أهل الخبرة يا أخوان .. عطونا الزبدة ( سوناتا – كراون فكتوريا – ليجاسي )

ليه في سوناتاااااااااااااااااااااااااااااااااا يؤؤؤؤؤؤ

ياجماعة الخير الموضوع من شهر 2 يعني موضوع قديم

والله يا اخوي الليجاسي السته سلندر جدا ممتازه بس ما ادري اذا تعيش مثل الفورد و الا لا انت اهم شي تحدد حاجتك من السياره

كراون فكتوريا
افضل واريييييح بكثييييير

بالتوفيق إن شاء الله

الكروان فكتوريا حلوه اذا كنت متزوج

وانصحك بالليجاسي اذا كنت عزوبي

الكراون فكتوريا أفضل لأنها دفع خلفي وأكبرهم ويكفيك أنها من فورد

اللجاسي حس أنها غير مرغوبه

أما السوناتا دفع أمامي :D ما أطيق الدفع الأمامي

وفي الختام الله يرزقك بالذي فيه الخير ولا تنسى تستخير الله

اشارك اخوي عميد الطائف الراي

وموفق ان شاء الله

في اعتقادي اصبح هذا الموضوع مستهلك تماما

اوافق الاخ الفاضل اذا كنت انسان هادي وعاقل كروان فيكتوريا

واذا كنت غير ذلك فلا اظن فيك هذا !!!!!!!!!!!!!!!!!!!!!!!!!!!!!!!!!!

كراون فكتوريا راااااااااااااحه وحلوه جدا

تحيااااااااااااااتي

انا اصلا متعلم على امريكي واخذت سيارة امريكي ..فصعب اني اتقبل سيارة يابانيه

صح كلامك

انا متعود عالياباني والكوري

ويوم سقت سيارة خويي الكراون فيكتوريا
رجعت وحذفت المفتاح بوجهه

اول شي يوم ركبت ماعجبتني الجلسة رجولي تصقع بالدركسون

وبعدين السيارة مو راسية ابد والاضاءة زيرو

لا وغير كذا تنسيم هوا وتسمع اشياء غريبة تقرقع مع المطبات

المهم يوم قلتله قالي شكلي بابيعها واشتري غيرها(انا قلت بنفسي كويس)
طيب وش تشري بدالها؟؟
قال كراون فكتوريا جديدة!!!!!!!!!!

انا انصدمت وقمت وخليته

وهذا يثبت كلامك اخوي

عن تجربتي ..انا معي كراون فكتوريا والحمد لله مرتاااااااااح كل شيء ابيه فيها (( مثبت سرعه -راحه غير متناهيه - سيارة 8 سلندر -قطع غيارها متوفر وبسعر معقول - بالنسبه للثبات ما عندي مشاكل من هالناحيه لاني متعود على سواقتها فما تفرق معي الثبات الحمد لله اعرف كيف اثبتها -بالنسبه للبنزين من الe للفل ب28 ريال تمشيني فوق ال400 كيلو اشوفها مناسبه مقابل اللي تعطيني اياه السيارة .. ))
بصراحه لمن اركب سيارة يابانيه..احسن بفرق في الراحه سواء بالجلوس او غيره وبفرق بعد بالسواقه
يعني انا اصلا متعلم على امريكي واخذت سيارة امريكي ..فصعب اني اتقبل سيارة يابانيه ...خاصه اني برضو (دب) فصعب اني اسوق ماكسيما او اكورد مثلا وانا مرتاح راحه كاملة زي لمن اسوق فكتوريا ولا ماركيز

بصراحه من ناحيتي افضل الفكتوريا على السوناتا واذا تبي شيء شبابي عندك الفكتوريا سبورت خيار جيد ... واذا تبي رسمي عندك الماركيز تراها جيده واثبت من اافكتوريا بفرق بسيط..واذا تبي شيء رسمي زياده عندك التاونكار اثبتهم وافخم منهم وتلقى لك تاون كار باسعار معقولة موديلات 98-2000.. ...عالعموم ان استشير واستخير والله يكتب لك مافيه الخير إن شاء الله ...

والله ياخوي قبل شهر أو أكثر شوي كنت زيك محتار والحيره ذابحتني ذبح

كامري 2007 - 2005 - أكورد 2007 - أبيكا 2007 - سوناتا 2006 و ( ماركيز 2003 )

بعد دواره وتفكير وروحه وجيه صفيتهم كلهم على جنب وجلست أدور لي ماركيز 2003 فل كامل

والحمدلله لها معي أسبوعين والله ماني نادم على ريال حطيته فيها


ويمكن عشاني مجرب الفورد قبل اقتنعت فيه وبقووه تبغاه رسمي رسمي تبغاه شبابي شبابي شياب شياب

تبغاه فخامه وعملانيه وراحه كله متوفر فيه وصرفيه بلالالالالالالالالالالالالالالالالالالالالالاش واستغرب من اللي

يقول الفورد يصرف والله بلالالاش من جد سياره بهذاك الحجم وبهذيك المكينة والقوه وصرفيته كذا يا ولد

روعه يا زينها من صرفيه

وبصراحه كذا السيارات اليابانيه لا تدور فيها فخامه ( جريئ صح ) :) صح شبابيه أكثر بس فخامه

بالنسبه لي ما اشوف فيها ( إلا ما ندر يعني أفالون وغيرهااا )


وبالاخير لا تستعجل وانا خوك وفكر وجرب وأستشير

والله يكتب لك اللي فيه الخير

وبالتوفيق ,,,

المشكله ان فئات السيارات تختلف فهذه كبيره وهذه صغيره ودفع امامي ودفع خلفي


عموما نمط قيادتك يحدد السيارة المناسبه وذوقك للسيارة يحدد اختيارك للسيارة


الكروان فكتوريا سيارة شعبيه وكبيره وقويه ولكنها تصلح اكثر للاشخاص الهادئين بالقيادة وتتحمل وقطع


غيارها متوفر وتعتبر صرفيه البنزين مناسبة لحجمها ولثمانية سلندر


سوبارو سيارة قيادتها رياضيه وتتميز بالتماسك الكبير على الطريق والمنعطفات ولكن حجمها صغير وقطع غيارها

مرتفع وغير متوفر نوعا ما


الهونداي السنوتا سيارة اقتصاديه وعمليه وخفيفه نفس ولكنها متوسطة الحجم وسمعت بان محركها لايعمر طويلا


عموما انا ارشح كروان فكتوريا لحجمه الكبير وشعبيته وقطع الغيار المتوفر وقله مشاكله الفنيه

ولكن يعيبه ديكوراته الداخليه فهي تصدر اصوات خفيفه ولكن البعض لايحبذها ولايتقبلها والبعض الاخر يتقبلها بصدر رحب


والله الموفق

بصراحة لما تجتمع الكراون فكتوريا مع السوناتا أرى أن كفة ترجح للكراون فكتوريا :)

بس لما تجي للكراون فكتوريا والليجاسي

ففيه ميزات تتميز تتميز فيها الليجاسي أكثر من الكراون فكتوريا

في الثبات لصالح الليجاسي دفع رباعي مستمر

في الأقتصاد لصالح الليجاسي مكينة 4 سلندر 2 لتر

في المواصفات لصالح الليجاسي

في التقنيات لصالح الليجاسي

في السلامة لصالح الليجاسي

في الراحة لصالح الكراون

في القوة لصالح الكراون فكتوريا أن كانت الليجاسي 4 سلندر وأن كانت الليجاسي 6 سلندر يكون العكس.

في التحمل لصالح الليجاسي فهي ياباني 100% والكراون فكتوريا كندي.

ونصيحتي لك الليجاسي|1|

وهذي روابط أتمنى تفيدك

مقارنة قطع الغيار
http://www.assayyarat.com/forums/showthread.php?t=89781


المقارنة الثالثة الليجاسي ضد الأكورد
http://www.assayyarat.com/forums/showthread.php?t=95268

وهذا رابط حلو
http://www.assayyarat.com/forums/showthread.php?t=98002

وهذا أيضا
http://www.assayyarat.com/forums/showthread.php?t=97852

بالتوفيق:cool: