techmate
ودي أجي وأشوف هالوجوه الطيبة لكن أنا في الشرقية ويمكن مايجي لي.
أقترح أن تكون الطلعة في أيام عطلة منتصف الفصل الثاني بعد 3 أسابيع.
الوحش-armada
هلا اخوي ابوسد الصراحة الفكرة رائعة جدا وودنا نشوف الوجية الطيبة ونشوف هيبة الدفع الرباعي
لكن ودنا يتحدد الموعد قبلها باسبوع عشان اختبارات الجامعة عندي ملخبطتني شوي...تحياتي
أن شاء الله بنخلي لها وقت كافي أن الكل ينتبه لها لكن لا تقاطع الموضوع على طول ثم تقول ماشفت الموضوع أوكي :D
طالب الادارية
فكرة طيبة اخوي بو اسد ... عندي ملاحظة بسيطة الموعد بشهر 4 احس الجو يكون حار شويء وياريت تكون بعد صلاة العصر مباشرة ...
النقطة الثانية مشكلتك باللي ماعنده دفع رباعي ...
ولا تزود علية القطة
وان شاء الله اكون من الحاضرين .... اسف على الاطالة
وبخصوص الي ما يمتلك سيارة دفع رباعي مو مشكلة أنا في بداية الموضوع موضح أن الي ماعنده ينادي واحد من ربعه يمتلك دفع رباعي أو يجي بسيارته معنا وأن وصلنا البر يوقفها على جنب ويركب مع أي واحد حسب تفرغ سيارة أحد الحضور ولازم يكون يعلمنا من البداية الطلعة علشان ما يكون فيه مزاحمات أو واحد مالقاله مكان يجي معنا
ولا تخاف القطة بتكون أن شاء الله بالتساوي :D سواء الي جاء بسيارة دفع رباعي ولا لا
أبو عبدالعزيز
مشكووووووووور أخوي أبو اسد على المبادرة الطيبة منك
أنا صوت على حسب الظروف
والطلعه معاكم تنشرى بالفلوس والله
بس عندي ملاحظة ياشباب .........!!
ولي ماعنده سيارة دفع رباعي وش يسوي ؟؟؟؟؟؟!!!!<< قاط وجهه
تحياتي للجميع
أخوكم ابو عبدالعزيز
أن شاء الله تقدر تتفرغ وتحضر للتجمع أن شاء الله
وبنسبة لسؤلك للي ما عنده سيارة دفع رباعي جوابي مثل ما قلت سابقا لأخوي طالب الادارية ;)
مطـــنش
فكرة حلوة رغم ان الاجواء ماتساعد ولكن ليش ماتكون الفجر مثلا بعد الصلاة على طول لان الجو بيكون بارد والنسيم بيكون عليل والنار لها نكهه غيــــــــر
والله شف بموضوع الطلعة بعد الفجر مباشرة ما زينة بعض الشيء وشينة لأن بيكون عندك عدة ساعات ثم الشمس تصير تصك بالواحد سواء كانت قوية ولا لا خصوصا أن الفجر يمكن بيتكيسل الكثير يجي هذا الوقت أن كان يوم خميس تخبر يوم الأربعاء الي جاي من عزيمة وزي كذا يعني صعبة بتلقى الحضور في هذا الوقت والعصر أرى أنه انسب وقت :)
ولد وايل
بصراحه انا متحمس اني احظر ونتعرف على الوجيه الطيبه لكن من وجهة نظري المتواضعه
- لابد يكون الوقت قريب لان الاجواء حاره وكل ماطال الوقت كل مازاد الحر .
- الشرط اللي يقول لازم تكون معك دفع رباعي اشوف انه ماله داعي
اللي مامعه جيب يجي بموتره ويركب معنا لانه بكذا تقلص عدد الحضور لانه في ناس متحمسين لكن مامعهم جيوب
وفيه ناس معها جيوب ولا هي متحمسه تجي .
- بالنسبه للمكان مالك بالرياض الا اثنين اما نساح والخراره والمحليه او الطوقي(( بس مشكلته بعيد )) لانه هالاماكن مايجيها ناس واجد ولا فيه احد يخرب عليك مثل العاذريه والثمامه
- من الافضل انه كلن يتغدا ويطلع ويكون مكان التجمع عند محطه بالطريق ونصلي فيها صلاة العصر
مايمدينا نخلص من الصلاة الا الجو برد شوي .
عوما انتم اصملوا بس وحنا جاهزين بس عسى يكون الوقت مناسب وقريب لانه بالتصويت انا حطيته حسب الظروف لكن 70% باذنا لله بحضر
موفقين ان شاء الله
وبخصوص الشرط سيارة دفع رباعي أنا متفق معك بكل ما قلتك لكن كنت أقصد من البداية لما ندخل نطعس وزي كذا مثل طلعتنا السابقة جاء كم واحد بسيارة ليست دفع رباعي وتركناها في حفيرة نساح ثم طعسنا بالسيارات الي فيها دبل
وبخصوص الأماكن فعلا أنا أتفق معك بقوة أننا نختار مثل الأماكن الي قلتها صح أنها قد تكون على البعض بعيده لكن هي الأنسب والأنظف والأقل مشاكل ومضايقات من المطعسين يعني نقدر ناخذ راحتنا وبرايي حفيرة نساح من أفضل واقربها وأسهلها أماكن ولو بغيتو نسوي مثل طلعتنا السابقة من حفيرة نساح إلى روضة الخرارة برا مافي أي مشكلة بالعكس متعة أكثر ان الرحلة يكون فيها تجول وتغيير
ومتفق معك في كل واحد يجي وهو متغدي ونخلي الدعوة عشاء فقط سواء جاهز او غيره لكني أفضل أننا نشوي العشى :D
وبيسعدنا حضورك معنا أخوي ولد وايل
وننتظر أراء البقية
أخوكم أبــــــــــوأســــــــد|3|
