Trail Blazer LT 2006 نصيحتكم تكفون؟

ابشر يا salam10

وجاري التجربة

الشكر الجزيل الى جميع الأخوان وما قصرتوا

والحمدلله رسينا على البليزر وخلصنا كل امورنا

ولكن المشكلة انه مر اسبوع كامل والجميح يقولون لي ان لوح السيارة ما جت من المرور وسمعت ان مابقى ارقام لوح

وانا الآن جالس على سيارات آجار وانتظر فرج الله

ودعواتكم

امس لقيت بليزر 2006 بدون دبل بأسم راعيه من الوكاله ماشي 27 الف مسيوم ب65 الف ريال في النسيم يقول فكه من عشرة شهور ب 82 الف ببيع بفرق السوم اذا تبي رقمه عندي شكرا.

السلام عليكم
سبق لي أن اقتنيت تريل بليزر 2005 جديدة من الوكالة واستخدمتها لمدة عام كامل والعداد وصل 40000 كم ولم أواجه أي مشكلة في السيارة ماعدا كما ذكروا الأخوان صوت الهواء المزعج ولكني كنت منتظم في الصيانة كل 5 آلاف كيلو يعني استخدام نظيف والسيارة وجدت فيها أقدر أقولكم الكثير مقابل السعر من ناحية القوة والراحة والسعة والشكل و(شخصيا ) أفضلها على كثير من السيارات من فئتها تزيد عنها بالسعر يصل ل30000 ريال يعني السيارة أرى أنها صفقة رابحة وأما بالنسبة لسعر إعادة البيع فبعت سيارتي على معرض الريان بالنسيم بمبلغ 73000 ريال وأنا اشتريتها جديدة ب 84000ريال وطبعا اللي اشتراها شريطي يعنى عارف مكسبه المقصد أن السيارة بنظري تعطي سعر حلو في اعادة البيع ولكم الحكم وبالتوفيق للجميع .

السلام عليكم

انا من الناس الي كان ناوي يشتري بليزر موديل 2005 قبل سنة وشوي ولاكن ردني عن الشراء بعد بحث واستفسار لاكثر من 3 اشهر

1- جميع اصحاب المعارض الي قابلتهم نصحوني بالابتعاد عنها لعدم الرغبة بها
2- اسعار قطع الغيار مرتفة نوعاً ما بقارنة بغيرها
3- السيارة نازلة وماتصلح حق البر
4- صوت الهوى قوي بعد 120
5- استهلاك البنزين عالي
6- لاتاخذ من الجميح ابداً لانه مع الاسف وكيل سيى وخدمات بعد البيع سيئه جداً جداً
7- الديكور الداخلي سيى وتحس انه تلفيق (وجهة نظر شخصية
8- هناك من اشتى في المنتدى من المكيف وبعض الاصوات في المكيف
المميزات
1- اقوى محرك من فئته 4.2 لتر يولد 294 حصان
2- مريحة في الاستخدام اليومي
3- تأتي بمواصفات رائعة مثل الشاشة والجلد وتدفئة المقاعد والمكيف الخلفي
4- سعرها معقول نوعاً ما

في الختام انصح بالاستخارة فما خاب من استخار

ونصيحة اخوية اذا تبي سيارة دفع رباعي لك وللزمن فخذ ياباني او اكسبرورر

بالتوفيق
اخوك
صالح

الى كل الأخوان الي ردو علي الف شكر وجزاكم الله خير

وعلى العموم غالبية الكلام انه سيارة قويية بس في الطعوس يبيلك ما تجور عليها عشان حساسات القير واظن هذا هو الي خايفين منه اكثر الناس لأن القير يقولون انه حساس زيادة على اللزوم وهذا كلام واحد من ضمن الي سألتهم شفهيا وهو خبره في السيارات

ما قصرتو وجزاكم الله خير واذا في زيادة ردود يكون احسن

أخوي علي العلي ...يقول المثل أسال مجرب ولا تسأل طبيب (( لمعلوميه انا طالب طب ))
وبرضو ..........أنا عندي بليزر بس موديل 2003 يعني له معي حوالي أربع سنوات
الموتر ممتاز جدا من ناحية الفرارة داخل المدينه
تاني شيء لاحظ فيه شيء .......اذا كانت السيارة واقفة ..وفجأة كتمت الدعسة ...ما يفر الكفر ......سألة الوكاله قالو فيها نظام ( نسيت أسمه !!) ما خيلها تفحط.!!
أما الدبل........
جيد اذا كنت تمشي فيه على تغريز ( يعني بشويش ..)
أما اذا كنت تبي تطلع قص ........._\/_........ ماينفع ابدا لانه (زي ما قال الاخ Night Hawk ) نازل ..( انا صراحة نزلت أكثر ..لاني ماحب التطعيس !!!)
عموما السيارة مريحه جدا من الداخل ......... خصوصا أن 2006 يقولون فيه شاشه دي في دي
مع كل هذا سعرة رخيص جدا ...... والحين عليه عروض ..........


أرجو أني وصلت المعلومه ........

كلام اخوي فيصل صحيح والقير الارضي بالنسبة لي اجمل من العلاقي .. لكن اتوقع بالبيع الطلب على العلاقي اكثر .. فراح ينزل سعره اتوقع انه قير ارضي

عالعموم البليزر قوي وما عليه لكن فيه بدائل افضل بقيمته (او زيادة عليها شوي) لكنها افضل ..

تحياتي لك اخوي وتمنياتي لك بالتوفيق

اخوك

انا لي تعليق على مسالة القير الارضي

كثير نسمع مقولة القير الارضي مشاكله كثيره ماادري من وين يجيبون هلكلام


القير الارضي هو نفسه القير العلاق بس الاختلاف بالعصا حق القير لا اكثر ولا اقل والموضوع كشكل رياضي


والله الموفق