شباب طالبكم أبي شوركم بأسرع وقت

شكلهم نصابين لانهم يقولون الزيت تعبان وانت مغيرة وشلووون ؟؟

رح اكثر من صيانه وشف

واهم شي رجع الموتر زي مااستلمته من الوكاله يعني فك الزيون والاشياء هاذي وشف ..

والله يكون بعونك

والسيارة ماشيه واجد يعني لاتستغرب منها تخرب

^^^^^^^^^^^^

بس انت محولاتك ألمانية انا واحد كوري وواحد صيني والشمعات سنغالية

يارجال بطقلي فيلبس بس ابي أحط يعطيني ضمان بس اصلح السيارة وأتوكل على الله

^^^^^^^^^^^^^^^^^^^^^^
ماعليــك من ذا الوكالات اكبر نصــابين
هو يمــكن يقصد بفك الأصطبات أنك تفك الزنون

والله ذا الزنون يخوف
لكــن وش بـعده بعد ما ركبــت

والله ماضمنت الوكالة تبيني أضمن الصناعية لا وبعد احترقت عدد كبير من المحلات أمس في الصناعية والسيارات اللي فيها احترقت يعني يازين الوكالة

على العموم ألف شكر لك على شورك

اهئ اهئ اهئ والله كسرت خاطري يافيكتور ياخي بهتم في الموضوع عشانك :D

ياخي أول مرة أدخل السيارة للفرع الرئيسي وآخر مرة إن شاء الله وقفت قبل شوي عند محل لقيت لتر موية يهرب قلت بس هذي المشاكل ماتجي إلا مرة وحدة قلت بكرة أنا في معارض النسيم لو جابت 40000 ريال ببيع يوم فتحت الكبوت إلا السادة المحترمين ناسين غطاء قربة الراديتر مفتوح ماسكروه يعني بالله وش ترجي من هالأشكال ؟ وأصبع البطارية يتحرك

وأزيدك من الشعر بيت رحت ل 3 بناشر وأنا الرابع:D كلهم يقولون زيت القير جديد ليش تغيره ؟!

بالنسبة لفلتر القير انا متأكد من أن (سيارتي) مايتيغر الفلتر فيها
قعدت أفكر وش دخل الاصطبات في التقطيع ؟؟
اللي وداني الوكالة صغير ولايعرف في السيارت غير إنه يشغلها ويمشي قعد يضحك يقول ياخي مهندسهم خفيف دم قلت ليش قالي يقولك غير الاصطبات عشان السيارة ماتقطع
بالنسبة للقطعة اللي مستغرب منها هذي علبة الفيوز على العموم بكرة السيارة برسلها للخبر أشوفك يوم الخميس وأفطرك كبدة:D وإلا كوفي كاسبر وإلا غيره بس على حسابك عشان ماتخرب سيارك ههههه

يارجال لاتشيل هم والله سيارة كريفة بس لكل جواد كبوة وهذي اول كبوة والله يستر




للجميع : اتصلت بأحد المهندسن في المجدوعي وقالي فك الزنون وشوف وش يصير معك

نصيحتي : اشترالقطع من الوكاله وركبها في الصناعيه!!!


طيعني //

ياخي ليش ورطتني ؟؟ :D

يعطيك الف عافية شاكر لك تفاعلك الكيميائي معنا في المنتدى

صدق المثل رب ضارة نافعة عرفنا ناس طيبين مثلك

شكرا

تكفى ياللي كل أسبوع في الصيانة

ياشباب هذا الشاب اللطيف شرا السيارة وماشية 65000 كم بس غير الزيت 6 مرات إذا مو أقل ورقى 100 رصيف على الأفل

صراحة ماعندي خبرة لكن برسل لك رقم ورشة بالصناعية القديمة بالرياض متخصصين بالهونداي وعلى كلامهم انهم كانو شغالين بالوكالة , هم 3 اخوان باكستانيين واحد كهربائي والثاني ميكانيكي والثالث مدري وش سالفته منتهي شكله خبل :D , رحت لهم مرة اشيك السوناتا حقتي 2002 بس ماسويت شي عندهم ( يعني لا تقول ورطتن ) وايضا ابرسلك رقم محل قطع غيار بنفس الصناعية اسعاره ممتازة ويخيرك تبي وكالة ولا كوري اصلي ولا تجاري والله يكتب اللي فيه الخير

انا ماعلي من الموضوع كله

اهم شي من اللي راح معك :D

والله شف المجدوعي مشواااااار وصيانتهم ماشوف فيها فرق عن الوعلان
ونصيحتي لك بيع موترك وخذ لك النترا

كملت 9000 كيلو ماغيرت الزيت والعزم يزيد كل يوم :p

سوسو v6 شاكر ومقدر لك مرورك ورأيك



قالوا لي الضمان 6 شهور أو 20000 كم بس مدري أحس مو فاهمين شي على اي أساس أغير الاصطبات الأمامية حتى مدير الورشة ماقدر يعطيني سبب مقنع أبدا

بشوف مهندس مراد مدير الصيانة في المجدوعي صديق للوالد لأن مهندس خالد مايدخل كثير وأخاف يتأخر

على العموم مشكور أخوي مايكرو أنا بطلع أصلي وأطمر للتمران أفك الزنون وأشوف وش يصير لأن الزنون بدا يولع ويطفي لحاله

وأي شي يستجد بوافيكم بالأخبار

الله يلعن الشيطان

ياولد قل غير هالكلام

تراك خرعتني

لاحول ولا قوة الا بالله

والله مادري وش أقولك بصراحه

تدري وش المشكله؟؟

اني مركب زينون بالعالي بتوليف اسلاك (لكن الزينون أصلي)

والواطي الله لا يوريك (أردى زينون بالسوق)


والله مادري وش أقولك غير انك خوفتني وبشكل كبير بعد


يابن الحلال خل السيارة تمشيني اللين اتخرج وبعد كل حادث حديث



أخوي محمد

الحاجات اللي قالولك تغيرها أحس انها خرابيط ومالها داعي

بس اللي شايل همه هالقطعه


وبعدين ليش زيت القير معدوم وانت توك مغيره؟؟؟؟؟؟؟؟؟؟؟؟؟؟؟

وغير كذا انت قلتلي قبل فتره ان فلتر زيت القير مايتغير

والكاتالوج مكتوب فيه ان زيت القير يتغير كل 60 الف مع الفلتر


ما أقول الا الله يستر

أول شيء أنصحك تكلم المهندس خالد القوصي

وتستفسر وتأخذ رأيه في الموضوع

ثانياً .. يفضل أنك تفحصها في مكان آخر

من باب الإحتياط وإن الكلام الوعلان صحيح

* وأخيراً.. بيني وبينك 3700 رخيص على إلي صار كنت متوقع أكثر لذلك أشترط (بضمان) موثق بأن السيارة ترجع سليمة لمدة (أطول فترة ممكنة ما تقل عن 3 شهور)

إذا قبلوا الشرط .. أعتقد أنه أريح لك من الروحة للدمام

للتأكيد كلم القوصي قبل كل شيء


وأنا أقول .. الله يكتب لك إلي فيه الخير ويسهل لك أمرك ويكفيك من كل شر