وعليكم السلام ورحمة الله وبركاته
الازيرا تراها فئات وانت اللي شفتها يمكن الفئة المتوسطة
روح شوف الفل كامل بتعجبك ان شاء الله
اذا ما شريتها على طول وبتغير رايك 180 درجة عن الهيونداي
اما بالنسبة للتصويت
انا اصوت للفياغرا اذا كانت نظيفة
بس ما اظن انك بتحصل هذا الموديل باقل من 170 الف
الله يوفقنا واياك
هلا فيك اخوي ومشكور على ردك
انا الحمدلله مقتنع بهيونداي وماني متخوف منها ولكن هناك بعض الامور لم تعجبني بالازيرا وهي :
1- الزوائد ليست بلون هيكل السياره .
2- شكل العدادات تقليدي جداً وقبيح .
3- شكل السياره جميل ولكن في بعض القبح ومنها الانتفاخ في الرفارف الخلفيه يعني مخلي شكل السياره فاشل .
4- محرك ليس بالقوي بالنسبه لفئه مثلها .
5- شكل المسجل والمكيف تقليدي جداً وليس به اي ابتكار .
بس بصراحه لما جربتها ما قدرت اعيب في قيادتها بشيء ... رساوه وهدوء وسلاسه و و و .... بصراحه هيونداي ابدعت في هذي السياره
وبالنسبه للفياقرا انا حصلت موديل 2003 وماشيه 50 الف ونظيف بـ 120 الف ريال
تحياتي لك اخوي
انا احب المرسدس
بس الهيدروليك على ما سمعت سعره 12 الف وكثير اشوفه ساجده مع شوارعنا الخاليه من الجفر
انصحك بالفياقرا اذا لقيت نظيفه وتقدر على صيانتها
هلا وغلا فيكم
هذا الشي اللي خايف منه بصرحه وهو الصيانه
بالنسبه لأسعار قطع الغيار ماني مهتم فيها وخصوصاً اني محافظ جداً وايضاً السياره ماراح تتحرك الا يومين في الاسبوع
ولكن هل الفياقرا تحتاج تشييك في الوكاله من فتره لفتره لانها حساسه جداً
اذا كان الجواب بنعم فأعتقد انها راح تكلفني كذا
مشكورين على ردكم ومروركم الكريم
هلا اخوي ..
بالنسبة للخيارات اللي ذكرت نسيت سيارة مهمة جدا تتفوق على كل السيارات اللي ذكرتها ولكن يبيلك تزود على الـ100
الاكورد .. سيارة جيدة لا اجد قيمتها فيها زي ما تفضلت عزلها سيء وراحة مراتبها بوادي وراحة مراتب سيارات خلق الله بوادي ثاني..
لكنها فخمة ومتطورة واضف لها عيب ثالث وهو قطع الغيار اللي بتكرهك باليوم اللي وطوطت للوكالة فيه :)
الاكورد وقضينا منها
هلا فيك اخوي
الاكورد حلوه مرره وجربتها وعجبتني ويكفي انها من هوندا ولكن مثل ماتفضلت مراتبها ليست مريحه ابداً ابداً وعزلها مش ولابد
واما من ناحية اسعار قطع الغيار فهذي نقطه لا تهمني بصراحه
جا دور الازيرا
بما اني ما اداني اشوف سيارة كورية تمشي بالطريق لو كانت اطلق من المرسدس ..
ياخي ما يشتري كوري الا واحد يبي ينتحر .. هيكل سيارة ريموت كنترول حقت اخوي اقوى هيكل الكوري :) <<<<< زودتها شوي ادري
ما اقول لك كذا عشان اكرهك بالسيارة لكن هذي وجهة نظر لا غير ..
ما اقدر اقول شي غير انك ظلمت السياره صراحه
انا جربت السياره وبصراحه روعه لأبعد الحدود وعيوبها مثل ماذكرت في الموضوع وايضاً ذكرتها في تعقيبي على الاخ الفاضل sama_7
بالنسبة للفياغرا ما طحت بس انبطحت .. قطع غيار نار وخرابات الى قبل .
لكنها سيارة قيمتها يعني فخمة بما تعنيها الكلمة .. ولا اتوقع انك بتلقاها بالمبلغ اللي ذكرت..
ههههههههههههههههههه صادق والله اخوي ولكن نفسي اقتني هذي السياره من صغري وشي حلو اني احقق حلمي ولكن اخاف انها تكون كابوس من ناحية الصيانه
وبالنسبه للسعر حصلت وحده موديل 2003 وماشيه 50 الف ونظيفه وسعرها 120 الف ريال
بالنسبة لاقتراحي .. اقترح عليك
Toyota Avalon ما يميزها عن لكزس الا الاسم واشياء في غاية البساطة (ان وجدت)
متطورة الا حد بعيد تتغلب على المرسدس 2003 اللي ذكرت بقائمة تطول وتطول من الميزات
تشغيل السيارة باللمس , محرك جبار يعطي 285 حصان .. مشغل سيدي 6 اسطوانات .. شاشة . فتحة سقف (لست متأكد من هذه الميزة 100%) .. واسعة جدا واقتصادية بالبنزين غير كذا الشكل الروووووووعة
لكن لا تقول ما قلت ..
السيارة بيتغير شكلها 2009 والله اعلم.
تقبل تحياتي اخوي ولا تستعجل انت بتشتري سيارة بتقعد معك 5سنين
مشكور على الاقتراح
وبصراحه الافالون روعه ولكنني لم اجربها لانني لم افكر ان اقتنيها ممكن يكون السبب في كرهي لتويوتا او مستخدمي تويوتا او لعبد اللطيف جميل
لا اعلم بالضبط ولكنني لا افكر ابداً في اقتنائها مع انني لا اعيبها بشئ
اشكرك جزيل الشكر اخي الكريم ولاهنت على ردك الحلو وتفاعلك
