1- التحمل وبكل قوه الياباني يتحمل اكثر من الأمريكي والألماني بعد
2- صرفيه الوقود الياباني اقل صرفيه
3- قطع الغيار الياباني اقل سعر ومثال الكابرس موديل 2004 سعر الدينمو بـأكثر من 2200 ريال وبينما المكسيما وهي تعتبر من السيارات الغاليه قطع غيارها لا يتعدى 800 ريال طبعاً كلها وكاله
4- تعال نتكلم عن الراحه وبصراحه الأمريكي كان اول مريح لكن الحين أختلفت واليايات قست وصارت اقسى من الياباني يعني حتى الراحه مافلحوا فيها
5- تفكك الأمريكي بشكل كبير ومقزز وقلق يجعلك تكره السيارات الأمريكيه جميعها
6- عزل الهوا الياباني افضل من الأمريكي بكثير
7- دقه الصناعه
8- جوده المواد في السيارات اليابانيه اكثر من جودة المواد في السيارات الأمريكيه
9- في البيع وما ادراك مالبيع فالياباني يحافض على سعره عند البيع ولا ينقص منه الى قليل اما الأمريكي فاللأسف لا يحافض على سعره
10- لاتشتري المنتجات الأمريكيه لأنها تساعد في قتل اخواننا في في فلسطين والعراق وافغانستان
حبيت اعقب علي كم نقطه ...
1- من قالك انه الياباني قوه تحمل اكبر ؟؟؟ اعتقد انه الامريكي هم قوته التحمل حلوه و حتي الاماني ..
2- تقدر تقول انه اقل صريفه ممكن ..
3- قطع غيار الياباني شي خيالي و خاصتاً الهوندا ولا تنسي احتكار القطع في الاسواق مثل السوبارو ...
4- الياباني اريح من الامريكي ؟؟؟ مستحيل الي اللكزس :)
5- ما اعتقد بهذه الردائه ؟ يعتمد علي الاستعمال ...
6- اسوء ما في الياباني عزل الهواء للاسف و هذا الي يقهر ..
7- ممكنه دقه الصناعه بس لا تنسي انه الاماني هو الاول ...
8- انا عندي سوبارو مديل 2006 اعتقد الجوده عاديه مع انها ياباني 100% .
9- هذه النقطع العيب مو في السياره بل فينه احنه ..
10- هذا موضوع ثاني و ما ابي اتكلم فيه لانه كان الرسول صلي الله علي وسلم كان يشتري من الكفار و اليهود ..
و اسف علي الاطاله .. |3|
