السلام عليكم و رحمة الله و بركاته
الحمدلله انا عندي خبرة بسيطة في الخطوط :)
ما عليك من اللي يقولك فيري و الا شحم والا تلميع
طبعا جميع هذي الاشياء تفي بـ الغرض لكن لازم
انك بعد ما توصل لـ مشوارك .. تشيل السائل او الشحم
على طول حتى ما تخرب عليك البوية
(لكن لو تلاحظ انك ماخذ مشوار طويل فاضي تشيل الفيري او الشحم
تعبان و ودك ترتاح )
و البرقع صحيح انه فعال و لكن لـ فترة مؤقتة
اول ما تركبه ما شاء الله تحس ان ما دوك تشيله من حلاوته
مع الاستخدام راح تلاحظ انه صار وسيع على الواجهية
و يلعب مع الهواء .. اضافة الى ان البرقع في مساكات حديد مغطية بالجلد
لكن مع الاستخدام الحديد راح يظهر و يمشخ البوية
لذا الحل هو تغبيرة الواجهية .. هي افضل الحلول الموجودة حتى الان
و اضرارها قليلة و ازالتها من ابسط ما يكون و لا تتعب و رخيصة
و تلقاها حالياً عند اغلب محلات الزينة :)
راح تسأل عن الانوار اقولك فصل لها اغطية (نظارات) شفافة
و سعرها 80 ريال :)
اتمنى اني ما اطلت عليكم
مع اجمل تحية:)
