عيب في الأوميغا 2001

ايضا انا عندي اوميقا 2002

بس ممكن تتفتح اذا استمريت على ضغط على المفتاح الخاص لمدة 5 ثوان

او بواسطة الريموت

وشكرا

سلام يا أخوان

الله يحفظ لنا ولكم ويبارك فيما عندنا وعندكم.
الحقيقة كان ودي أشتري أوبل اوميجا 2002 ولكن متخوف كونها سيارة تصل الى السعودية حديثا ولم تتوفر بالسابق في حال مقارنتها بسيارات أخرى يابانية مثلا كتويوتا.

على كل, امل من من يملكون أوبل أوميجا 2001 أو 2002 أو حتى أوبل فكترا 2002 الشكل الجديد بأن يفيدوني فخبراتهم في هذا السيارات. خاصة في الامور التالية:
1- قوة المحرك بالنسبة للفل أوبشن أوميجا (6 سلندر)
2- حرارة المحرك في عز الصيف وأثناء القيادة وسط البلد والمكيف شغال. هل احد يشتكي من سخونة؟؟
3- سعر الفل اوبشن بكامل الميزات (مع فتحة سقف ان وجدت) في السعودية ومن وكيلها.
4- ذكر أي مشاكل أخرى قد واجهتكم لا سمح الله وماذا كان حلها.


ولكم مني خالص التحية والشكر الجزيل.

:)

والله أخوي فكرة رووعة ، لكن اللي في الوكالة ، قال لي لا تلعب بالنظام علشان ما يروح منك الضمان

بس فكرتك والله جدا ممممممممممممممممممممميزة :بوسه:

المفروض يحطوها ماتنفتح الا اذا كان القير على P والا شو رايكم.....

السلام عليكم
مشكورين على ردودكم ياpoliteو حمود لا كن انا اعتقد لو انها ميزه كان ماغيروها في 2002 يعني لو الوكاله يعتقدون انها ميزه مثل ماقلتليش يغيرونها في 2002
الصراحه انا معك هي ميزه سلامه لاكن معليش انا واله ماعندي استعداد كلما اجي افتح الشنطه لازم اطفي السياره والله شغله
هاه وشرااااااااااايكم

كلامك صحيح أخوي حمود


أنا يوم راجعت الشركة قالوا أنها ميزززززززززززززززززة ،
لأن لو كان معك ولد صغير أو طفلة ممكن تضغط على الزر اوانت مسرع

( لكن برضه ،،،،،،،،،،،،،،،،،،،،،،،،،، لازم يلاقوا له حل )

يا شباب هذا مو عيب هذي ميزة للحماية لأن يمكن لا سمح الله السيارة مشغلة و واحد يبطل الشنطة و بعدين يسوق السائق السيارة.. و طبعا اذا السيارة تمشي و الشنطة مفتوحة هذا يسبب عائق على سائق و هالشي خطير طبعا. و طبعا مهندسين السيارات ما يفوتهم اشيا من هالنوع.. لازم يكون في هدف من مصلحة السائق لهالميزة. انا هذا رايي..
بالتوفيق.

مشكورييييييين على ردودكم وماقصرتو
لاكن انا بعد تأكدت من هالمشكله في اكثر من سياره
وهي بالفعل موجوده في 2001 جميع الفئات اقصد الفل كامل وغيرها
ولا تنفتح من الريموت بعدالى اذا كانت السياره شغاله(شغاله ولا سواق).
اخوي slam الله يبارك في هالموضوع اللي خلاك تشرفنا في هالمنتدى الرائع

أخوي /

أنا معاي 2001 3.0 ماهي فل أوبشن

ما تفتح الشنطة والسيارة شغالة

لكن الفل كامل 2001 ما أدري عنها


////////////////////////////// ................ //////////////////////////////////


أخوي معه 2002 فل أوبشن

والشنطة تفتح والسيارة شغالة

لكن تضغط على الزر لمدة 6 ثواني

/////////////////////////////////


عموما أنا تضضضضضضضضضضضضضضضايقت جدا من هالحركة .

واللي يقدر يشوف لها حل لا يبخل علينا

وشكرا للجميع



PoOoOoOoOoOoOolite

اشتركت علشان ارد
انا معاي 2001
ماقدر افتح الشنطه والسيارة مشغله الا من الريموت بس

العيب بسيارة اخوك مش بالاوميغا