كذابين لا يهمك حكيهم ........كذابين يتمنوا تجيهم:D
اولا بالنسبه للتقرير
التقرير كالتالي :
1 - السيارة فيها حذفة قوية لليسار والهيئة الأمامية سليمة والسبب من الكفرات
2 - البطارية أصغر من الحجم المطلوب <<< مركبها عند المجدوعي وسعرها عندهم ب 600 ريال وأنا مغيرها ب 200 ريال عند المجدوعي
3 - زيت القير معدوم يحتاج تغيير <<< مغيره قبل 3000 كم وقدام عيوني
4 - قطعة الكتورنية اسمها BCM رقمها 95400 - 3l400 وسعرها 1211 ريال وهي علبة الفيوز
5 - الاصطبات الأمامية كاملة وسعرها 3324 ريال وهنا مربط الفرس وش دخل اللمبات الاصطبات القزاز أو البلاستيك يعني الشمعات بس اللي لها دخل وإلا ؟
بالنسبه للحذفه كلامهم غير معقول وحتى لوز كان فيه حذفه اساسا
ما راح يكون لها اي تاثير اطلاقا على المكينه :eek:
البطاريه لها تأثير ولكن مو بالدرجه الكبيره لكن المهم ان يكون امبير البطاريه نفس امبير البطاريه الاصل (الوكاله).
وبأمكانك تغيرها خارج الوكاله.
على فكره باين انهم يسرقونك لأن الفحص على حد علمي بـ120 ريال فقط!!
زيت القير ايضا كلام غير معقول اذا كنت انت بنفسك مشرف على تغيره قبل 3000 كيلو !!
كيف يقولون غيره مره ثانيه !! وتغيره ما يكلف اكثر من 100 ريال بس.
قطعة الكتورنيه من الممكن تكون السبب علما السعر اللي يعطونك الصيانه في خريص غالبا يكون قبل الخصم (1211 ريال) .
يعني من فروع الوعلان في الصناعيه يمكن يكون ارخص تقريبا سعره حدود 550-650 ريال.
اما الاصطبات الاماميه فهذي نكتت القرن !!! وش دخل قطعت البلاستيك في الموضوع المشكله كلها من انوار الزنون فقط لا غير!!
انت رجع الانوار الاصليه لسياره من المجدوعي وشف وش يصير معك !!
خلاصة التقرير ما فيه اي حلول مقنعه او متوقعه لمشكلتك الا تقريبا فقره رقم 4
وفقره رقم 5 نستخلص منها انهم يبي يقولون فك الزنون فقط>>>اما غير الاصطبات والله لأشب فيه واحرقهم بالكلام:mad: يستخفون بالعقول لهدرجه .
احتمال كبير ان التفتفه تكون ايضا بسبب فلتر البنزين الاول يعني يمكن مع كثرة الاوساخ والاتربه دخل
شوي الى البخاخ. يمكن تكون السياره محتاجه تنظيف بخاخ.
او ان التانكي باقي فيه اوساخ ورجع خرب الفلتر عليكم من جديد.
المفروض ينظفون التانكي من الاساس قبل يغيرون الفلتر خصوصا اذا كان وسخ مثل ما تقول.
اما القير المشكله كلها من نوعية الزيت تقريبا !!
النوعيه اللي عند الوعلان ما تناسب قيور هيونداي لكن خلها على الله
لو ترجع لكاتلوج السياره ينصح باستخدام زيت القير اللي يحوي مادة تسمى SPIII
وهي ما تتوفر عند الوعلان تتوفر عن وكالة ميتسوبيشي على ما اعتقد.
اذا فحصتها عند المجدوعي وصار نفس الكلام .
اول إجراء تسويه
1-انصحك تفك الزينون .
اذا ما نفع معك
2- تغير القطعه اللي في التقرير BCM.
اذا ما نفع معك
3- تأكد ان الفلتر ما رجع وتوسخ من جديد ونظف البخاخات.
ولو لقيت الفلتر وسخ ومليان تراب نظف التانكي.
تمنياتي لك بالتوفيق
وعلمنا وش يصير معك...
|3|
