اهل الجيوب والدفع الربااعي ماذا تفعل صعدت جبلا وفجأة تدور العجلات والسيارة مكانها ؟؟

يمرحبا اخوي الخل الوافي

اشكرك على المعلومات القيمه

فعلا اثرت التاخر في الرد لين اجربه في الرمل وطلع بطران بحق لكن لازلت مشكله التفحيط على الارض احيانا يعني احيانا يرقى الجبال من ابدع مايكون واحيانا تجي طلعه خفيفة يجلس يفحط ببعض كفراااته مع ان الطلعه خفيفه


لكن اظن السبب الاطارات لانها مصممه للازفلت

واشكر لك اثراء الموضوع والفائده الكبيرة

الماونتنير للأسف ما فيه تورسن ولا دفرنسات محدودة الانزلاق ولا أقفال دفرنس، لكن فيه تراكشن كنترول. التراكشن كنترول مفيد في الخروج من التغريز، لكنه غير مفيد في طلوع الطلعات الرملية، على العكس هو يضيع عزم السيارة تماماً لما يعمل. وكذلك بدون دبل ثقيل لن يكون ذو فائدة كبيرة.

آسف، لكن الماونتنير مو ذاك الشيء في التطعيس. ممكن تمشي فيه ما دام إنك منسم الكفرات وتتفادى التغريز، لكن إذا غرزت الله يخلف عليك.

يمرحبا اخونا الخل الوافي صراحة متابع مواضيعك

والسؤال هو جيب الماونتنير ميركوري هل فيه التورسن وكيف اعرف معلومات عن سياراتي الماونتنير 2007 غير موقع الشركة لانه مهتم بالشكل والكماليات

لاني ناوي اتهور واطعس فيه :)

ودمت بود

بنسوي الحركة واعتقد انها نظريا صح

اشكر لك اثراء الموضوع ودمت بود

اشكر لك مرورك وتواجدك وتسلم على الردود المفيده

دمت بود

بانتظار اخونا الخل الوفي

شاكرا لك مرورك وتواجدك معنا

انا سيارتي ماونتينير 2007 يس ماحاولت اغامر فيها لاني امسك خطوط وما انزلها البر الا نادرا عشان ماتفكك


ودمت بود

اشكر لك مرورك وتفاعلك ودمت بالف خير

ههههههههه اشكر مرورك وكلنا جينا هنا نتعلم ونفيد ونستفيد وصدقت الساق له دور لاني رايت سيارات مشهورة ووتعلق

ودمت بود

أشكرك يا كين.

وجاك العلم (واحد مصدق)

يعتمد تقصد طلعة رملية أو صخرية، لكن من الصورة الظاهر إنك تقصد رملية.

بالنسبة للطلعات الرملية، هناك عدة عوامل تؤثر في كفاءة السيارة. أولاً، إذا كان وزن السيارة عالي جداً، تجد السيارة تعاني في طلوع الطلعات الرملية، بعكس الطلعات الصخرية حيث الوزن يكون مفيداً.

ثانياً، الطاقة الكامنة (دخلنا في الفيزياء). إذا السيارة انطلقت من مسافة قريبة تكون الطاقة الكامنة في السيارة غير كافية، بينما إذا انطلقت من مسافة بعيدة و"أخذت عزم" على قول ربعنا، فالطاقة الكامنة في السيارة تساعدها على الصعود إلى درجة أعلى. بمعنى كل ما كانت سرعتك عند قاعدة الطلعة أعلى، كل ما زاد طلوعك في المرتفع.

ثالثاً، التماسك. كل ما زاد تماسك الكفرات في السيارة كانت حاجة السيارة للطاقة الكامنة أقل. يعني لو السيارة فيها دفرنسات مفتوحة في الأمام والخلف، تماسكها يكون أقل من لو كانت مجهزة بدفرنسات مانعة الانزلاق ذات الكفاءة العالية مثل التورسن في الرنج روفر. تجد الرنج روفر ما شاء الله، يطلع الطلعة بكل هدوء وبدون تنسيم ولا توقف السيارة، أعجوبة ميكانيكية. كذلك لو كانت الدفرنسات الأمامية والخلفية أحدهما أو كلاهما مقفلة، فإن السيارة تقل حاجتها للطاقة الكامنة.


ويلاحظ بالنسبة للطاقة الكامنة أنك ممكن تمشي على القير الثاني في الدبل الخفيف وتصل سرعة لا بأس بها، لكن القير الثاني عزمه لا يكفي لصعود طلعة صعبة، وبالتالي يخذلك عند نقطة معينة وتحاول تغير للأول لتحصل على عزم كافي فتكون السيارة وقفت. لذلك أفضل إنك تكون على القير الأول من البداية، حتى لو أدى إلى سرعة أقل عند قاعدة الطلعة. وتذكر إنه إذا كانت سرعتك زائدة عن اللزوم ممكن السيارة تتكسر!

اذا انت تبي تطلع طلعه جامده شوي ويوم انك وصلت لنصف المسافه وقامت كفراتك تدور

لك اكثر من حل :
الاول اذا الكفرات كلها الاربع تدور في محلها فاستخدام الفرامل على خفيف مع البنزين تخلي الموتر يمشي خصوصا اذا كان تماتيك

الثاني الدبل الثقيل بالراحه يطلعك


اما الدفلوك فاعتقد في الموقف هذا مايفيدك لانه لازم واحد من الكفرات يكون بالهوا يعني ((يدور )) لحاله
والباقيات بالارض

عموما هي تعتمد على السواق بالدرجه الاولى بغض النظر عن الموتر والمواصفات اللي فيه
لانه اذا فرضنا الموتر قيره عادي وانت تبي تطلع والموتر يحفر مكانه فاكثر السواقين
تشوفه يقوم الموتر بالثاني عشان مايفحط الكفر ويجلس محله الموتر

اتمنى اني افدتك وان شاء الله غيري يكون عنده خبره اكبر ويفيدك
تحيه للجميع

هلا بك اخوي سامي

بالنسبة لسؤالك حول دوران العجلات في حال صعدت السيارة جبل او في رمل وقامت بالدوران؟

هذي فائدة الدف لوك (الهزاز)

والسيارة اللي مافيها هالميزة اقول الله يكون في عونه صراحه

لانها مفيدة جداً

وصراحه انا عجبني الدف لوك(الهزاز) تبع السفاري لانة يتحكم بالعجلات الاربع بأتقان

وان شاء الله اكون اجبت ولو بالقليل من سؤالك

وشكراً

لو سمحت أخوي, مانوع السيارة إلي تتكلم عنها؟

بعض السيارات لديها زر قفل الدفرنس وهذا يساعد على السير في الطرق الوعرة يعني يجعل الإطارات التي ملتصقة بلإرض تتحرك اما التي تدور فيتم إقافها (بشكل مبسط وممكن الاعضاء اكثر خبرة يفيدونك اكثر)