مطلوب...تفصيل ممل عن الكربون والشمبر بالسيارات ..شارك

mmh @user_40589 · 12-01-2007

طبعاً الموضوع باين من عنوانه |1|
دائماً الواحد يتسأل كيف يجي الكربون بالسيارة ماهي اسبابه و كيف يتخلص منه :confused:
وحتى الشمبر (الدخان الابيض)) نفس السوال ماهي اسبابه وكيف التخلص منه :confused:

نرجو من جميع الاعضاء المشاركة بالمعلومات المفيدة :D
وانا بالانتظار:cool:

عميد الطائف @user_3293 · 19-01-2007

السلام عليكم ,,,

أخوي mmh التبويش له حلين .... أما انك تسقط شنبر ( وصلى الله على محمد ) وما أنصحك فيه لأنه ماهو حل جذري.
أو انك تخرط خرط كامل للمكينة...
وطريقته هو صقل السطح الداخلي للاسطوانات ( غرف الاحتراق ) عشان يصير سطحها الداخلي أملس وببمقاس واحد ومافيها تعرجات أو شقوق. طبعا هالشغلة تؤدي لتوسيع هالحجرات ... وبالتالي لازم تحط شنبر أكبر من الأول عشان يناسب قطر الاسطوانة بعد الخرط. والنتيجة ان الاحتراق يتم بشكل افضل من أول ويعطيك كومبريشن أفضل وعزم اقوى.

مع العلم انه احيان لازم تغير كم قطعة مع الخرط... بس أنا اقول لو افترضنا ان السيارة ما يبغالها غير خرط فهذا اللي راح يحصل.

كسير القلب @user_38121 · 12-01-2007

بالعربي توظيب مكينه هاذا الحل للشمبر

وباقي الاخوان يفيدوك اكثر

mmh @user_40589 صاحب الموضوع · 12-01-2007

اشكر جميع الاخوان الي ردوا على الموضوع ماقصرتوا بس الكربون طريقة التخلص منه يطلع على خط طويل وبسرعة عالية هي مفهومة 100% اما الشمبر طريقة التخلص منه مافهمته ممكن توضيح اكثر انت تقول الخرط كيف يتم ذلك ؟

عميد الطائف @user_3293 · 12-01-2007

السلام عليكم ....

الدخان الأسود مثل ما قال الاخوان ينتج من وقوف السيارة لفترات طويلة. والحل هو أخذها في مشوار طويل نسبياً وبسرعة عالية نوعاً ما.
بالنسبة للدخان الأبيض المزرق فهو ناتج عن ما نسميه ( بالتبويش ) وهو تآكل أطراف غرف الإحتراق وبالتالي لا يوجد تناسب بين كمية الوقود والهواء الداخلة للحجرة وبين الإحتراق اللازم. وحله هو الخرط أو ( تسقيط الشنبر ) والخرط أفضل. وينتج عن :
*** المشي بالسيارة دون تحمية.
*** المشي بالسيارة لفترات طويلة بالزيت المحروق دون تغييره.
*** وجود نقص في زيت المحرك.
*** إنتهاء عمر المحرك الإفتراضي.

S E N I O R @user_31926 · 12-01-2007

مرحبا انا راح ادلي بدلوي

الاسود : في غالب الاحيان يدل على خطاء في الاحتراق داخل المحرك

الابيض المزرق (الشمبر) : في غالب الاحيان يدل على تاكل غرفة الاحتراق مما ينتج عنه احتراق الزيت مع الوقود

هذا اللي اذكره تحياتي

B R A B U S @user_18993 · 12-01-2007

السلام عليكم ورحمة الله وبركاته

اخوي العزيز الكربون عادة ما يجي من عدم تحريك السيارة في سرعات مختلفة

او على خط سريع يعني تكربن السيارة لانها تمشي مسافة بسيطة وفي شوارع

صغيرة لفترة طويلة ع العموم الاخوان في الورشة راح يفيدوك اكثر بالموضوع ,,,

B R A B U S