السلام عليكم ورحمة الله وبركاته
اخواني الاعزاء بحمد الله شريت تاهو2007 LT وطلعته من التوكيلات امس ومن خلال تجربتي الطويله معه من امس لليوم :D :D ومن خلال 150 كم مشيتها امس اكتشفت التالي
اولا : نبدا بالزبده (المهم والي يهم الناس) العيوب
1 - الصدام الامامي منخفض نوع ما مقارنة بالموديل السابق
2 - الكفرات المركبه من المصنع كلها (محبله ) وفي جميع الانواع سواء اليوكن او التاهو وانا لاحظت هذا الشي من البدايه وقلت للوكاله قالوا ردد ياليل مااطولك يعني مافيه امل يغيرونها ودخلت للمستودع لقيت كل السيارات فيها نفس مشكله الكفرات على فكره نوع الكفرات جينيرال حتى وكيل في السعودية مالها .
3 - ياخذ سي دي واحد فقط
4 - الشنطه الخلفيه ضيقه الى حد ما واحس انها في القديم اوسع بشوي
طبعا هذا اللي لاحظته من خلال التجربه البسيطه ليوم امس
ثانيا : المميزات
1 - بصراحه حسيت ان السياره فيها راحه ركوب ممتازه جدا ولاحظت انها اريح من الموديل السابق
2 - التحكم في السياره سهل وتحس انك تتحكم في سياره صغيره يعني ماتحس بحجم السياره
3 - التكييف رائع جدا جدا وكذلك الطبلون الامامي شكله يفتح النفس
طبعا لان التجربه للان قصيره |3| هذا الي عندي حتى الان .
ملاحظه مهمه جدا :
ياليت حد يقولي اللمبات الي جنب الاشاره الي تولع عاده مع فتح الباب بالريموت كيف ابرمجها لاني لماافتح بالريموت حاليا تولع اللمبات الاساسيه (النور الواطي)
