نقاش عن تنفيد أول تجمع رسمي في البر بمنطقة الرياض

أنا ما أبي أخربها :D بس أنا أول مرة أسمع بمحطة أسمها النجمة

خوفي يكون نفسها محطة الحجاز الي يقصدها أخوي ولد وايل :D



لأن هي بصراحة أخر اكبر محطة قبل التفتيش مدري فيه محطة بعدها ولا لا بس هي أكبر شيء قبل كبري التفتيش :rolleyes: عموما خلاص النجمة النجمة ولو أني حاس أنها مهب موجودة :D

خخخخخخخخخخخخخخخخخخخخخخ الله يهديك يابو الخل وين عود وعزف اللهم ياكافي

وخلاص علي الحطب اللي هو السمر رحت وجبته اليوم العصر وقت الفضاوه كالعاده

والمحطه ماتفرق اي وحده والظاهر اذا ماخاب ظني محطه النجمه هي الحجاز بس لزقت فيها تسميه النجمه على المقهى على مااعتقد ماني متاكد

المهم هي اخر محطه قبل التفتيش يعني اللي مضيع يشيك على كل المحطات الين يلقانا :D

أبو أسد لا تخربها ... خلاص اتفقنا على محطة النجمة :)

إلا صح، وش هو السمر؟ لا يكون عود وعزف بس!!

بما أني منسق الرحلة ... فأنا منيب جايب شيء هههههه




أوافقك الرأي. إذاً محطة النجمة.

شباب ... تذكيييييير
إللي يبغى يطعس رجاءً رجاءً ... لا ينسى
[SIZE=7]ماطور الهواااااااء (الكمبرسر)
[SIZE=3]لأنه لا يوجد كمبرسرات كافية. إللي ما عنده الله لا يهينه بكرة الصباح يمر على ساكو والا الرماية والا محلات الزينة في شارع العروبة ويشتري واحد. ضروري جداً.
[/SIZE][/SIZE]

شباب وش رايكم بمحطة الحجاز أرى أنها أنسب وهي أكبر وأخر محطة قبل التفتيش

وأنت ماشي مع طريق مكة تمشي كثير بيجيك أول كبري حق البديعة والعريجا أتركه ثم بيجيك سيد خدمة يوديك عند محطة اتركه وبيجيك كبري ثاني ما أدري وشو بس كبير الكبري بعده على طول فيه سيد خدمة خذه وبمشي شوي وبتقلى المحطة على يمينك أدخل معها وأسمها محطة الحجاز وهي مشهورة مرة ومليانة بقوة عند السفريات أغلب الناس يوقفون عندها تقريبا كل شيء متوفر فيها مطعم وأسواق (تموينات كبيرة جدا) ورش زيت وكفرات ومسجد ومقهى كبير في الخلف وفيه أول ما تدخل المحطة محل صغير حق كافي

أخوي وشو هذا السمر الي تتكلم عنه بالضبط لا يكون تقصد الحطب! والله ترى ضربة مشوار للعيينة والطلعة بكرة :) مو ضروري

والله الطلعة بتكون أحلى بجمعتكم ومعرفتكم ومعرفة الوجوة الطيبة لكن لعل الله يسهل الأمر ونشوف

بس الله في التوثيق تكفون لاتطلعون من دون توثيق |5|

وعسى الله يوفقكم يا أبو سد ( يالـ القائد الغر للرحلة ) |13|

وهذي احداثيات محطة النجمة اجتهاد مني

N 24 - 32.641

E 046 - 28.096

الله يوفقكم جميعاً

سلام

ياشباب بالنسبه للسمر محد جاب طاريه ترا الشاهي والقهوه ماتنفع الا على سمر |1|

اذا فيه احد بيتكفل فيه والا رحت اجيب من مزرعتنا

ياليت تعطوني خبر بدري لانها بالعيينه حتى يمديني اروح اجيبه

ولا احد يقول بنشتري لانه اللي موجود بالخطوط سمر سواليف حرام الفلوس اللي تندفع فيه

ولا هو مضمون بصراحه

محطه النجمه ياشباب قبل التفتيش

وانت ماسك الخط اول ماتطلع من الرياض وتخلص البيوت يعني الاحياء :D

تكون على اليمين :D << استهبال

انا بصراحه مادري كيف اوصفها لانه المحطات كثيره الى قبل التفتيش

بس اسمها محطة النجمه ومشهوره الكل يعرفها
وهي المحطه الوحيده اللي فيها مقهى |13| وكبيره كبر الخرج الظاهر :D

بحاول اسال واجيب وصفها بالتحديد واليوم ان شاء الله اكتبها بالموضوع

هذا ان عزموا الشباب على التجمع فيها

كلامك في محلة اخوي ولد وايل ..... المحطة افضل مكان تجمع بس ممكن توصف لنا مكان المحطة هل هي قبل او بعد نقطة التفتيش ..

كلامك في محلة |1|


لكن ابي واحد يوصفلي مكان التجمع لأني غشيم شوي:D :D :D

الشاهي والقهوه والتمر علي بجيبها جاهزه ومعي العزبه متى ماخلصت صلحنا وعبيناها

الخفايف مثل الحلويات وغيره انا بجيب معي مي مشكله بس تراني غشيم فيها يعني بخم وبس

ياشباب مكان التجمع ليش مايكون في محطه النجمه

لانه بعد التفتيش الوقفه مالها داعي تريلات وقلق وزحمه
وغير كذا يبي يبلشونا العساكر

يعني انا اخبر اي نقطه تجمع دايما تكون في محطه

الا اذا انتم تشوفونها مناسبه ماهي مشكله

^^^

ههههههههههههه

أنت الي سبقت وحطيت الموعد مو أنا علشان تقولي أبلشتك :D أنت أبلشت نفسك بنفسك |11|



طالما علي عدة الشوي أقول كل واحد يجيب قطته أحسن ونشتري عشى من هناك :p <<< بدا من الحين ههههه

القطع يا شباب أرى المناسب 20 ريال أو تقل بقليل مثلا 15 ريال :rolleyes:

بنسبة للطلبات

شباب نبي أحد يتكلف بهذي الأشياء

مشروبات الساخنة:
1- قهوة.
2- شاي.
3- نعناع.
وطبعا ما ننسى التمر مع القهوة

والي يبي يجيب معه شيء يوكل خفيف مثل حلى شاي أو حلى قهوة من البقلاوة وزي كذا أو فطاير مافي مانع وليس أجباري

عموما نصيحتي من الحين كل واحد يجي الموعد وهو متغدي! من الحين أقولكم لا أحد يقولي بوقف عند مطعم :D

وأعتقد أخوي الخل الوفي يقصد مكان التجمع راح يكون بعد نقطة التفتيش تماما توقف على اليمين مثل طلعتنا السابقة ;) وماراح ننتظر كثير الي يبي يجي قبل الموعد يكون أفضل يعني تحرك من بيتكم حول الساعة 1:20 الظهر أو 1:30 الظهر

إلا على فكرة طالما أبـوأنـس مو جاي وبصراحة ليته يجي لأن الطلعة بتحلى بصحبته لكن من الي بيتولى التصوير؟

أبو أسد، تراك أبلشتني بالتنسيق ... المفروض أنت المنسق :D




والله فعلاً هالأيام الجو رائع، يا رب يستمر الغيم إلى بكرة عشان تحلى الطلعة.

الاجتماع إن شاء الله يوم الخميس الساعة الثانية بعد الظهر عند نقطة التفتيش قبل نزلة القدية، طريق مكة. نكون هناك الساعة 2، يعني تطلعون من بيوتكم بفترة كافية للوصول هناك على الوقت المحدد. عندنا مواعيد أوروبية، موب عرقوبية :)

أبو أسد، أقترح عليك ما دامك اقترحت الشوي إنك تحضر عدة الشوي، وش رايك؟ مثل ما بلشتي أبلشك :)

بعد الظهر اقتراح ممتااااااااااااااااز

ماهنا مشكلة بعد الظهر.... لكن يستحب تحديد الوقت ومكان التجمع قبل الانطلاق على اقل تقدير الاربعاء قبل الساعه 10 مساءا على المنتدى ...

الجو خفت الحرارة فيه وهذي اليومين الجو مغيم ;) بس عيبه بعد فيه شوي عج :D وفكرة مهب شينة أن كانت من الظهر لكن أن كانت من الظهر ففكرة العشاء ما أعتقد بتتنفذ :rolleyes: لأن كذا بتصير طلعتنا طويلة جدا إلا الي يبي يخليها تطول :)

8
8
على كلام ابو الخل بعد صلاة الظهر يوم الخميس ان شاء الله

طيب الساعة كم التجمع ؟؟؟