طاحت من عيني الالتيما

وانت شنو تفسر كذبك على نفسك عندما تقول ان الكامري السابقه افخم من الالتيما :rolleyes:

الظاهر ماتحسون بكذبكم على نفسكم ومغالطاتكم |10|

بس جايين تكذبون الغير |4|

وكلام المسخره على الناس مره علي ومره على الباقي في التعليق على كلمة خبير

هذا الشي مش حلو منك :o

اخي الكريم واضح التعصب في كلامك للالتيما وذلك فقط لانه لديك التيما ....انا لدي اكورد فعلا واملك سيارات غير الهوندا ايضا ولكني لست متعصبا لهذه السياره او متحيزا ضد تلك السياره .....انا ايضا اقول كلامي من واقع تجربه يا "خبير التيما"....

انا اتفق معك في شي واحد كتبته الا وهو قوة المحرك علما بأني ذكرت ان الالتيما تتفوق على نظيراتها في هذا الشأن اما بالنسبة لقوة القير التي تتغنى فيها فليس هناك داعي لذكر مشاكل القير في الألتيما والتأخير في بعض التعشيقات والتي ذكرت في اكثر من موضوع.....وعلى المستوى الشخصي عندما أقارن قير الألتيما بقير سيارتي الاكورد طبعا الهوندا معروفه بأنها تنتج افضل القيور في العالم .....

بالنسبة ايضا للفخامه لااريد ان اناقشك لانك عندما تقول ان الالتيما افخم من الاكورد او الليجاسي فأنك تكذب على نفسك ماتكذب علي ومافيه اصلا داعي اخش بالتفاصيل ومواصفات الفخامه في الثلاث سيارات عشان مااصدمك في فرق الفخامه عن الالتيما اما اذا كنت مصمم على ان الالتيما مجرد انها تقارن فيهم ياخي جيب مواصفات السيارات الثلاث وورينا عضلاتك (ذكرت الليجاسي لاني لست متعصب للهوندا كغيري من المتعصبين وكأن شركة نيسان او تويوتا او هوندا او او تصرف عليهم تصرف عليهم) ...

وبالنسبه لكلامك عن الليجاسي انك ماتقدر تحكم عليها لانك ماركبتها....كلامك هذا والله نكتة الموسم بصراحه ياخبير هذا وانت خبير التيما ...يااخي انت بنفسك تقول دفع رباعي والليجاسي سياره اشهر من نار على علم وارسى سياره في فئتها يكفيني اعرف انها دفع رباعي عشان تكون ارسى من الالتيما ومايحتاج اني اجربها عشان اعرف هالشي....يعني مايبي لها خبره بس الظاهر اخوي انت خبرتك فقط في الالتيما :D

النيسان او المكسيما بالخصوص كثيرون من يشكون من قطع غيارها المرتفعه واعطالها الكثيره ولم يسبق احد ان مدح لي هذي السياره من ملاكها سوى شخص واحد فقط

من الواضح انك كبرت الاقتباس وسويته عشرة اضعاف وجبت كلام مادري من وين

الاقتباس تبعي تكلم عن الرساوه

وانت جيت وجبت لي اكثر من مليون مقارنه مدعي اني قلت الالتيما الافضل فيها

اما من حيث الرساوه فنعم الالتيما ارسى من الاكورد بكثير وعن تجربه اما الليجاسي ماقدر احكم لأني ماجربتها

اما الجوده فأرجح الاكورد وحتى من ناحية الفخامه

اما من ناحية التربيط فأنها جربت الالتيما ما صار معاي تفكك او غيره مما تزعم

اما جمال المقصوره فأرجح الاكورد كما قلت سابقاً وبعدين الالتيما وبعدها الليجاسي وبعدها صاحبة اسخف مقصوره وهي الكامري ( الشكل القديم لأننا نتكلم عن الالتيما القديم)

اما عن المواصفات فترجع للوكيل

لكن الي موجوده عند الوكيل للتجارب حالياً بمعايير خليجيه بها معظم مواصفات الامريكيه عدا النافيقيشن تقريباً

ومره ثانيه لاتقولني شي ماتفوهت به :rolleyes:

السلام عليكم ورحمة الله وبركاته

http://www.assayyarat.com/forums/showthread.php?threadid=48573

اللي حاب يرد يقراء ويشوف اللي فوق ^^^


وتحياتي لكم

السلام عليكم روحمة الله وبركاته

أخوي بما أني خبير بموتري

فكلامك اللي فوق هو وجهة نضرك الشخصيه ( مع أحترامي لها غلط )) كح كح |3|

أتقارن الألتيما من ناحية الرساوة بالأكورد والليجاسي؟ والله يا طويل العمر خذ لك أكورد موديل 2016

ولا 6 سلندر وتعال بألتيمتي موديل 2005 أربعه سلندر وتشوف (( لو أنك خبير كنت عارفها ))

أنا ركبت أكورد أربعه سلندر نص فل فتحه موديل 2006 لما أجي بجنب الشاحنه وأمشي 220 السياره تهتز

بشكل واضح أما بالألتيما (( ماشاء الله تبارك الله )) مرات وربي أترك الدركسون ..... بس ما أقارنها بالليجاسي

أول شئ لأني ما جربتها وثاني شئ دفع رباعي (( لو كنت خبير بجد ما دخلتها مع سيارات دفع أمامي )) |3|


اتقارن الألتيما من ناحية الفخامه بالأكورد او الليجاسي؟

أيه نعم الألتيما الفل أبشن أيه أقارنها بالأثنين صحيح اللمسات بسيطه في الألتيما بس تقارن فيهم

أتقارن الألتيما من ناحية جودة الهيكل والمواد الداخليه بالأكورد او الليجاسي او الكامري؟

أخوي حاب أقولك عيب الداخليه الوحيد في الألتيما المسجل بس !!! ووسيـــــــعه أوسع من الثلاثه اللي قلتهم

ومنت مصدق روح للسليماني لتركيب الجلد ولا أي واحد يركب جلد وأسألي أي أكبر ؟؟؟؟؟؟؟؟

راحة المرتبه الخلفيه في الألتيما أفضل من الثلاثه <<<< كلام ناس يركبون معاي مو كلامي أنا

أتقارن الألتيما من ناحية قوة التربيط بالأكورد او الليجاسي أو الكامري؟

بهذي أنا معاااك بس تربيط الألتيما مو سئ بس الأكورد واليجاسي أفضل



أتقارن الألتيما من ناحية جمال المقصوره الداخليه بالأكورد او الليجاسي او الكامري؟ مع العلم ان مقصورة الالتيما بحق فاشلة على الرغم من جمال الهيكل الخارجي

والله أنا أشوف بحكم أني ركبت الأربعه أنا أشوف أنه أفضلهم

ومقصوره الألتيما فاشله (( هذا مو خبره هذا رأي )) مجرد شخصي فقط للخبراء |1|


طيب ليش ما ذكر قوة القير ؟؟؟

ليش ما ذكر قوه العزم ؟؟؟

من مواصفات الخبراء أن يذكروا الزين والشين لأنهم خبراء

بس شكل عندك أكورد وأحد غاثك في الألتيما يا خوي ترى الدعوه سيارات

في النهايه احب ان اذكرك اني لاأتكلم عن الالتيما الجديد والذي لااحد يعلم موعد نزوله وان كان سوف ينزل بالمواصفات التي ذكرتها انت مسبقا وان كنت شخصيا لااتوقع نزولها عندنا بنصف المواصفات الأمريكيه

يعني راح تصير احسن من الانفنتي؟؟؟؟؟

معذرتاً أي أنفينتي تقصد اللي راح الألتيما في 2008 .. تصير أحسن منها ..؟؟؟ |4|


على كلٍ يا خبير أنفنتي ونيسان


وتقبل خالص تحياتي :cool: :D

وعليكم السلام ورحمة الله وبركاته
الألتيما ماهي مرغوبة كثير وربما لعيوب فيها وهي ليست منتشرة بالكثرة التي تعطي مؤشر أنها سيارة ممتازة لكن إذا كنت ناوي وراغب فيها فاستخر الله يا أخي ولاتتعب نفسك فالله تعالى سوف يختار لك إن شاء الله الخير

الالتيما جيدة بل الافضل من فئتها ......... جربة سيارة واحد من الشباب 4 سلندر 2006
جيدة عيبها قاسية وصوت هواء قوي ؟؟؟؟؟؟؟ والوكيل حدث ولاحرج ....... مجربة بالـــــــ انفنتي FX حق اخوي .......
لكن من الداخل وكعزم حلووووووووووة

ووووووووووووووووف....!!! أخواني انتم هاجتهم السيارة أقوى هجوم.. خخخخخخخ

وزن السيارة كاملة 1900-2000 كيلو والدليل عندي بدليل المالك واللي عنده ألتيما يتأكد من كلامي من دليل المالك يعني الرساوة ونظام التعليق رووعة

وصدقوني ماهو دفاع عن السيارة بس انا مجربهاعلى سرعة 248 كيلو خخخخخخ متهور... و وصلت مرة بالماكسيما

حق أخوي أكثر حول 255 كيلو وكل السيارات V6 وناقل يدوي الماكسيما خمس سرعات والألتيما ست سرعات

بس الألتيما رسااااااااااوتها ماشاء الله مايحتاج(( ورجاء لا أحد يجرب السرعة وكلامي كان فترة تهور... ))


بخصوص كلام أخونا رومانسي ROMANSI40

عن
وحاليا صارت السياره تقفل بالريموت من غير صوت البوري ( الهرن )
ومرت على أكثر من 5 كهربائيين ومالقوا حل للمشكله
الفيوزات سليمه والبوي شغال تمام

ياخوي هذي أمرها بسيط جدا.. إذا قريبك مايعرف يضغط زري الإقفال والفتح سويا لمدة خمس ثواني أو أقل
لأن انت بنفسك تبرمج السيارة بدون صوت أو صوت.. وفيها بالريموت تفتح الزجاجتين الأماميتين
وفيها نظام تسوي تيشييك على السيارة تشغيل الأنوار والمساحات ومرواح الميكينة وكل الأموار لتتعرف على السيارة
قبل القيادة في حالة السفر .. وفيها أمور كثيرة بس الناس ماشافت إلا الشين وصراحة أنا ودي لأخوي ياخذ أفضل سيارة
وإن شاء الله يركب أفخم وأفضل سيارة وبالتوفيق للجميع <<< وأرجو قبول كلامي بصدر رحب (^_^)

بالتوفيق للجميع

السلام عليكم ورحمة الله وبركاته

شباب رجاءاً اللي ما عنده خبره في الموتر يتنحى جانباً

الرجال يستفسر

وبالنسبه للي تكلموا عن البودي ؟؟ جيب لي إثبات أن البودي ضعيف

إثبات علمي .....

طيب قولولي إذا الألتيما ضعيفه وش القوي والقوي الله ...

وانا بجيب لكم إثباتات

يا أما نقنع الأخ ولا تقنعون أصحاب الخبره في السياره

وسياره أنت ما تسوقها لا تتكلم عنها ؟؟؟ إلا من واقع خبره


بس اللي ما تكلمتوا عنه أنها سيئه في الصيانه (( نيسان))

لقلة الفروع في الرياض __(( راح يفتحون على الدائري ))

وراح يعزلون إنفينتي وهذا خططهم المستقبليه <<<----- إنطر يا .... لم يجيك الربيع

^^^
هذا السبب الوحيد اللي يعيب السياره بسسسسسسسسسسسسس

واللي عنده غيره يواجهني

تحياتي لكم

وانا اقولك عن تجربة خاصة يمكن الماكسيما العن منها خرابات وقطع غيار نار نار اعتقد ان النيسان كله كذا خرابات قطع غيار نا ر

صح لسانك

كفيت ووفيت

نصيحه وأنا اخوك ..
لاتسمـع كلام أحـد .. أغلب السيارات المعروفه من وكالة نيسان وتويوتا وهوندا وهونداي .. هذي كلها تعيش وكلها سليمه ..

لكن العيـب بإستخـدامنـا

انا يوم جيت بأشتـري سياره قمت أشاور واسأل ..

اشري مكسيمـا .. قالوا نيسان تفكك
اشري سوناتا .. قالوا كوري مايعيش
اشري ابيكا... قالوا تخبط المكينه وامريكي دمار
اشري فورد .. قالوا امريكي مايعيش
اشري اكورد.. قالوا خرابات ومشاكل كثيره
اشري ........ الخ

صدقني تبي تتعـب وانت تسـأل .. وشريـت السيـاره اللي ببـالي .. والحمدلله عايشه معـي ولاأروع :)

كل السيارات المعروفه تعيش وكلها تمام .. بس العيب بإستعمـالنـا

إذا كنت مقتنـع بالألتيـمـا اشتـرهـا وتوكـل على الله ..

واذا كنت تبي تقتنع زود بالألتيمـا .. رح لمنتديات نيسـان ارابيـا ... ناس تلعب بالسياره وللحين عايشه ولا قاالت لا :)

وماعليـك من كلام النـاس ..

السياره تـعـتمد عليك أنت وإستخـدامـك

السلام عليكم

وخرب الدركسون والبريك ما يسحب والجلنط ( السايد ) في المسجل

وطفائه السجائر مغطيه على العداد وعداد الضغط بمكان الساعه

ولمبه السقف تحت المراتب ( الكشنات ) وتمشي للخلف إذا حطيت d

وتقوم السياره بالخامس, إذا قومتها في الاول تطفي الأنوار

ويهرب حصانين من العزم ...؟؟؟؟؟؟


أخوي وش الكلام اللي تقوله والله على بالي سدرك 79

لا أخوي ممكن تكون سياره من أصل 100 سياره

أنا ما أكذبك ولا أستهبل لكن تبي الصراحه

أنتم قارنتوا الألتيما الأربعه في غيرها من فئتها طبعاً الأربعه سلندر



شوف حبيبي لو لقيت أرسى منها في فئتها أثبت لي وبثبت لك العكس

وشوف حبيبي لو لقيت أقوى منها عزم في فئتها أثبت لي وبثبت (( stock )) يعني ستاندرد

ولو لقيت أوسع منها مقصوره داخليه كفئه اربعه سلندر أثبت لي وبثبت لك

ولو لقيت أريح مراتب منها في فئتها أثبت لي وبثبت لك ؟؟؟؟

وتحياتي للجميع

الالتيما ظهرت بها مشاكل كما تفضل الاخوه في كرسي المكينه في بداية ظهورها في الخليج

وهو امر طبيعي جدا وقد حلت المشكله ..

وتتميز الاتيما بنعومة نظام التعليق خاصة في المطبات ..

وايضا رساوتها ممتازه ومكينتها هي الاقوى في فئتها سواء 4 سلندر او 6 ...