ماء الرديتر(صور)

معلومات قيمه ولاتخوفني بالتنسيم في الرديتر او الثلاجه ,,, الله يستر بس
لكن السؤال : نقص لتر من ماء الرديتر في الشهر شئ طبيعي ولا لا؟

وعلى فكره اسم سيارتك حلو وموديلها احلى

بالنسبة للون الماء شي طبيعي يكون بهذا اللون وعشان تريح نفسك روح محلات قطع الغيار وخذ جالون موية رديتر اصلي ( GM ) ومعاه خمس قوارير مويه مقطره
بعدين ابغاك تشيك على الرديتر فيه تنسيم والا لا والتنسيم يكون واضح على شبك الرديتر
اذا سليم شيكلي على الثلاجه ترا هذا النوع من السيارات دايما تنسم الثلاجه فيها تأكد ان ما فيها تنسيم
بعدين روح لمحلات غسيل الرديتر بمضخات وفك البلف وغسل الرديتر والسرندل ( 40 ريال )
بعدين صب موية الرديتر الى معك وان شاء الله تضبط امورك
وسلامتك

صراحه غيرته اليوم بس ماركزت فيه ,,, لكن العامل في البشر ما قال لي اي شئ مو طبيعي في السياره.




السياره مستعمله
فورد قراند ماركيز 96


بالنسبه للعلبه هي ماء مقطر ومتأكد
والماء المقطر هو الماء الصافي والخالى من اي شوائب او املاح او عناصر اخرى غير الاوكسجين والهيدروجين وتكون صيغته
الكيميائيه(H2O) يعني ذرة اوكسجين مقابل ذرتين هيدروجين فقط بدون اي عناصر اخرى او املاح ,, ويمكن الحصول
على ماء مقطر من عملية تبخير وبعد ذلك تكثيف الماء العادي << هذا من ناحيه كيميائيه

العلبه لتر واحد بس وتستخدم ايضاً لاضافتها للبطاريه
وقيمة العلبه الوحده ريال او ريالين ,, ناسي والله
لكن العلبه معروفه ولونها احمر ,, وان شاء الله تكون عرفتها

ومثل ما قلت الماء ينقص في الشهر الواحد علبه وحده بس







الحراره في السياره الثلث بالضبط ( يعني بين الربع والنص) ودائماً هي كذا ما تتغير

زي ماقالو الشباب يمكن المويه خلطت بالزيت فكل مابكرت شوي يمكنك تلافي تكاليف أكثر
تشوف الموية تنقص ولاتطلع تحت وين تروح يعني الا اذا كانت فيه حراره ؟؟
بالنسبة للقطع اللي مع الموية ماعرف عنها شي
بس انا مريت بنفس المشكلة في مرسدس قدييييم كانت الموية تدخل على المكينة وغيرت وجه الاقازقيت ورجع كل شي تمام حتى الحرارة نقصت

اول ماشريت السيارة عبيتها هذا الماء ولكن لم تذكر لنا هل شريت السيارة جديدة او مستعمله وكم موديلها

وذكرت ان الماء ينقص عندك في الشهر علبه او علبتين دون ذكر العلبة كم لتر هل هي لتر او اقل حتى نفيدك هل هذا الموضوع طبيعي او لا

اما البرادة الموجوده فلا تقلق منها فهي شوائب لابد منها من جدار الماكينه او الراديتر او المضخة


بنسبة الى الماء المقطر هذا يعتبر ماء يخفف الحرارة وضد الصدى و لكن ليس هو الماء المقطر

الماء المقطر هو الماء الي يعاد تكرارة و تقطيره حتى تكون نسبة الملوحة فيه صفر بحسب علمي وهو الماء الي نستعمله في اضافة ماء البطارية ويمكن استعماله للراديتر لخلوه من الاملاح هو الماء العادي ولكن خالي من اي املاح

اذا كان فيه تهريب مويه للمكينه بتلاحظ مويه الرديتر تنقص وزيت المكينه يزود ويتغير لونه إلى الون الحليبي
بدون ماتتأثر مويه الرديتر يعني لو فيه تهريب مثل ماذك الاخ كان بتلاحظ مويه الرديتر تنقص مايتغير لونها ابداً

مشكور اخووي على السؤال
وش دخل الزيت ؟؟؟
عمووما عزيزي احتمال لو كان لون الزيت متغير احتمال يكون فيه تسريب مويه داخل الماكينه
ويصير لون الزيت مثل الطحين البني ويؤثر هذا على لون ماء الراديتورر وهذا احتمال ضئيل طبعا يكون فيه تسريب مويه داخل الماكينه ..بس يقولون الاحتياط واجب من الافضل انك اتشيك ..واسمح لي على القصور

شكرا على المعلومه
لكن وش دخل الزيت؟