السلام عليكم ورحمة الله وبركاتة
بقول لكم قصتي .......
كان معي لاند كروزر 2002 لى اسبوع مطلعة من الوكالة
المهم وانا على طريق خريص دخلت مع مخرج تركي الاول
وانا توني داخل الا والددسن يزرق جنبي بيدخل والممر ضيق
ويصفق فيني على جنب ويزحف الموتر ويصدم في الصبات
ويرتد ويصقع في الددسن وارجع مرة ثانية على الصبات
وايطيح الموتر من فوق الكوبري ويزحف على جنب
لين وقف الموتر في وسط طريق خريص على جنب انا فوق والباب الى جنبي تحت
ولولا وجية الخير يوم مسكوا السيارة ولا كان جاء على التندة
وراح الموتر تشليح
ودخلت المستشفى والحمد لله السالفة كلها كم كسر :D
بعد 6 شهور من الحادث
.
.
شريت لاند كروز2003 سياحي لاني ((( مدمن بر ))))
طلعتة من الوكالة العصر وانا راجع للبيت
حول بتني فية مطبات
كان فية باص بنات هو كان قدمي رقي المطبة ومشي
وانا وراءة توني ارقي المطبة مادريت الاهو فجر ام الريوس
ودخل وجهة الموتر كلة
والله ياناس اخوانى مابعد شافوا الموتر السيارة مابعد دخلت البيت :mad:
بعت الجيب وراح في حال سبيلة
بعد هل الحادث بسنه و ونص شريت اكسنت ( طفرت )
جلست معي سنة
وانا واقف عند الاشارة ولعت خضراء مشيت الا والباترول قاطع الاشارة
طبعا الاكسنت دخلت تحت الباترول والباترول انقلب
والغلط على الباترول 100 %
بس جاء ولد خالتة وشهد ضدي وصرت انا الى قاطع الاشارة
بس ربك ستر كان معي تامين والموتر راح فيها
كرهت السيارات جلست سنتين بدون سيارة
والان معي سوناتا ماشاء الله تبارك الله
لكن معد فية بر زي اول
