أوكس كول وما فعلوه بي

الله يكون في عونك ويخلف عليك

لكن انشبلهم حتى لو تشكيهم للشرطة ( حتى لو مابتاخذ حقك بس زلاعة )

أخوي والله مشكلتك تنرفز ..

بس أخوي لا تنسى تنقل الموضوع هذا إلى كل المنتديات بالانترنت .. رح لكل منتدى وحط هالموضوع نسخ ولصق ..
وصدقني مالك إلا الأجر انك تنقذ غيرك من الضحايا اللي ينصبون عليهم هالنصابين ..

الله لا يوفقهم يا رب .. واعتمد على ربك وصدقني ما راح يروح حقك وبتاخذه باذن الله

تحياتي لك

الله يعطيك العافيه على ابداء ارآئكم في هذي المشكلة

وكلامكم صحيح 100%

اذا كان الراس الكبير خربان فلا تلومون بقية الجسم
وافهموها

يا رجال ما ضاع حق وراه مطالب :)

لا تسكت لهم أبداً طالما إنك على حق و بإذن الله حقك بتاخذه و من فوق خشم " الكع " مصري ..

و مثل ما قالوا الشباب لو إقتضى الأمر تهديد بالشرطه لأن الشركه أولاً و أخيراً بتخاف على سمعتها و ما راح تدخل في معمعة تكون هي الطرف الخاسر فيها في النهايه ..

فلذلك توكل على الله و الله يعوضك خير.

أبو محمد 6 6 6

|3|

أخوي عبادي حركتك حلووه ومجديه مع العمال فقط بس ما تجي على شركه نصب واحتيال مثل اوكس كول لأن عندهم مصري ويمني قمه في اللكاعه ،،،

ما اقول الا الله لا يوفقهم،،

هلا وغلا اخوي
الله يعينك عليهم ولاتسكت عن حقك ابد

انا قد صارلي نفس سالفتك لاكن كانت في شغله ثانيه وهي تختص بالكمبيوتر

صلحوه لي ويوم اخذته طلعت فيه نفس المشكله ويوم جيتهم جحدوني

بس تدري وش سويت



طلعت من المحل واقرب شارع لقيت فيه لومينا شرطه موقفه وانزل للشرطي واقول له السالفه
قلت له انا بس ابي منك تخاويني للشركه لجل يشوفونك وتهددهم وبس
وماقصر الذيب خاواني وهددهم ومشى
بس بعدها والله إنهم معوضني على كمبيوتري كامل




فإنت يالغلا لو كان لك قريب شرطي ولا خوي استفد منه فهالموضوع ولا لاطلعت منهم انقز لقرب لومينا شرطه تشوفها وقله القصه وصدقني ماراح يقصر معاك بإذن الله

شغل مخك واستخدم الحيل تراهم يخافون من طاري شرطه بالذات العماله ملاعين الصلايب



اتمنى لك التوفيق وجرب هالطريقه وانشالله بتنجح وخبرنا وش بيصير




اتمنى لك التوفيق واستردااد حقك


تحياتي

أخوي صح انا انقهرت وقتها بس انا كاتب الموضع وكاتب تجربتي مع هذا الوكيل من اجل ان لا يقدم اي شخص ويظلل عند اوكس كول

لا ياخوي لا تنسى تظلل سيارتك لأن مو كل الشركات نفس الشي عندك في كوول ما شاء الله تبارك الله شركه متميزه ومعروفه غير كذا العماله اللي عندهم متمرسين مو زي اوكس كول

شاكر لك ردك أخوي السندباد والله يوفقك.

كلامك عين الصواب أخوي OMAR

انا ناشب لهم ناشب لهم ونسيت اقولكم يا شباب انهم ما أعطوني فاتوره لتظليله الجديده بسبب قولهم بأن المدير لازم يوقع عليها
والمدير ما صار يجي على قولة اليمني<<<<<<طبعا هذا كله علشان ما يعطوني حقي ولا المدير شكله كل يوم يداوم

ما أقول إلا الله يكون في عونك أخي الكريم..:) والله بسالفتك هذه جعلتني أنسى أبداً بأن أضلل سيارتي حيث كنت أفكر بأن أضلل السيارة لدى شركة في كول...!!! لكن بعد كلامك خايف بأنهم يخربون السيارة أو يخربون الزجاج...!! عموماً كان الله في عونك ولا تستكت عن حقك...!

بالتوفيق لك.

صدقت اخوي سلفستر..هذا الذي لاحظته منهم...

لكن انا ما راح اسكت عن حقي..

شاكر لك ردك...

والله انك غلطان يوم دفعت الـ 300 ريال ..
حرام السيارة جديدة ولعبوا لك فيها .. لاتسكت عن حقك ابدا حتى لو وصلت تشتكيهم للشرطة بس اهم شي لاتخليهم ..
وترا هالاجانب يتراجفون لاشافوا السالفة فيها شرطة .. مع ان شرطتنا مافيهم خير ولابيردون لك حقك بس استعملهم للتخويف بس ..
لاتتنازل عن حقك الثلاثمية ترجع واللي خربوه يصلحونه ويظللون السيارتين بتظليلة جديدة او يرجعون فلوسك ولاتتنازل عن اي شي مهما صار ..
الواحد يدفع دم قلبه بالسيارة ويجون يخربونها ..

يمكن يطولونها معك شوي

انا راح أطالبهم بتعويض ولا يغيرون القزاز اللي لعبو فيه

شاكر لك ردك أخوي الهامور،،،

لو أنا منك والله ما أدفع 300 ريال !!!!

واذا كان تعاملهم كذا المفروض وريتهم العين الحمرا من قبل ...