ركبت قير من تريستار

الله يعينك اخوي وعندي نفس مشكلتك حاليا بس من ورشة ثانية

وياليت اخوينا نابولي يدلنا على الورشة عشان ندعي له

ابغى اشتري طقم توضيب للقير رياضي من وين احصلهم يعني كلشات رياضية ؟؟

انا من الشرقية

اذا انت من اهل الشرقيه نصحيه اخويه
اترك ترايستار وسأدلك على ورشة قير متخصصه وانشاء الله تدعي لي بعدها

تحياتي

مشكور اخوي شكلي باجربها

تبغي تطيح الجير .. خف الزيت شوي وزيد (( زيت بريك أحمر ) وسوق السيارة وشوف إيش يصير .
تحياتي

ياما حذرت منهم ترايستار معروفين بالتلاعب والنصب واساسا يطلبون قيمة قطع اصليه ويركبون قطع مستعمله فيها اقل من نص العمر ولا يغيرون القطع كامله القطع السليمه مايغيرونها توضيب اي كلام وراح تتعب معاهم لكن كثر الدق يفك اللحام حاول .

بو الشباب القير عندك سليم والله اعلم....الموضوع يتعلق بالكمبيوتر...........الكمبيوتر هو اللى يعطى الامر للقير بالتعشيق.....
شوف عندك كذا حل:
الاول احتمال عند تركيبهم للقير خربو الحساس حق القير وهذه تصير بحيث الامر مايوصل للقيلر يعنى القير يغير من نفسه على كيفه....
الثانى فى حساس على الثروتل بدى له علاقة بالموضوع......
بعد ما تشيك عليهم ود السيارة للشركة يعيدون لك البرمجة وهذا احتمال ضعيف.......
الاكيد وخذها منى اتو ستار وغيرهم كل اللى يسوونه يغيرون القير وشغلهم زى وجيههم...
اما من تشتكى كل صناعية وفيها مايسمى شيخ الورش اشتك عليه......
هذا الكلام اللى اقوله للسيارت اللى قيرها على الكمبيوتر يغير.......انا مدرى عن سيارتك وش نوعها......

رجعتهم اكثر من مره وكله يتهربون وكل موطف يقول لي شي واحد يقول انا مادعس بالسياره عشان اشوف قوته والثاني يقول مكينتك ضعيفة والثالث يقول اذا تبغى تصير اقوى ركب بواجي ريس . طبعا سبق ان طاح القير عليي وانا امشي في الخط كنت امشي عادي وبعدين خففت شوي وبعدين دعست بنزين قام القير يحن الكلتش الثالث والرابع احترقو ووديتها لهم وجلست معهم يومين وبعد اسبوع عداد السرعه ماقام يشتغل ووديتها لهم اربع مرات وكل مره يخترب حتى اني جلست عندهم اربع ساعات عشان يصلحو وبعدين قال لي جربها وبعدين مشيت الى 60 ووقف العداد رجعت ليهم قال جيبها بكره الصبح كاني فاضي ليهم كل مره المهم اني بوشت في ورشتهم يعني فحطت في ورشتهم من القهر ويوم ثاني رحت ليهم يقولو الضمان ملغي ضبعا تهوشنا معهم ثلاث ساعات وبعدين دخلوها الورشة ومره شفت رئيس تريستار وكلهم اردنين اشتكي له ويجيب لي واحد اردني يقول لي هذا احسن معلم هون المهم طلع وياي في السياره وشاف المشكلة راح فتح الكبوت وحاس في سلك التبديل ولا صار شي قال لي ماقدر اسوي شي اكثر من كده اذا تبغى تصير اقوى من كده بعد ركب بواجي ريس وامس انا رحت لورشة ثانية يقول لي الكلشات عندك ضعيفة ولازم توضيب كامل المهم كيف اخد حقي منهم هل فيه طريقة عشان اطيح القير بحيث ماتتاثر المكينة ولا الدفرنش؟؟:confused:

سلام .
أولا أخوي !!

موديل السيارة
رقم شاصيها VIN
نوع وحجم المحرك
كلها ضرورية عشان أعرف أقولة إيش صاير عندك إنت و ( تراي ستار جير ) لأن كل سيارة تختلف في مواصفات الكمبيوتر وهو بدورة يتحكم في التبديلات على عزم معين . بعدين إذا عرفت رقم ( لجير ) ورقم ( الشاصي ) رح تعرف إذا كان الجير صالح لسيارتك أو لا ( لأنة فية شي إسمة ---- ثروتيل بودي ) وهو موجود بعد الفلتر وهذا موجود قبلة شي إسمة (( سنسر )) وغذا دخلت كمية الهوا المطلبوبة من خلال مجرى الهواء بعد الفلتر يسمر على (( السنسر ) والسنسر يعطي إشارة للكمبيوتر عشان يحدد نسبة إحتراق (( الخليط من البترول والهواء ) بعد مرورهم على ((( ثروتل بودس ))) الدعسة - أو الفراشة مثل ما تسمى - ولأن السيارات هذي مافيها (( ديلكو + كويل )) فأن الكمبيوتر يحدد شمحة الإحتراق في جزء من الثانية في كل دورة في الدقيقة ) يعني يقرا (( عداد الدورة في الدقيقة - RPM (( وعلى هذا الأساس يعطي إشارة للجير إنة ينتفل لسرعة الثانية أو لا .
عشان كذا أخوي .
سو اللي قلت لك علية أو برمج الكمبيوتر برمجة صحيحة بعد ما تتأكد من مناسبة الجير للسيارة أو لا .

ملاحظة : إذا كان الجير من سيارات (( الشرطة الأمريكية )) عليك أستبدالة فورا لأنة يختلف في البرمجة عن السيارات التجارية (( خط الإنتاج )) . ويمكن معرف كل ذلك من خلال رقم الجير .
وقبل كل هذا أخوي ,, حاول معهم بأي طريقة يركبون لك جير ثاني . وإذا ما قدرت لهم .. سو اللي قلت لك وألله يعينك .
تحياتي ..

اهلين

فعلا المشكله في الجير تأكد من الكلتشات و البرمجه بعد لها دور وبعدين صحيح ان ترايستار لهم تاريخ طويل لكن احيانا لهم هفوات

جرب ورش ثانيه متخصصه على انك عندك مشكله في الجير وتبي تفحصه لا تقول لهم انه من ترايستار وانه توه مركب خلهم يحوسون شوي وشوف اش يطلع معك

ارجع لهم على الضمان.....تاخير التبديل وتاخر تبديل الرابع الين ترفع رجلك يكون من ضعف ورادءة الكلتشات


ارجع لهم وقل ابغى قير شغال 100% والا رجعوه