هـل تمتـلك سيـاره أمـريكيـه ؟؟ أدخـل وأخبرنا ما نوعهـا وما نـظرتـك لها وماهي عيوبها؟؟

السلام عليكم ورحمة الله وبركاته
مشكور اخوي مستر جمس على الموضوع
بالنسبه لي اقول لا تدور غير الشفر
عندي كابرس اس اس 95
كل مشاويري وسفرياتي عليه السياره على الخط ماعليه كلام على اللفات راسي إلى ابعد الحدود
مريح مكيف ممتاز السياره قويه 260 حصان
يتحمل الكد له معي ثلاث سنوات ماشي حوالي 340000 وماشاء الله عليه مايشتكي
وعند القومات والدعس يعطيك بس تفتح الاشاره دوس تسمع صوت الكفر شي عجيب الصراحه
هذا هو الامريكي الاصلي |1|
وتحياتي لكم|3|

العفو اخوي مستر جمس

ماشاء الله عليك
شكلك لاعن ابو خير السفاري:D

ماشاء الله عليك

شووووكرن لك وعلى مرورك يامرعبنا|1|

السلام عليكم

كيف الحال اخوي بدر

والله السيارات كانت قدامي كثيرة لكن باتكلم على الي جربتها فترة طويلة

اول سيارة عرفتها و سقتها كابرس 85 اشتراهـ الوالد من معارض الامريكية الي عند مخطط 71

ايام 89 وكان جديد وما عجب الوالد لونة وغير لون للابيض هوى حركات الوالد

المهم

وجلس فترة وفي سنة 94 حلنا كابرس 76 وشراهـ االوالد وصدقوني 85 قلب عداده من المشاوير وال 76 واقف عند الباب وفي عام 98 باع الوالد الكابرس 85
تعلمت علية السواقة وتفحيط ورجة وما كان في اي خربات
وكان من يحس الوالد بشي يتصلح بسرعة

المهم

جربت سفاري فان

الاداء روعة والعزم جبار معا انة 6 سلندر

مكيف بارد

ثابت بالمنعطفات

مشكلتة عدم توفر قطع لة

ووظبت المكينة 3 مرات

ورميتة تشليح في شهر 4 سنة 1424


بالاخير اختم كلامي عن السيارات

جربت بليزر قديم


طبعا الاداء عالي وما ني كاتب اي شي لان الموتر مزود اصلن

طبعا الثبات بدون

لان السيارة كل ما ارتفعت تقل نسبة الامان

السرعة فوق الحدود قد ما تعطية يعطيك وتحمل ما يجيك

وقد ما تكلمت والله وا وصفت الشفر والجمس

واشكرك اخوي مستر جمس على الموضوع الرائع

وتحياتي لكم بالتوفيق

المرعب

ماشاء الله تبارك الله

يعطيك خيرها ويكفيك شرها

ونا ودي اعدل الكابرس واخليه اقلاع:D

بس موب اللحين

متردد نوعاً ما

شووووووووكرن لكم كلكم ويعطيكم العافيه|3|

ياهلا فيك أخوي Mr.GMC

الموضوع رائع ومحمـــس , ويعطي فرصة للجميع ليتكلموا عن تجاربهم مع السيارات وبهذه الطريقة تعم الفائدة للجميع ,,,

وعن نفسي أعشق السيارات الأمريكية للصميم وخصوصا GM

وسيارات البيت كلها من GM وخصوصا CHEVROLET :)
________________________________

خبرتي كلها وتجاربي كلها مع اللومينا SS ...

وحالياً اللومينا اللي معايا حالياً رقم 4 :D

وكان عندي كومارو وترنزام

وطبعا لابد من التعديل وإضافة القطع وأحلى إقـــــــــــــلاع يامعلم :D
______________________________

ومشكور على الموضوع

|3|



[COLOR=RoyalBlue]BAssAM ss
[/COLOR]

بسم الله الرحمن الرحيم



السيارة: كروان فكتوريا فل كامل
موديل : 2003
اللون: كحلي ولون الشبك وكل شي نفس اللون
الشراء: شاريها مستعمله ماشية 40 الف في سنة 2004 وارد الجزيرة ( سعودي الموتر)
فترة الاستعمال: لها معي 4 سنوات
الميزات: - السيارة مررة مريحة
- ثباتها على الخط ممتاز
-واسعة وتشيل الى مالا حدود
- تكرفها كرف ولا تقول شي
- الحرارة على النص في جميع الاوقات
- التكيف ممتاااز
- السيارة عائلية
- قليلة الصيانة
- مسجلها حلوو ومقبول
-الشنطة تشييل ووسيعه
- قطع الغيار متوفرة بكل مكان ورخيصة
- صرفية البنزين مررة حلوة خصوصا وهواخضر واااو
- الشهادة لله خدمة الوكالة مررة حلوة ومعاملتهم زينة ... صحيح يزرفون بس محترمين;)
دقوا علي وقالوا تعال غير عكوس سيارتك بالمجان وجيتهم بعد سنة يوم خربت
وغيروها لي بنفس اليوم مجانا

العيوب: - مكينتها ماهي قوية مقارنة بحجم السيارة بس 235 حصان ( شكله بعارين مو حصن)|5|
- قيرها ماهو قوي ايضا واذا وصلت الحرارة النص يضعف عزم القير ولا يعطيك المطلوب
- انواع صوت الهوا يجيك من عند الباب ولا قيت له حل
- المكيف الالكتروني يرفع الضغط بالخرابات انا خرب علي مرتين لكن مااثر على التبريد
لكن قفل البوابات وصار الهوا يروح فوق وتحت ولا يجي بالوجه لانه الكتروني
طبعا عذبني وقعدت فترة تقريبا حول السنة وانا ابحث عن الحل

( لكن بعد محاولات جاهدة اكتشفنا الحل وصار الهوا يجي من قدام )
- خرب معاي الكمبروسر بس مادري ليه خرب مرتين بس المرة الثانية كان من غلطت
تركيبي المرة الاولى من عند واحد يماني مايفهم فخرب الكمبروسر بسرعه من شغله
الغبي
- لما تدعس بنزين هوا المكيف ينحاش لفوق وتحت
- انوار السيارة صايرة مثل السكن تكبس العالي ولا ماتكبسه الوضع واحد ولا يدري عنك
اللي قدامك
- المسجل معرض للسرقة باي لحظة نظرا لغباء المصنع في طريقة تركيبه
( طبعا انسرق من عندي مرة بعد ماشريت السيارة ب ست شهور)
-الترصيص حق الكفرات بسرعه ينفسخ من الجنط مادري ليه
- مراتب لجلد مع كثر القعدة تبدى تنفك
- قاريء السي دي الحين بدى مايقرا مادري شفيه
باختصار اكثر ماهب فيني من خراب كان المكيف وكأن فيه عين

الاشياء اللي غيرتها علىمدى استخدامي ل 4 سنوات:
- الكمبروسر حق المكيف مرتين... والمرة الثانية مبنية على الاولى
- الدينمو بعد 4 سنوات
- السلف بعد 4 سنوات
-طبعا اكيد الكفرات كل 70 الف او سنة ;) ( خايف على البودي لا يتعور من الكفر)
-
الخلاصة: السيارة حلوة المظهر .. صبورة على الكرف.. راسية مريحة بالخط.. قليلةالخرابات جدا
عائلية...ماتصرف بنزين ابد...وانا لو اني شايب ماراح القى مثلها تصلح لي
لانها سيارة بمعنى الكلمة

المقترحات لو في احد يقدر يوصلها للوكالة:p :-

- لو يحطو لمبات ضباب ويعدلون نورهم شوي كان تطبع روعه
- المكينة لو يقوونهامع القير الى 280 حصان واكثر تطلع جنااان
- يزدون عدد السماعات شوي والسيستم وواااوو وتطلع ديسكو
بس ماطلبنا واجد ولاانا غلطان
ملاحظة: طبعا انا حاليا محتار مادري ايش اشري سيارة ... ابي ابيع الفورد بس مالقي بديل مثله
لذلك ساظل عليه الين يقول فكني;)

ولكم خالص التحية

السلام عليكم ورحمة الله وبركاته
اللهم صلي على محمد واله واصحابه المنتجبين
اما بعد كانت عندي كابرس 80 و86 على التوالي ولكن ال86 كرهني في لامركي كله لكن ال80 ونعم وسبعة انعام ولي صاحبي عنده كابرس 2004 يسب ويلعن اهو يشتغل حفار في شركة بترول وكل مانزل اجازه لقى موتره خربان وتضيع اجازته وهو في الوكاله يابوي شو هسياره واكثر خوياني يشتكون من الكابرس بس الصراحه الفرد العن بصراحه صار عندي اعتقاد ان الامركي عفى عليه الزمن لان الجديد يصنع بجوده رديئه جدا تبي الصراحه الامريكان خربوا سمعتهم وانا عندي دليل انا الكابرس كوري (دايو) وفيديو http://www.youtube.com/watch?v=im8a0oGu8vM

سلام عليكم
عندي كابرس اس اس 2006 اللون سلفر(رصاصي) من الجميح
طبعا كل سياره فيها ايجابيات وسلبيات
ابدا في الأيجابيات
السياره من ناحيه المحرك قويه وممتازه
الرحابه الداخليه والأناقه
في الخطوط ما عليها كلااااااااااام
وسهلت الأستعمال من ناحيه الألكترونياات
الشكل الخارجي الجذاب
الأنوار ما شاء الله ما عيهم العدسه والنور العالي ما عليهم كلام



السلبيات
السياره نزلوها مرررررره صج رزه بس الشوارع دمااار
في اشياء تنقصها مثل الزنن و مفتاح لفتح الابواب لازم ادور على شان افتح البيباان ولا اعشق القير في p
النظام السمعي (المسجل +السماعات ) ضعيفه الصوت حده 63 ولك عليه الصووت
سعرا لسياره يعني 2007 اول ما نزلت 145 في التوكيلات اشتري لكزس الصغير افضل

البطاااااااااااااااااااااااريه بسرعه خلصت الي من الوكاله

وفي مشكله صارتلي في السياره لاني طلعت السياره في وقت البرد وتجمدو مواصير حقت زيت الباور ورحت للوكاله وغيرتها عندهو وخذت تقريبا 3 اياام ومش بس انا الي صارتلي المشكله
في كم سياره غيري صارت معهكم المشكله
وشكرااااااااااااااااااااااااااااا

تجربتي مع الأمريكي محصورة بشركة كرايزلر .. أول سيارة امريكية اشتريتها كانت دودج انتريبيد موديل 1997 اخذتها وكالة .. وكانت ممتازة وسافرت عليها من الغربية للوسطى .. وماشاء الله راسية على الطريق .. وماقدر احكم عليها بشكل كامل لاني بعتها بعد 8 شهور تقريباً وهي في حالة ممتازة جداً .. طبعاً ماواجهت مشاكل أبداً لانها فتره بسيطة !!!

ثاني تجربة لي كانت مع التشارجر موديل 2006 اخذتها مستعملة لتجربة السيارة وكانت ممتازة جداً .. هيكل قوي وثبات رائع على الطريق والمنعطفات لم اتوقعه من هذه السيارة .. مريحة جداً وطبعاً محركـ جباااار ماشاء الله .. وأيضاً لم استخدمها الا لشهور .. وبعتها .. والآن اشتريت تشارجر 2007 جديدة وكالة .. والله يبارك لنا .. ولايمكن ان احكم عليها بشكل كامل لانها مازالت جديدة وتحت التجربة ..

العيوب بشكل مختصر .. تفتقر لبعض المميزات الضرورية مثل حساسات وبلوتوث
لكن يمكن اضافتها بشكل اختياري .. وايضاً شاشة الملاحة !!

التكييف الخلفي ليس قوي .. لكن بشكل عام التكييف ممتاز بالنسبة للأمامي !!

عدم توفر الزنون !!

يعطيك العافية على الموضوع الرائع ,, مع خالص التحية اخوكـ ابومحمد ,,

بما اننا في الامريكي ..

اخوي عنده يوكن 2005 " جميع المواصفات " ..

ماشي معاهـ زي العسل .. ما يشتكي من شيء ..

بس مشكلته الطبلووووووون اللمبيرات كلها خربت ما بقى إلا حق السرعة والحرارة ..

جديد بـ 3 الاف .. بس ان شاء الله يتصلح ..

صحيح .. الوكيل .. " التوكيلات " ..

وعليكم السلآم ..

السيآرهـ :: سوبربان ::

الموديل :: 2003 ::

السياره ولله الحمد ماقد شكت ابدا ً .. إلا في الطبلون بس ..

خرب لمبير الطبلون " الظغط والبنزين " انا دخلتهاا الصيانه 60000 وطلعتهاا قالوا مافيهاا شيء |1| ..

وبعد اقل من اسبوع خرب اللمبير :eek: .. رجعت لهم قلت توني قبل اسبوع مدخلهاا الصياانه

وما امداهاا تخرب .. قالوا خلاص الضمان خلص .. " يتكلم المصري من فوق خشمه " :mad: ..

بس بعد طلعة الروح مع الوكاله الجــمــيــح :mad: ..

نصيييييييييييييييييييييييييييييييييييييييحه |1| ..

اذا رفضوا انهم يسوون شيء .. دقه على جنرال موتورز في الامارات

[COLOR=red]وقول لهم السالفه والله يخدمونك :D [COLOR=darkslategray]" زي اللي صار لي فووق " [/COLOR].. انا كلمتهم وقالوا [/COLOR]

خلاص روح الوكاله وماعليك

بيصلحون اللمبيرات .. واول ما وصلت حصلت المصري تغير صار واحد ثاني ..

[COLOR=red]قبل كان يتكلم من طرف خشمه والحين صار يتكلم وراسه تحت |4| ..[/COLOR]

يعطيك العافيه على الموضوع .. :)

[COLOR=navy]يعطيكم العافيه على التفااعل .. [/COLOR]

هذا اكبر عيب ويقهر ان انوار الفورد ضعيف جداً

بس الكهرب غريبه بصراحه انه يخرب كذا !!!
والبنزين ليتك تعبيه 95 بس مدري يأثر على المكينه ولالا؟؟

يعطيك خيرها ويكفيك شرها

انا فورد ماركيز 2005

عيوبهاا اولا النور ضعيف جداجدا خفيفه مع الخط

الكهرب عندي مو مضبوط مره اليوم قزاز السايق مايفتح بكره يفتح وينتقل الخراب

لقزاز الراكب الخلفي وهاكذا

مع بنزين 91 حسيت ان السياره تغيرت عن اول كثير كثيرررر

خصوصا العزم واذا دعست عليها بقوووه احس بحنه في الماكينه مو مثل أول

حياك الله اخوي

حسافه بعتها وشريت يارس

بس وشي [COLOR=black]الشيالات [/COLOR]؟؟

والبي أم انصحك تكون مواصفات كويتيه مو المانيه

بالتوفيق وشكراً على مرورك|3|

كابرس
8.0 و600 حصان وَ LTZ ؟؟؟؟؟؟؟؟؟؟؟؟؟؟؟:confused:

يعطيك خيره ويكفيك شره

بسم الله الرحمن الرحيم









الماركه



شفروليه كابريس LTZ





المحرك





8 سلندر سعه 8.0 لتر ( 600 حصان )





الموديل



2008




اللون

اسود



الوكيل والسعر




شفرليت أما السعر 130.000 الف
















قوه جباره للمحرك مع تجاوب رائع لناقل الحركه

لا يخذلك أبدا في المقاومات

صوت رياضي قوي وممتع للمحرك مع التسارع

المقاعد الخلفيه فسيحه جدا جدا

مكيف مميز

الفرامل و الشهاده لله قويه جدا وأنقذتني في كثير من المواقف بعد توفيق من الله



|13|

AHMTO

وعليكم السلام

شكلها إستخدام امريكي عشان كذا خراباتها كثيره

ماشاء الله تبارك الله

يعطيك خيرها ويكفيك شرها
وفي إنتظار الـ 2007|1|

بالتوفيق
..........................................
ابو اسعد

والله سمعت ان الكابرس واللومينا موديل 2000 خرابات مالها نهايه!!!

لكن 2007 مدري والله عنه

شكراً على مروركم جميعاً|3|