السلام عليكم ورحمة الله وبركاته...
اخواني الاعزاء بالقسم الكوري مرحبابكم كلكم....
اود ان اصارحكم بوضعي .. انا اخوكم في الله وعندي كابرس 94 ومرتاح عليها بس طفشتني من خراباتها وبنزينها الي مدري وش يبي من الصرفكة ... قلت ياولد والله مايبيلها...قررت ان انتقل الى نوع اخر من السيارات وفئة اخرى ... فئة السيارات الصغيرة,, ورحت المعارض بالشرقية وهجولت ::وتعني في قاموس بحر العرب (فرفرت)::في معارض السيارات وغصت في اعماق بحور الشريطية وحركاتهم النص كم... المهم ماعلينا طولت عليكم بالهرج ...لقيت النترا جديد 2007 ولقيت اكسنت ايضا وكورولا كلهم 2007.. طبعا الكورولا غالي ولا يحتاج احكي لكم عنه,,الصراحة عجبني الالنترا ..خاصه الديكور الداخلي .. وايضا شاهدت الاكسنت وهي ايضا جميلة وسعرها طيب.. بس الالنترا اكبر واحس انها مناسبة لي ,, وبعد مشورات من الشباب ,,صدموني بقولهم الالنترا يابو الحبيب مايصلح وخراباته واجد واذا تبي من الهيونداي خذ لك اكسنت وبس والانترا ابعد عنها ... قلت كيف ومدري وش .. قالوا هي معروفه بالخرابات وشوف مركز الصيانة كيف ,,قلت طيب مكينتها اكبر .. قالوا هذه هي المشكلة:confused: :confused: ؟؟ ... طبعا انا انصدمت قلت الله يابوصقر مايحلها الا رجال المنتدى ..طيور شلوى ..نستشيرهم ونشوف ..
هاه ياشباب وش رايكم بالالنترا وكيف وضعها ,, وايضا وش تنصحوني هي والا الاكسنت المشهورة بكفائتها...وتروا مابي سوناتا على فكرة لسببين : نهي فلوس ,,ومابي سيارة كبيرة من بعد النمر الاسود ::الكابرس::.... ارجو سماع ارائكم واسف جدا على الاطالة
وخير ختام سلام....:) :) محبكم بوصقر..
أخوي أبوصقر.. أنا ما أقول ..
(
السيارة جيدة وانصحك بها )
إلا أقول وعن تجربة سنة وزيادة
(
السيارة حمار مكدة وانصحك بها بقوة)
كان معي إلنترا 2005 جلست معي حوالي سنة ونصف
أعتقد والله أعلم إنها 5 سنين ونصف عند غيري
كنت كاره السيارة (لأني كنت متحمس للسوناتا وأخذت الإلنترا بالغصب .!)
فجلست سنة ونصف وأنا أنواااع الكرف .. مطبات ما أعرفها إلا الجامدة
اللفات بدون فرامل إلا مع زيادة دعس .. وأنواع طمر الأرصفة إلى بمقاس السيارة
يعني ما خليت شيء ما سوتيه فيها .. كرفتها كرف .. إلى درجة إني حبيت السيارة
من جد تتحمل كرف موب طبيعي ..
أما عن الشكل الجديد صعب الواحد يقول شيء لكن من خلال ما نراه من تطور هونداي
وأولهم السوناتا فأكيد أن الباقين (الأكسنت ـ إلنترا ـ إلخ ) تطورت بشكل كبير
* ولكي تستطيع أن تحكم .. خذها كم يوم إيجار *
|1|
