عــــاجل أبي رد الأن بشأن القير فزعتكم

اخوي مباشر شاكر لك متابعه وبارك الله فيك وجزاك الله خير على حرصك وهذا دليل محبتك للجميع.

اخوي مباشر وقفت سيارتي عندهم الساعه 9 بالليل المهم جاني أتصال من المهندس/ مشعل العتيبي الساعه 1 ونصف من الليل وقالي ترانا فكينا القير وحصلنا الكلتشات محروقه وكذلك الجرم مكسور متشعر وقال شي ثالث عمود بس نسيت اسمه وقلت له طيب وش الرااي قال بصراحه إصلاحه راح يكلف أكثر من قيمتة وماابي لك الخساره يا أنك تبحث عن قير في التشليح أو تجي تشوف بنفسك ولك الخيار قلت له با الحرف الواحد اسمع يا أبو عبدالله أنا ما جيتك إلا شاريك وشاري الذمه والضمير ولا ازكيك على الله وبيض الله وجهك قلت في نفس لوه غيره قال بنصلحه عشان يكسب فلوسك أكثر ويأخذ أجرة اليد كامله مؤ فك وتركيب قير اخر المهم قلت له أنا معطيك الضوء الأخضر تصرف بما تشاء والراااي راايك وأنت الخبير قال شوف تبي تبحث بنفسك بكيفك تبيني أبحث لك عن قير مجدد في أمريكا ومضمون سنه بحثة لك قلت اهم شي هو تمام قال والله هو عليه ضمان وإن شاء الله أشوفلك الإصلح وأفضل نوعية قلت أجل توكل على الله ولا تشاورني أنتهت المكالمة.
ونشاء الله في نفس هذا الموضوع راح أبلغكم وش صار اول بااول للفائدة

الاخ ابو فهد2
اول شيء الحمدلله علي السلامة
القير كامل مجدد صيانة امريكية يباع 1300 ريال
اذا القير حق سيارتك متضرر كثير احسن لك تبدله
الرجال اللي تقول ما يحتاج توصية ورزقه علي الله
ولكن طيع شوري وافتح الكرتير بخمسين ريال وشف الكلتشات واذا زينه بدل الفلتر
والزيت وغير الصوفة كل هذا بميه وخمسين ريال
بالتوفيق

مشكور اخوي/المشرف فيصل بن محمد وبارك الله فيك

مكشور اخوي/MUBASHER وبارك الله فيك

أبشركم ولله الحمد وجدة ما أبحث عنه.

بصراحه توني جاي ووقفت سيارتي عندهم وهي ورشة مشعل العتيبي لاصلاح السيارات الأمريكية الأوتوماتك أبو عبدالله الصناعية القديمة وبطبيعة الحال هو مشهور ولا يحتاج لتزكيه ولكن الحق يقال المهم دخلت السيارة للورشه ولقيت واحد شويب لابس بدلة فني قلت له وين مشعل العتيبي قال سم بصراحه ماصدقة فكرته مشخص وجالس على مكتب ولكن ماشاء الله عليه يعمل بنفسه ومعه عماله المهم سلمة عليه وقلت بصراحه حضرت لك لما لك من سمعة طيبة عند الكثيرين من أهل الرياض وأنا عندي كذا وكذا قال نحن مزحومين ومافيه إلا بعد العيد قلت طال عمرك ناصيك وعاني لك لما سمعته عناك ولا تردين المهم بيض الله وجه ماقصر قال طيب بشوف اذ فيه رافعه المهم ومن حسن حظي رافعه وحده فاضيه قال حط السيارة عليها للفحص المهم رفع السيارة وجلس يتفحص وقال قبل كل شي اشوف مواصير القير تهريب لازم نتاكد هل هو تهريب او لا وشاف زيت القير وبا الفعل رحيته حراق يلوع الكبد رغم اني مغير الزيت قبل شهرين ولكن بعد ما وصلت امس من الطائف دخن القير وغصبته ومشيت با الدخنه الي وصلني للبيت بجميع النمر:)
المهم قالي بنفحص وبنفك القير ونشوف وبعدها ارد عليك وقولك وش المشكله اذ كان يحتاج توضيب ورغم خبرته قال الله العالم قد يحتاج توضيب المهم قلت له الي خلاني أجيك وأهم شي الذمه والضمير قال با الحرف الواحد نحن ماعندنا شي اسمه شغل بربسه وإن شا الله مالك إلاالشغل الزين بكل أمانه.وفي حالت إذ احتاجة السيارة توضيب قير وتجديده با الكامل بقطع أصلية ترى شغلنا معروف 1400 ريال فقط شغل يد وقطع الغيار ما قدر احددها حتى افك القير وشوف قلت توكلت على الله.وللمعلومية لو تم فك القير وحصل عطل بسيط سوف يتم أصلاحه بدل من دفع 1400 ريال هذا ماذكره لي احدهم ذهب له وهناك ورش طلبة منه 3000 الاف ريال ويوم شافها اوب عبدالله حصل عطل بسيط كلفه 250 ريال
المهم قال يوم السبت اتصل بي عشان اقولك وش الوضع .

وبحكم أننا نحن هنا أخوان وأحب لنفس ما أحبه لكم الي يبي رقم أبو عبدالله مشعل العتيبي يطلبه مني خاص ويبشر بسعده.

يا بو فهد2
الحمدلله علي السلامة
اول شيء شف الفلتر حق القير يمكن مسكر وما يوصل الزيت
يعني بالعربي ابداء بالبسيط والارخص فلتر قير وزيت قير ما يكلف كثير
بعدين اذا فكوا الكرتير راح تشوف اللي بالداخل اذا وجدت الكلتشات مكسورة او لقيت قطع حديد
الله يعينك علي التجفيد او اشتر واحد جديد
اتمني لك التوفيق

شالنجر بالصناعيه

وفيه كذا واحد بجنبه


والله الموفق

لي عودة لكم فيما بـــعد