طاحت من عيني الالتيما

التيما واحد من الشباب اعرفه عز المعرفه

بدل كرسي مكينه + ربل معاونيات امامي ( مساعديات ) + صوووت المكينه مزعج حيل + رساوه x + انكسر عنده الرنج ( الجنط من أو حفره بالطريق ) امممممممممممممممم
مو متذكر بعد .. ياكثر مارحت معاه للصناعيه

وحاليا صارت السياره تقفل بالريموت من غير صوت البوري ( الهرن )
ومرت على أكثر من 5 كهربائيين ومالقوا حل للمشكله
الفيوزات سليمه والبوي شغال تمام

من ناحية المشاكل ما فيها مشاكل تذكر ولله الحمد .. لكن لما تقارنها بغيرها مثل الأكورد .. فما فيها مقارنة بصراحة .. لما أسوق الألتيما أحس إني أسوق حاجة فارغة .. أحس فيها فراغات زااايدة .. ولا أحس بمتعة القيادة مثل الأكورد .. لكن من ناحية الأعطال قلت لك ما أذكر فيها أعطال

والله الموفق

يكفيني القرقعة اني ابتعد عن هذه السيارة

اتمنى من كارلوس غصن انه يزيد الجودة النوعية لسياراته

حتى لو ارتفع سعرها قليلا


لان الشركات الالمانية اكثر ما يرفع اسعارها هم مهندسين الجودة النوعية

وشكرا


محمد ...

السلام عليكم روحمة الله وبركاته

ممكن تسمح لي أضحك

هههههههههههههههههههههههههههههههههههههههههه

معاي ألتيما 2005 كملت معاي سنتين

ماشفت من الكلام اللي تقوله صح ضربت 16 مطب في الخبر (( الله لا يعودها من سفره ))

صحيح مشيت وربي 180 في الصحراء (( إسعاف واحد من الشباب ))

وصحيح كثير مقاومات (( هوايه أكرهها بس أحب التحدي ))

وصحيح مركب جنوط الغرابي حجم 18 من أول 10 أيام وكاله

وصحيح سفرياتي كثير لدرجه مشيت 40 ألف في أول 6 شهور

وصحيح سويت حادث ودخلت تحت شاحنه وطلعت كفر الأستبنه حقها (( الله ستر ))

وصحيح مو بس أنا أسوقها (( أخوي الصغير وأخوي الكبير مرااات )) لكن قليل




ما شفت من ا لكلام اللي تقوله شئ

غير كرسي المكينه وصلحوه على الوكاله والعكس الأيمن صلحوه بعد عن طريق الوكاله

وكلفتني يا طويل العمر

صيانة 1000

+

صيانه 10.000

+

صيانه 30.000

+

صيانه

40.000

+

صيانه

60.000 + 70.000+80.000

المجموع

يمكن وصل أممممم 5 آلاف ريال في سنتين

وتقريباً يوصل للـ 6 آلاف بس ما يتعدى

وانا كل اللي سويت فيها ولله الحمد ما قول 100% لكن أقول حالتها ممتازه

غير أن الشكمال مضروب ومسبب لي قلق شوي لازم أغيره (( بسببي أنا ))

وحبيت أصلح معلومات مجرب وليس خبير

موتري موديل 2005 أربعه سلندر أوتو اللون عنابي

لكن وانا أخوك اللي ياكل الجو في السته سلندر

وبنفس الوقت ياكل الجو في الأربعه سلندر من ناحيه الرساوه والعزم

دايم يكون مسبوب

تحياتي لك

مشكوور اخوي على المعلومات ...

لكن ما نظلم السياره انا عن نفسي ما ادري عنها ..

ولكن سمعنا عن بعض عيوبها مثل القرقعه وغيرها ..

بس التجربه خير برهان ... اسأل مجرب وخل عنك الباقي

واظن الشباااب ما راح يقصرا ..

مع التحيه ..

السلام عليكم ورحمة الله وبركاته...

ياخوي من اللي يقول... كانت الدفعة الأولى فقط لفئة V6 وL4 كانت فيها مشاكل بسيطة جدا

سوء تحميل على ما أظن وياخوي انا عندي سيارتي V6 موديل 2006 فل كامل بدون جلد وناقل يدوي ست سرعات

الحمد لله حتى مع تركيب يايات أيباخ الألمانية والسيارة مافيها أي عيوووووووب والحمد لله السيارة بتكمل معي

سنة بإذن الله وما أشتكت من شي واضح بس غيار الزيت وغيرت مرة وحده فلتر الهواء وأدخلتها الصيانة

مرة وحده عن وصول الألف وفقط

وهذي صورة من السيارة بس قولوا ماشاء الله بارك الله.. والناس أذواق.







. ولو لا إختلاف الأذواق لبارت السلع (مثل شهير)

وبالنسبة لمحرك الألتيما والماكسيما هو من أفضل عشر محركات بالعالم لـ 13 سنة متتالية من عام 1994 - 2007

بالتوفيق ياخوي إن شاء الله مع أي سيارة ولا تنسى ياخوي أنا أتكلم عن سيارتي بصفة خاصة V6

وزملائي بنيسان أرابيا ماعمرهم أشتكوا من أشياء واضحة غير كرسي المكينة والمساعد والإطارات التالفة بأول

دفعة كانت المشكلة سوء تحميل على ما أظن والوكالة غيرتها على الضمان وياخوي الموديل الحالي سمعنا إنه

راح يتغير بمنتصف 2007 الشكل الجديد

وقبل تآخذ أي سيارة ياخوي صلي صلاة الإستخارة والله يكتب لك مافيه الخير...

بالتوفيق للجميع وإن شاء الله ياخوي تركب أفضل سيارة وترتاح معها ... (^_^)

معقوله كل هذي المشاكل في الاتيما !

انا عندي التيما 2.5 موديل 2005 صارلها عندنا سنتين و الشي الوحيد الي غيروه هو كرسي المكينه اليسار كان يسوي صوت ! <--- على الضمان !

البودي اغلب السيارات الحاليه بديها ضعيف <---- لا يعتبر عيب لان البدي يمتص الصدمه و يبعدها عن مقصوره الركاب !

تحياتي