استشاره عااجله بخصوص ايسوزو ديماكس

مشكووووووووووورررررررررررررر

هذه السيارة رائعة تسلم يد من صنعها 000000 لاننى اعشقها جدا 000000 ارجو ان تحمد الله انك ستمتلكها وتركبها

أتفق مع الأخ أبو أسد 100%، في كل حرف.

وأزيد:

في الرمال والطين نادراً جداً ما تحتاج إلى استخدام الفرامل، إذا كان الشخص محترف. ليش؟ أولاً التهدئة بالقير على الثقيل أفضل بكثير، ثانياً انفلات الرمل والطين ومقاومتهما للسيارة يصنع منهما فرمله طبيعية للسيارة دون الحاجة لاستخدام الفرامل.

ولك مني تحية.

شوف كنت مثلك سابقا أشك في مسألة خروج الأيرباق في الطعوس بسبب الضربات القوية سواء أسفل السيارة أو صدمة الواجهة بشكل طفيف

بس شيلها من راسك لأن أول شيء الأيرباق ما راح يطلع إلا أذا جاء الصدام صدمة قوية في الوجهية أو شوي قوية بحيث ينعفط الصدام بشكل قوي

أما الضربات الخفيفة فما أعتقد تطلع إلا اذا كان فيها عيب مصنعي.

بنسبة لنظام ABS في الطعوس بصراحة أوافقك الرأي تراه متخلف جدا في البر ما يخلي السيارة توقف أن كنت تخمس في البر :D يعني التطعيس بشكل عام قليل جدا أنه يخلي المكابح تصير أضعف لأن ماراح يخليها تصير أضعف إلا أذا دخل الرمل في المكابح وهو ما يخليه يمسك زين طالما نظام ABS فيه

على فكرة أحب أطمنك لا تشيل هم لأن الموتر أصلا ديزل يعني أحتمال ضئيل جدا دخول الأتربة في المكابح بسبب أن الديزل ما تدور الكفرات بسرعة مثل البنزين لكي يجعل دخول الرمل في المكابح سهل للغاية

على فكرة أنا مجرب المكابح في الرمل للديماكس صراحة حلوة مرة

على فكرة الأنظمة ما تخرب في الطين والرمل بس يكون أستهلاكها شوي أسرع فقط بس على حساب وقوف أسرع في الشارع وهذا مهم جدا

هي بعض الأحيان يفيدك هذا النظام في الرمل وأغلب الأحيان لا يفيدك كثير وقد يجعل مسافة الوقوف أطول بقليل مع أني جربتها ولا لاحظت أنه يوقف بشكل متأخر في الرمل إلا في سيارة جيب بنزين جربتها في الطعوس ونطلت وخمست فيها في الطعوس لين أذنت حتى أني بغيت أنقلب فيها كم مرة بس وش تسوي ذيك الساعة حاط مخي في الدرج والقلب في الدرج الثاني :D المهم مع قوة التخميس الموتر أفتر وأتجه لم تلة ورفيعة شوي وفيها شجرة الي أرتفاعها نصف متر وأضرب فرامل وللآسف ما مسكت الفرامل لأن دخل الرمل في الكفر لين قال بس لأن الموتر كان في التخميس من قوته أن الرمل يطير ويكب من فوق التندة!!!! يعني سلملي على الفرامل شبعت من الرمل علشان كذا ما مسكت إلا بعد ما لمست الشجرة الصغيرة الي في الخرارة ثم دق الصدام فيها بس جت سليمة :D بس لو أني سايق بركادة أجزم لك أن هذا الشيء ما يحصل أبدا إلا ما ندر.

أنا أكثر شيء عجبني في هذي الأنظمة أدائها في الطرق المعبدة لأن يعني حتى لو صرت راعي بر بر ترى نسبة دخولك البر ماراح توصل20% في الأسبوع والباقي في الشارع يعني من حقك تاخذ مثل هذي الأنظمة واعتبرها ظرورية جدا

لأن صارت لي مواقف صراحة الحمد الله من فضل الله ثم بمساعدة مثل هذي الأنظمة تجنبت حوادث كنت بسوي حادث بخسائر كبيرة جدا

يعني صدق نصيحة ترى في هذا الزمن سيارة بدون نظام ABS أعتبرها سيارة بدائية جدا :D

أخوك أبـــــــوأســــــد|3|

صحيح هو مو مذكور دائما في كتلوج السيارة بس يجي كتلوج المواصفات السيارة تجده موجود هذي الميزة فيها

ومثل وا وضح لك الخل الوفي

وهو فايدته الأكثر في الكبح عند ألتفاف السيارة يعني ما تكون تضرب المكابح وأنت سيدة بتفيد بس أساس الفايدة فيها لما تكون ضرب المكابح وأنت تلف بس مو تسويها على سرعة :D

وعلى فكرة نظام EBD يأتي أختياري مع ABS حاليا في بعض السيارات وبعضها يكون أساسي

يعني أستحاله تلقى سيارة فيها نظام EBD بدون ABS

والديماكس يجي مواصفات السلامة هذه مجتمعة لا ينقصها شيء ABS+EBD+2AIRBAG

EBD: Electronic Break Distribution
أي نظام توزيع الفرملة. هدفه التقليل من احتمالات انزلاق الكفر، وتقصير مسافة الوقوف.

نصيحة لا تغلط وتاخذ الديماكس بدون أنظمة ABS+EBD+2AIRBAG

بنسبة لي أول نظامين ضرورية جدا وهي أنظمة المكابح بينما نظام الأيرباق ما همني كثير كثر أول نظامين :o

لذلك لا تاخذ إلا مع الأنظمة ماله داعي تتحسف بعدين أن دعست كل البريك وما وقفت السيارة وتزحلقت بسبب عدم وجود مثل هذي النظام

جربتها في الهايلكس 2005 معي سابقا ما ينبغى في الفرامل ولا بريال :mad:

أنتظر

لكنك لو بتطلعه وبعد سنة بتتحسف بعدين تقول ياليتني صابر شهر مافرقت معي علشان مثل هذا النظام

أبحث في المعارض قد تجد ما تريد والله يوفقك فيه

أخوك أبــــــوأســــد|3|

في نظري ان اللون الابيض على الديماكس جيد جدا


نظام A B S والايرباق مهمه ومفيده في اي سياره


ومبرووك مقدما


تحياتي ....

نعم الأختيار



وبالنسبه لطلبك ليش ما تمر على المعارض

تلقى فيها جديده بدون لوحات ويفرق السعر معك بحوالي السبعه ألاف

لأني واحد من الربع نصحته وبالفعل حصلها عند معرض الفلاح ( النسيم )


وكان السعر أقل من الوكاله بسبعه ألاف ( قبل سنه تقريبا )

أنا أعارض، اللون الأبيض ما يجعله مميز أبداً، بل يصير كأنه تبع شركة. الأسود هو المميز، وإذا ركبت له دعامة نيكل للحماية من الانقلاب فوق الصحن يصير منظره خرافي.

الأبيض ملك الألوان
وشكل الديماكس الأبيض حلو (رأي شخصي)
وسلامتك