بي ام & مرسيدس & لكزس

والله أنا رأيي من رأيك أخوي خالد بصراحة موضوعك مرة ممتاز

ويفيد الجميع بس ياليت مثل ما تكرمت يكتبون الأخوان عن تجاربهم الشخصيه مع السيارات المذكورة

G H O N A M E . A .. كل عام وانت بخير

اخوي زنون .. انا ما طلبت ان الناس تختار لي .. انا طلبت من الي جربوا هالسيارات يقولوا لي عن تجربتهم

يعني مثلاً انت جربت اللكزس والمرسيدس .. تقولي من ناحية الزنون اللكزس اقوى واحسن انتشار من المرسيدس

والمرسيدس من ناحية الرساوة افضل .. طبعاً هالكلام على سبيل المثال

بس يبدو ان الغالبيه يقرأ اول سطر ويرد ولا احد يقرى الردود .. وبكذا تحول الموضوع لغير هدفه نهائي

تحياتي لك

بصراحه اخوي ماراح تاخذ اي نتيجه

من آرائينا لآنه كل واحد وله رأيه في ناس تفضل المرسيدس

وفي ناس تفضل البي ام وفي ناس تفضل الكزس لكن انت شنو تفضل؟

اختار بنفسك لأنه المناقشه ماراح تاخذ منها اي فائدة

لكن بشكل عام المرسيدس والبي ام افخم من الكزس

لكن الكزس سيارة فخمه وهادئة واعطالها قليله جداً عكس المرسيدس والبي ام

مرسيدس
والخيار الثاني لكزس

شاكر لكم مروركم الكريم

ويبدو ان الهدف من الموضوع لن يتحقق

تحياتي للجميع

انت لو تقدر تزود في السعر شوي تاخذ لكزس الجديد ترى مرره اصلي

لاني اشوف كذه وبدون تعصب المرسيدس احسه حقت عجايز

و البي ام ماتغير شكلها كثير من 2000

ملاحظه : مجرد راي شخصي

والله يوفقك

انا جربت مرسيدس S320 و لكزس LS430

السيارتين متازات في كل شي و إن كان فيه شويه مشاكل كهربائيه في المرسيدس

بما إن السيارات إلي تبيها مستعمله فحاله السياره إلي بتشوفها في المعرض هي إلي المفروض تحدد رايك ... هذا أهم من راي أعضاء المنتدي باسياره بشكل عام

انا ما أبي أخرج عن موضوع سؤالك بس شخصيا انا أفضل السياره الجديده عن المستعمله

وبالتوفيق

اخوي عاشق الاوبل .. شاكر ومقدر مرورك الكريم

بس ما حددت الانواع الي جربتها وموديلاتها او عدم التجربه .. وعلى اي اساس تم التصنيف

ياليت يا اخوان تقرون الموضوع مضبوط قبل الرد

تحياتي للجميع

والله اقولها لك بكل امانه

افضلهم المرسيدس بعدين الBMW بعدين الكزس

طبعن اريحم المرسيدس من نلحيه المقاعد والسواقه والعزل

ومن ناحيه الزنن الكزس بعدين المرسيدس بعدين الBMW

تحياتيــ لــك

شاكر لك مرورك .. لكن انت حطيت جميع المحاور مع بعض ورتبت السيارات حسب رغبتك

يعني تعصب بحت .. لأن مافي سيارة تتفوق في كل شي .. كل محور ممكن يكون لصالح نوع معين

على اي حال مشكور

بأنتظار ردود مجربين مع ذكر نوع السيارة وموديلها

والشكر لكل من رد ومن قرأ بدون رد

الى اللقاء

يا هلا فيك يا وليد .. انت فهمت سؤالي

بس ما قلت الانواع الي جربتها .. وعلى اي اساس تم التقييم

يسعدني ردك اخي مجنون بانوراما .. بس ما حددت لنا النوع الي جربته وموديله

وكان ودي مقارنة على اساس المحاور الي ذكرتها وليست هذي افخم او هذي اريح بشكل عام وبس

وشاكر لك مرورك

----------------------------------------------------------

مشكور اخوي نديم على الروابط رغم انها ليست المطلوب .. انا طالب عمل مقارنة على نواحي معينة لمن جربهم او احدهم من ناحية عملية .. وليست مسألة تفضيل سيارة على سيارة او ترشيح لي سيارة معينة

وبخصوص التعصب فأنا اشوف ان الي بيتعصب في هالأمور جهل منه .. لأن مافيه احد له نسبة من الارباح لأحد هؤلاء الشركات او نصيب منهم

تحياتي لك

مقارنه بين كبار ولكن:
إذا كان تبي سياره تكون سيارتك اللي عليها كل مشاويرك بدون تكاليف غاليه في الصيانه خذ اللكزس بدون تردد
أما إذا تسأل عن:
الرساوة على السرعات العالية .. العزل الصوتي .. متعة القيادة .. النظام الصوتي .. نظام الاتزان ومنع الانزلاق

الرؤية الليلية .. الزنون .. راحة المراتب .. الشاشة
راح تكون المرسيدس ثم البي ام ثم اللكزس
وأهم شي انك تشتري السياره اللي تحب عشان لاتندم وتتحمل كل عيوبها مهما كانت
لأن القناعه سياره لا تفنى|6|
ومبروك مقدما
تحياتي

الرساوه : BMW ثم المرسيدس ثم اللكزس

العزل الصوتي : المرسيدس ثم BMW ثم اللكزس

متعة القياده : اللكزس ثم BMW ثم المرسيدس


ومن ناحية المراتب فمصمم مقاعد ال BMW هو افضل جراح في العالم لذى فستجدها قاسيه قليلا

لأنها طبيه ...

ونصيحتي لك .. انت واحتياجك ..

اذا ودك بفخامه وقوه لكن ماعندك مانع انك تصرف على السياره حوالي 30.000 ريال في السنه فخذ BMW

واذا ودك بسياره قريبه من BMW وتتفوق عليها في التحمل فخذ مرسيدس

اما اذا اردت متعة القياده وراحت البال من الخرابات والمشاكل فخذ اللكزس وريح راسك ..

أنا أقولك من ناحية الراحة فخذ لك لكزس أريح بكثير من البي أم ومن واقع تجربة أنا ركبي الثنتين مراتب البي أم قاسية وما فيها أي راحة أم المرسيدس فهي أكيد أريح من البي أم لاكن ما أدري أريح من اللكزس والا لا ومن ناحية التحمل فالكزس أكيد أفضلهم ومن ناحية الفخامة فأكيد المرسيدس بلا شك