انا بصراحه يعجبني التاهو لكن لو بشتري راح اشتري اللاندكروزر مع اني متحفض على الجديد من ناحية الشكل
عموما انتم عجلين ومادري هل مواضيعكم فعلا للاستفاده والا للتقليل من اللاندكروزر
اقرأ بعض الردود والله استغرب منها الواحد يهرف بما لا يعرف ياليت كل الاعضاء مثل ابو أسد
اللي يكتب بدون عاطفه
اللاندكروزر توه نازل حتى انه الدفعات الثانيه مابعد نزلت ولو تلاحظون التاهو اول مانزل كان عادي جدا وبالموديل اللي بعده الموتر تحسن من ناحية الجنوط والمواصفات وكان فيه فرق شاسع بين 2007 و 2008 بالنسبه للتاهو وهذا الشي يمشى على اللاندكروزر واي سياره جديده يعني اللاند اتوقع السنه الجايه بيكون احلى بكثير خصوصا بالجنط 19 اللي بينزل عليه والداخليه بتنزل عليها الوان افتح من الحاليه وبيكون الموتر كامل والكامل وجهه
بالنسبه للداخليه واللي يقول انه التاهو افخم بصراحه طالعت الموترين مالقيت في دخليه التاهو اي شي
يساعده انه يكون افخم من اللاندكروزر
داخليه عاديه جدا وعلى فكره تصميم الطبلون مشهوره فيها السيارات اليابانيه الامريكي تعودنا نشوف طبلونه واقف من موديلات الثمانينات
اللاندكروزر بصراحه من داخل احلى بكثير طبلون مبتكر ومتناسق لابعد درجه ولاحظوا انه الطبلون مازال استاندر وهذا يرجع لطريقة تسويق السيارات الجديده لانه تويوتا ماتنزل كل شي مره وحده
مليون بالميه الموديلات القادمه راح تنزل الوان جديده بالداخليه خصوصا البيج الفاتح واللي لو نزل راح تكون داخليه اللاند لا تنافس الا نفسها
هذا غير المواد العاليه الجوده المستخدمه في الداخليه وهذا الشي معروف باللاندكروزر من موديلات98 وطالع بعكس السيارات الامريكيه
لكن من الخارج فالتاهو احلى بكثير بصراحه ولكن حتى الان لانه اللاند توه نازل يبيله وقت
عموما الشباب ماقصروا بالموضوع وبالنسبه لي اللاندكروزر افضل
لانه السياره ماهي بس شكل وديكور انا اذا بشتري سياره ابي سياره اعتمد عليها بعد الله سبحانه
ومن تجربه لي الاندكروزر بالاعتماد بعد الله لا يعلى عليه رقم واحد في الاعتماديه في كل شي
التاهو يتفوق بالشكل والمحرك لانه محرك اللاندكروزر الجديد 5700 مانزل ولو نزل راح يسبب مشاكل كبيره للمنافسين
يعني اللاندكروزر من زمان يحتاج محرك قوي فقط وهذا اللي بيصير ان شاء الله بعد فتره
يعني اللاندكروزر مع المحرك الجديد راح يرفع رصيده
اخيرا اللاندكروزر اثبت انه سياره تختلف عن جميع السيارات وهالموتر والله غريب جدا
يعني وكلاء الخليج ماهم قادرين يلحقون الطلب المتزايد على اللاندكروزر الجديد لدرجه انه وكيل قطر وقف الحجز لانه ماهو قادر يلحق واقرب سياره راح تسلم لصاحبها في شهر 3 :eek:
اللاندكروزر قيمة مايعرفها الا من جربها سنوات كثيره واللي يشتري اللاند ويجربه ماراح يشتري غيره وراح يستمر عليه موديل بعد موديل
