشركه هولدن هي الاولى من ناحية المبيعات

في استراليا ( حسب ماسمعت ) ويكفي ان الرئيس الاسترالي معه كابرس ودايم يستقبل الوفود بها

والشرطه هناك لومينا ايضا

نديم الطيف @user_29894 · 23-09-2006

ك

كابـــSSـــرس

احدى الحملات الكذوبه على الكابرس خصوصا والشفر عموما

مع احترامي لك...بس وش السبب الي يخلي ناس عاديين مثلي ومثلك يطلعون حملات على وكالة معينة وسيارة معينة؟

مافيه سبب منطقي لان كل المتذمرين مستهلكين عاديين ويحكون تجاربهم ومالهم مصلحة انه بقية المستهلكين يشترون من وكالة ويتركون وكالة ثانية...مالهم اي سبب منطقي او فائدة مادية مرجوة :confused:

وخصوصاً وكالة مثل شفروليه .. لو انك معاصر ايام الثمانينات ايام عززززز الكابرس...والله كانت لها شعبيه بين الناس اكثر من المرسدس والبي ام وانا شخصياً كان معي كابرس 84 بعدين 89 وعقبها استخدمت الصابونة وبصراحة ممتااااااااازة بس كرهتها لان بودي الـ 89 اقوى بفرق واااااجد ورجعت لكابرسي القديم :D ........ وش الي خلا الناس يقلبون فجأة على الكابرس بهذي الطريقة :confused: الا لو انهم شافوا شي ماينسكت عليه

شف اليوكون والجمس ماحد يقدر يقول فيهم نص كلمة لانهم سيارات صبورة وتتحمل درجة اولى |1|

لكن المثل يقول..الرخيص مخيس...هذي سيارات بالاساس كورية وتطلقها شركة هولدن بس يحطون عليها شعار شفر عشان يسوقونها لمعجبي شفروليه بالخليج (بشكل خاص)

خذها قاعدة...لا دخان بدون نار

بنز-وبس @user_32977 · 23-09-2006

كابرس اس اس اخوي صحيح في سيارات تتقلب
بس اذا رحت التشليح في العاده وش تشوف؟؟سيارات قديمه وسيارات جديده لكن مو منتشره بكثرة ومن شركات عده
الشفر ضارب رقم قياسي جدا جدا والله تشوف سيارات جديده بالهبل
يعني كابريس اس اس ولا 10 سيارات هذي موديلات 2005 و2006 ولومينات اس اس بالهبل!!
انا مجرب شخصيا والله لفيت الدركسون حتى ابعد عن مطب والنتيحه انحراف السيارة بالكاااامل وتضرب الرصيف!!
تعليق الناس كان ان السيارة في الامان 0
وناس قالت لنك كنت ضاغط زر البور POWER بس وش دخل البور؟؟

كابـــSSـــرس @user_6060 · 23-09-2006

مع احترامي لصاحب الموضوع

احب اقول هذه

احدى الحملات الكذوبه على الكابرس خصوصا والشفر عموما

ويالغالي الموتر معنا ماشفنا منه الى كل خير الى متى وكل يوم طالع لنا موضوع
من مخيلات افكارنا مع احترامي للجميع يعني السياره لها خط انتاج واحد
يجون في 2006 ويغيرونه سبحان الله وبعدين ياخي فيه مواتر كثيره تتقلب
يعني فيها خلل ؟

قصه حصلت لي قبل ساعات والله على ما اقول شهيد وشف يالغالي ماني زايد فيها ولا منقص
كنت اليوم طالع لشباب المخرج الي بعد مخرج 7 ( عثمان بن عفان ) المؤدي الى مدارس منارات الرياض
كنت بخش معه طبعا طلعت من اليسار بسرعه 140 للاسف وعلى طول للمخرج فجأه
كان قدام شبح متعدي المخرج واراد الدخول له فكانت بيبان سيارته لم وجهية سيارتي
فسارع على طول بتعديل السياره واكتفى بالنظر يعني مادعس وقف يحتريني اخبط
فدعست الفرامل والله بكل الرجلين حاولت اني انطل الموتر خفت من الرصيف
ما اكذب الموتر لعب شوي لكن الشهاده لله والله كان متماسك وسهله السيطره عليه
والحمد الله الله ستر ومالمست الشبح نزلت ونزل راعي الشبح والله ان وجهه منقلب
[COLOR=navy]وجالس يتأسف فقلت ياخي اقل شي ادعس افتح الطريق فقال من الروعه وصوت الكفرات معد عرفت وشي اسوي قلت له ايه بلاك عارف ان موتر مهوب جايه شي خخخخخخخخخ [/COLOR]

بنز-وبس @user_32977 · 23-09-2006

انا قبل سنه كنت اقود كابريس 2002
انحرفت فيي بسرعة 80 انحرافة بزاويه حاده رغم اني كنت موخر عن مطب
وطبعا صار حادث والسيارة راحت تشليح
ليه وكيف صار لحد اليوم مانا عارف ليه اخذت هذي الزاويه!!

ابـوعـزوز @user_28512 · 23-09-2006

وش نقول الا لاحول ولا قوه الا بالله

والله الوكيل عندنا خايس ولا يدري وش الطبخه ناس تموت وهو ما همه غير يبيع ...

الشـــرس2006 @user_21938 · 22-09-2006

لا أعتقد صحة الخبر لأنه ليس هنا أثبات

تحيااااااااااااااتي

thewolf6 @user_35942 · 22-09-2006

الله يعين...

وما ادري وش راح تسوي الوكالات بعد هالمشكلة....

هل راح تعوض او تصلح سيارات الناس..

او مثل العادة......!

salehhd @user_17805 · 22-09-2006

السلام عليكم

بالامس وصلني بريد الكتروني بنص هذا الموضوع وتردد في وضعة في المنتدى لعدم معرفة المصدر

ولا بأس من التأكد

ينقل للمنتدى الامريكي للاختصاص

sale7111 @user_36176 · 22-09-2006

الله يستر بس

الكابس صراااااااااااحة كنت ولا زلت من المعجبين فيها بس هالعيب ا لي فيها يخوف

نديم الطيف @user_29894 · 22-09-2006

لا حول ولا قوة الا بالله العلي العظيم

اول كان الصليب بلاستك وهذا سبب تبويش القير

والحين ذراع الوسط بلاستك ويسبب فقد سيطرة على السيارة وانقلاب

ياااااااربي لاتبلانا ولاتسلط علينا

ب ب ب 110 @user_30575 · 21-09-2006

مشكور اخوي على المعلومة

$المهندس$ @user_18058 · 19-09-2006

ولله شوف افضل مديل نزل 2001 الي 2003 ...

و عند الوالد 2003 ماشاء الله حلوه و الحين صار لنا سنتين و ما اخترب وله شئ بس دهن بطاريه و فحمات ..

بس انا سمعت في مشاكل خطيره من مديل 2004 الي 2006 .. كمبوتر و ثبات و وو ..

و المصنعيه ضعيفه بس اعتقد انه الشكل الجديد شكل ثاني و مواصفات افضل بكثير ..

ننطر و نشوف .

GM_TAHOE @user_23867 · 19-09-2006

للاسف الكابرس والومينا انظمة الامان من سيئ الى اسوئ والمشاكل كلمالها تزيد في هسيارتين واللي يقهرك ان الناس تسمع عن السمعة السيئة للكابرس واللومينا وتروح وتشتري وجع الراس كلها بسبب الشكل الفتان للكابرس واللومينا

اخوكم SOSO2004

العاشق الحزين @user_21544 · 19-09-2006

يا اعوذ بالله

السالفه هذي خطيره جدا

ويجب اصلاحه ياخي وش سالفتهم

كل يوم طالع لنا بلا الله يكفينا شر البلاوي وشر الحوادث

وهذي الشركه لازم يتصرفون معها

او يحاكمونها قضت على ناس وطفرت ناس

من كثر خراباتها

’,’,’ تحياتي لك ,’,’,

CamSHAFT @user_6565 · 19-09-2006

هل هو نفس العيب المذكور هنا؟

http://www.assayyarat.com/forums/showthread.php?t=84384
:rolleyes: :rolleyes: :rolleyes:

C A D I L L A C @user_3378 · 19-09-2006

و الله الي يحب الكابس و اللومينا تنشعونهم من عينه بالقوه حتى يكرهها

هذا اذا ما طاحت من عينه بنفسها

الله المستعان

الصراحه انا كنت من اكثر المعجبين خاصه بالكابرس LTZ

لكن اليوم كرهتوني فيها لدرجة اي قبل سنه كنت اقول للوالد انه لازم يشتريلي وحده سودا

و الحي يوم يقولي تبا الكابرس

اقوله لا لا

تتحسبني خبل؟:mad:

تحياتي

ALAAOU @user_30027 · 19-09-2006

مشكور اخي الكريم على المعلومات بس و الله خطيرة |10| |10| |10|

FoOoORd @user_35293 · 19-09-2006

مشكوووووور اخوي ساري

جزاك الله خير