يا جماعه واحد من اخوياي راح يبغا يشتري تشارجر....
المهم انه شاف السيارة من الخارج وأعجبته يوم ركبها غير رأيه شوي بعد ما شاف ردائة المواد المستخدمة.....
سأل عن قطع الغيار شافها غالية قال أوكيه مو مشكلة لأن عرض الوكيل انه تدفع مبلغ(الضاهر 6000 ريال ) يصير الظمان شامل كل القطع الاستهلاكية وقيمة التشييكات.....
واحد من الموظفين تربطه صداقة قديمة به قال له اصبر لا تشتري السيارة الحين لأن فيها مشاكل كثيرة والورشة مليانه منها (بسبب قوة السيارة الشباب قلبو الشوارع حلبات سباق وانواع خرابات القير ومشاكل حرارة)....
الي صار ان الرجال صرف النظر عن السيارة نهائيا....وانا مكلم الرجال يوم الخميس الي راح وقال هالكلام بالحرف الواحد..
للأسف انا ماركبت السيارة ومارحت للوكيل من نزلت....بس شفت ال300 سي والقراند شيروكي الحقيقة البلاستيك طاغي على السيارة من الداخل وخصوصا الكنسول الأمامي كااااامل.....ولو تقارنونه بقراند شروكي 2001 ولا 2002 كان تشوفون الفرق شلون
للأسف الأمريكي كل سنة يختار نوعيات بلاستيك اسوء من السنة الي قبلها وأتذكر المذيع الي ببرنامج توب قير الي يجي على بي بي سي عمل اختبار لكورفيت السنة الماضية....وذكر نفس النقطة....قال بالحرف الواحد بعد ما ضرب كنسول الأمامي للسيارة " من فين يجيبو هالنوع من البلاستيك....ويعني فيها كل السيارات الأمريكية"
وبس
اعطيني قصة واحد خرب عليه جير ولا مكينة
انا ما ادري ليش الحقد كله على السيارة هذي؟؟؟
المواد الداخلية, انا معاك مش ذيك الفخامة, بس هذا مايخليك تكره السيارة كلها. ماعندهم عذر الا ردائة البلاستيك الداخلي.
اما من ناحية الخرابات؟؟ معليش اخوي انا ما شفت احد على الاقل بهذا المنتدى اشتكى من خرابات جير
غير كذا السيارة نازلة بأمريكا قبلنا بخمسة شهور يعني تقدر تقول لها سنة الحين وماعمري قرأت في المنتديات الامريكية عن خراب بالجير او المكينة
سمعت عن خرابات بالمسجل, رجه في الفرامل, اما جير ومكينة ابدا, وحتى لوصار خرابات في الجير في كم سياره مو يعني ان السيارة تعيانة, الاستخدام يحكم
لكن في سيارات مشهورة بخرابات الجير, وتلاقي ناس ماخرب عليه ولا مرة...هذا استخدامه ممتاز, ويحافض على السيارة
والسيارة اذا بتهريها قومات ودعس وحرق في المكينة, هذي كلها اسباب تؤدي لخرابات كبيرة وهذا في كل السيارات وحتى الرياضيه منها
ارجو من الاخوان الحياد
