في هذا الموضوع اريد رأي الجميع ايهما افضل اليوكون ام الاند كروزر الفئات المتساوية
بدون تحيز
وعناصر المفاضلة تكون فيما يلي
1-الشكل
2-القوة
3-الخدمة
4-الاتكال عليه في السفر وغيره
5-خدمة مابعد البيع
6- الافضل في البيع عند الحاجة
والله كلها توافيق .. لكن الاندكروزر يكد أكثر .. ( ما ادري عن الـ2008)
خدمات ما بعد البيع :-
يمدحون وكالة تويوتا .. بس العيسى والجميح بعد التجربه (فيها نصب )
البيع :-
لاندكروزر بالرااااااحه .. ولا يصف اليوكون جنبه ..
الراحه :-
اليوكون أفضل في الراحه .
الشكل :-
(لولا اختلاف الاذواق لبارت السلع ) .. كلهم حلوات .. لكن الاندكروزر يعني غريب شوي .. واليوكون منتشر ..
( مع العلم ان معي تاهو .. يعني لا تقولون متحيز للاندكروزر ))
والله الامريكي يمشيك وين ما تبي صحيح لكن كل شىء بحسابه ولو تلاحض خربات الامريكي تافه يعني حتى الكوري ما يخرب مثله بلوقت الحالي اشوف الهونداي افضل من الامريكي بكل انواعه ولا تقارن خربات الامريكي مع اي سياره سلاملي على (سيرفس انجن) لمبه ا24 ساعه شغاله مسحات دائما تخرب فضاوه بدركسون خصوصا الجمس وشلته اكمل والله اسكت ما ابي احد يكرهني لكن اقول الواقع مع اني احب الكرون فكتوريا والبيوك واحب الجيبوب الامريكيه الشروكي والبليزر لكن كلمه حق اقوله الميكانيكي صار مليان افلوس والسبب السيارات الامريكيه انا قلت كلامي من واقع تجارب مش متعصب لرايي
اتمنا الناس تفكر بكل عقليه بعيد عن العواطف تشوف لاندر كروزر يجلي معاك سنه وسنتين وتنسى الورش بينما الامريكي اذا 6 اشهر بدون مشاكل انت بخير ولا تقارن لي جودة الامريكي مع اليباني خصوصا التويوتا تدري لاندر كروز شغال على اليمن والسعوديه ما يقول شىء
ولد وايل من يقول ن الامريكي مايتحمل احنا عندنا سوبربان مويله 97 وكاله والله انه مادخل الوكاله الا مره وحده اول ماخذناه لتشيك بس ومشينه فيه خطوط لين قلنا بس من الشرقيه الى مكه وكل سنه نروح مكه رحنا فيه 12 مره وماشتكينه منه والا مارات مرتين تجيه خرابات بس خرابات عاديه اعتياديه بسيطه ولا يوقف عليك في الخط مثل ماتقول انت جربت يباني بس ماجربت امريكي الامريكي مافيه احسن منه واليباني في البرد مايشتقل بسرعه تدق سلف لين يشتغل مو زي الامريكي وحنا عندنا سوبربان وفورد ولومينا وسوبارو والسوبارو في البرد مايشتقل بسرعه زي الامريكي وهذ الفوردحق اخوي ماخذينه وكاله موديل 2003 اوماشتكينه منه ومترين فيه خطوط ومن كثرت الاخطوط الوجهيه عجت وتقول الامريكي مايتحمل زي اليباني ويكفي اليوكن انه منتشر في الشوارع الاند من نزل ماتشوف الا ثني او ثلاثه ولا يومك ماشالله عليه قولو ا ماشالله
الامريكان يحاولون جاهدين للوصول على جودة اليباني لكن ماكو فايده االيوكن في سرعه وراحه وموصفات لكن يكفيك انه لاند كروزر افضل ثاني جيب بلعالم وخرباته قليله جدا جدا بعكس السيارات الامريكيه
في عام 2007 نزل اليوكن الجديد وظل اللاندكروزر على شكله القديم
فمحبين اليوكن استغلوها فرصه وقاموا يقارنون الشكل السابق للاندكروزر مع اليوكن الشكل الجديد
ظنا منهم ان المقارنه راح تكون في صالح اليوكن بسبب الشكل الجديد كليا اللي ظهر عليه في عام 2007
لكن للاسف اليوكن يتفوق في اشياء واشياء يعجز يوصلها تكون دائما من صالح اللاندكروزر
بعد ماتغير شكل اللاندكروزر في 2008 اصبحت المقارنه بينهم عادله
الا انه مازال فيه بعض الاعضاء يصفون الدينالي مع الفكس ار4700 الحالي لتكون الكفه لصالح اليكون
انا ماجربت الموترين لحد الان لكن ان كانت المقارنه بين اعلى الفئات منها
مثلا اليوكن الدينالي والفكس ار 5700
فمن ناحية الشكل يعتمد على ذوق الشخص فشكل اللاندكروزر فيه من طابع الشكل الصحراوي بعيدا عن المدينه يعني الموتر وان كان الجديد مفخم الا انه شكله الرياضي مازال متعلق باللاندكروزر
كسياره من اشهر سيارات الدفع الرباعي بالعالم فله هيبه السياره المخصصه للبر والاعتماديه .
اما اليوكن فهو سياره عائليه فخمه وان كانت مصنعه على انها سياره دفع رباعي وتصنف من فئات اللاندكروزر والباترول
الا ان السياره تصميمها يناسب المدينه ولا يتعدى حتى حدودها .
يعني تصاميم السياراتين مختلفات تماما عن بعض وهذا مثل ماقلت يرجع لذوق الشخص نفسه
من ناحية القوه فهن متقاربات وان كان بالارقام اليوكن اقوى الا انه التجربه هي خير برهان
الفكس ار راح ينزل بالموديل القادم بمكينه 5700 تنتج 381
منافسه جدا لمكينه الدينالي
اما من ناحية الخدمه فاسالني خدمه سيارات تويوتا بالمنطقه الخليجيه هي الافضل ولا احد يجادلني فيها
وعندنا بالسعوديه خدمه البازعي وعبداللطيف الافضل في المملكه بلا منازع واسال مجرب سنين طويله .
الاتكاليه على السفر اعتقد اللاندكروزر يتفوق بفرق كبير لانه الموتر نادرا مايتعطل عليك
وانا هنا احكم على تاريخ اللاندكروزر المعروف من ناحية قلة الاعطال
موتر يعتمد عليه اعتماد كلي بعدالله سبحانه
اما الراحه فكلهن سوا لانه اذا انت على خط طبيعي الموتر بيكون مريح على خط متواسي
واللي يفرق براحه الخطوط السريعه هي رساوة الموتر واللاندكروزر القديم حسب اللي معي ماشاء الله عليه راسي زي الالف بسبب نظام الدفع الرباعي المستمر فاعتقد انه الجديد افضل
لكن ماابخس حق اليوكن والسيارات الامريكيه الكبيره فهي مشهوره بالراحه بالخطوط السريعه لكن مادري عن رساوتها
اما بالنسبه للمكيف والحراراه فهي بلا شك من صالح اللاندكروزر خصوصا بالمسافات الطويله
و من ناحية الافضل عند البيع فالاندكروزر ومافيها جدال موتر شيك بجيبك
وانا استغرب من اللي يقول انه ماشريت الموتر حتى اني ابيعه ياخي الموتر ماتختاره الا انت معتمد عليه اعتماد كلي حتى عند الحاجه لبيعه لاسمح الله وقدر عليك واحتجت فلوس الا انه الموتر يكون لك سند حتى في بيعه
قبل لا اختم انا بنيت كلامي من تجربتي بموتري اللي بتوقيعي باستثناء الشكل والمكينه
الاندكروزر الجديد احتمال يكون اسوأ من اللي معي واحتمال يكون افضل وهذا راجع للايام
وان الله قدر لي ان شاء الله وشريت الفكس ار 5700 راح يكون له تقرير كامل عن تجربتي له
وعموما اللاندكروزر يمتلك الجوده والعمر الطويل وهذا السبب في ارتفاع سعره وهو بصراحه يستاهل
هذا ردي ووجهة نظري المتواضعه وبالاخير تفضيلي للاند لا يقلل ابدا في اليوكن ولكن القلب ومايهوى
وانا ماحبيت اللاندكروزر الا لاسباب معينه ذكرتها لكم وهو بختصار موتر يبض الوجه ويعتمد عليه
موتري من شريته والله العظيم ماعمري اشتكيت منه ولا ادخله الوكاله الا للصيانه الاعتياديه ولله الحمد وكل سنه اروح به للصمان جلعده فيه على سرعه 80بر والله اننا نشق به بر مايقارب الـ 100 الى 120 كيلو سنويا ولا عمري اشتكيت منه شي واذا دخلت المدينه ماسمع فيه لا طقه ولا صوت غريب ولا فكفكه وبالسفر خذ وخل الرياض المدينه الرياض القصيم الرياض حايل ومن احلى مايكون
هذا ردي ويشهد الله علي مازليت به ولا حرف لانه اولا واخيرا الفايده للي محتار بين السيارتين
وردي ماهو دفاعا عن اللاندكروزر بل للحق فالسيارتين لا فخر لنا فيها فهي من صنع العجم
انا اقولك اليوكن احسن بكثير من الاند كروزر 2008 خاصتا اذا كان دينالي
المعلومات الي بقولها كلها عن الدينالي 2007 ولا ادري عن اليوكن العادي
( جي ام سي يوكن دينالي 2007 الجديد يالكامل يسخر احدث تقنيات عالم السيارات ليكون فعلا سيارة دفع رباعي ذات امكانيات استثنائيه انه وليد افكار مهندسين مبدعين ونتاج عملهم المكثف والدؤوب اما هندسة السياره المتقدمه فتعزز قوته واداءه وتضيف اليهما فعاليه لافته في استهلاك الوقود ويوفر الشاسي وانظمة التعليق الجديده تحكما مرنا وقياده متميزه بسلاستها. بينما تزخر مقصورته الداخليه الرحبه برفاهيه نادره
وهكذا ينتمي يوكن دينالي الى (( الفئه المحترفه ))
معلومات عن المحرك :
المحرك فورتك 6200 V8 بقوة 441 حصانا
1- التوقيت المتفاوت للصمامات ( VVT )
2- التحكم الإلكتروني بصمام الأختناق : تتضمن محركات فورتك تطويرات طالت نظام التحكم الإلكتروني بصمام الإختناق وانعكست تحسنا في الأعتماديه ودقه اكثر في استجابة دواسة الوقود
3- شمعات اشتعال برؤوس من الإيريديوم
4- رؤوس اسطوانات عالية الدفق من الالمنيوم
5- مكابس تعمل طويلا : مكابس مغلقه بالوليمر تتضمن وصلات طليقه تخدم على مدى 250,000 كلم داخل اي محرك فورتك في يوكن
وش اقول وش اخلي بس
على العموم عقب الكلام الي قلته ما توقع تفكر تقارن اليوكن بـ لاند كروزر <<< ثقه زايده ههههههههه
الأمريكي زمان كان اسطورة في الجودة والقوة
أما الآن فلا جودة يعني ( انت والموتر والصناعية ) كل عطلة اسبوع
وقطع الغيار نار نار
اخوي معه جمس 2005 وانكسر مفصل الدرج وراح الوكالة يبي يشتري جديد ولقاه بالوكالة بـ 1400 ريال ما ينقص ريال
( انا مفصل باب للفيلا بثلاث مفصلات ايطالي بسعر 1200 ريال ) !!!!!!!!!!
اذا انت معجب بلامريكي رح الوكالة واسئل عن القطع
القطع التجاري ما تنزل الا بعد اربع أو خمس سنوات
اليوكون ماسك سعره بالسوق مقارنه بباقي السيارات الامريكية فهو الافضل مسكا للسعر موديل 2006 و2005 والموديل الجديد .....
لكن لايقارن بلاندكروزر وخاصة GXR الموديل السابق......
الغريب ان الباترول مايمسك سعرة مثل الاند ولاقريب منه مسكا للسعر بل اقرب لليوكون مسكا للسعر ان ماكان اليوكون افضل مسكا للسعر باستثناء فصل الشتاء ...
