انا ياعزيزي معي تشارجر ار تي هيمي مشتريهل قبل 7 شهور وماشية معي الا الان 28000 تقريبا
السيارة ولله الحمد مافيها اي مشكلة
عزل الهوا ممتاز.. صوت الهوا اللي قصده الاخ Totti هو اصطدام الهوا بواجهة السيارة الغير انسيابي..بس العزل ممتاز
قوة المكينة جدا ممتازة وتسارعها جبته اكثر من مره 6 ثواني واقل بقليل يعني تقدر تقول من5.7 الى 6 ثواني
مكيف السيارة اكثر من ممتاز...في قمة حرارة الصيف مخليه على درجة حرارة 22 والسيارة باردة
المكينة حرارتها ثابتة تحت النص بشوي..ولا عمرها ارتفعت والحمد لله
الرساوة من جد ميزه في هالسيارة..انا مشيت فيها الى 240 والسيارة تقول اعطيني
المقصورة الداخلية بالهيمي من جد حلوة وخصوصا المقاعد الرياضية السوداء
انا ياشباب مااهتميت بدقائق المميزات في السيارة, كان هدفي سيارة قوية وشكلها ابداع ...والتشارجر فيها هذي الميزتين
لكن بعدين لاحظت ان فيها مزايا حلو مثل تسخين المقاعد, التحكم بدرجة حرارة المكيف للسائق والراكب..كل واحد وجوه, مراقبة ضغط الكفرات وتعطيك تحذير اذا نزل مستوى ضغظ الكفرات عن الضغط الطبيعي..وغيرها
اما من ناحية الوكالة فأنا اشوفها احسن من كثير من الوكالات وخدمتهم تحسنت كثير عن اول على قول القدامى اللي يملكون سيارات كرايزلر
اما قطع الغيار.. الى الان مااحتجت لتغيير اي شي والحمد لله, وصيانة السيارة كلها بالوكالة..بس اللي اعرفه ان قطع غيارهم غالية شوي نسبيا, بس الجوده ماعليها كلام
السيارة مو مصنوعة بألمانيا..بس اجزاء كثيرة منها مصنوعة بألمانيا, اما التصنيع يقولو بامريكا بس انا دخلت امس على موقع
http://www.carfax.com/
ولقيت ان سيارتي مصنوعة بكندا
صوت الهيمي لما تدعس يعطيك شعور رياضي لا يوصف
اما نصيحتي للأخ, السيارة الحين سعرها 109,000 ريال, يعني ارخص ب18000 عن سعرها اول مانزلت
لكن الكابرس 2007 بيكون 6لتر وسعرها لايقل عن 140,000 ريال اول ماتنزل
والله يوفقك
