كفاءة السيارات الامريكية

اخالفك الراي :)
معي تريل بليزر وله اكثر من سنه ونص
الحمدلله زي العسل
ومسكت فيه خطوط اكثر من 1000 كيلو
ولا عمري شفت حرارته تعدت النص ماشالله
والرساوه في الخط جربت قبلها لاند كروزر ابدا مافيه اي راحه عالخط حتى مثبت سرعه مافيه مع ان اللاند اللي مسكت فيه الخط GXR خليجي 2004 "البازعي" راعيه ماخذه بحوالي 150 الف
البليزر بحوالي نص القيمه 80 الف خذت اقل نوع
جاني :
اوتوماتيك <--- في تويوتا تزيد كم الف عشان تاخذ اوتو
جنوط 17<----- في تويوتا تزيد كم الف ولا تاخذ طيس
تراكشن <--- قابل للفك بضغطة زر وحده
ABS + انظمه مااعرف اسمها لو جبت الكاتلوج قلتها لك ومهامها مانع انقلاب ومانع انغلاق ونظام ثبات على الخط يعني ماتحذف مع اي هبة هوا زي الكامري وطقتها
CD + كاسيت شد بلد<----- كم تدفع زياده عشان تاخذ مسجل ابو جميل الصيني؟؟
غير كذا راااااااااااااحه عالمطبات عكس اللاند كروزر ازعاج عالعيون قطط
كل هذا وغير الامان طبعا وراحة المراتب ...
والاهم من هذا كله مايلعب فيها الوكيل زي تويوتا يركب مرايات صيني ويغير المسجلات والدعاسات
والخافي اعظم..
يطول الكلام في غير محله
تحياتي لك

اخوي ( هيل نتعلم ) وبقية الاعضاء ابذكرك بشئ يمكن عدا عليك وهو :

1 ) سيارات الاسعاف وشصناعتها ( امريكي ولا ياباني )
2 ) سيارات نقل المعلمات والطالبات للجامعات والمدارس البعيدة اليست جموس وفانات ( امريكي )
3 ) سيارات امن الطرق
4 ) سيارات شركة الكهرباء جميعها امريكي مابين بليزرات او جموس حوض
5 ) السيارات في المواكب الملكية والاميرية جموس
6 ) هل ياترى جميع الفئات السابقة مغفلين ام انهم اختارو على اساس قوة السيارة وعمليتها وسهولة صيانتها ورخص قطع غيارها
7) لكم جزيل الشكر

اشكرك على الموضوع الرائع

ليست كل السيارات الآميركية كثيرة الأعطال.
كابريس-فكتوريا-ماركيز-يوكون-سوبربان وغيرها كلها مشهود لها
تحياتي:-

انا عندي كابريس 94
ماشي معاي زي الفل
كاده كد15 سنة وفوق كل هذا تشوفه كأنه
مديل 2009
(قولو ما شاء الله)

وجهة نظري الخاصة وبعد استخدامي للسيارات للامريكية فوق 13 سنة نعم السيارات الامريكية اقل كفاءة من تويوتا ولا توجد مقارنة من ناحية كثرة الاعطال

وكلامك صحيح 100% ولا عليه غبار

فعلا والله دليل إن النااس لما تشوف جمس سوبربان تقول جودة ولما تشوف سوبر بان شفروليه تقول بعد عنه لييش رغم إنهم نفس القطع تقريبا ..... لكن الناس ما تعرف تحكم تحط كلام وبس ومن قال إن الياباني ما يخرب جارنا معاه برادو 1997 قديم صح لكنه غير علبة الكلتش الأصلي من وكالة تيوتا ولكن بعدها بشهرين رجع غير..... ليش القطعة رجعت خربت وكل قطعة لها عمر وعلى نفس إستخدام الشخص وخراب القطع الإستهلاكية لا يدل على عدم الجودة فكل السيارات لابد من تغير هذه القطع ايا كانت

اعتقد والله اعلم ان السيارات الأمريكيه هي أول ما استخدم بها ناقل الحركه الأوتماتيكي وذلك بالخمسينيات بينما السيارات اليابانيه لم نراه يستخدم على نطاق واسع إلا بالتسعينيات كذلك السارات الأمريكيه تتحمل المسافات الطويله بحكم قوة محركاتها حيث الطرق السريعه بالولايات المتحده(الهاي وي) واللتي تمتد إلى اكثر من 5000 كيلو عبر القارّه الأمريكيه ,, امافي اليابان كانت سياراتها لاتتعدى الأربع سرندلات لكن بحكم المنافسه طورت محركات سياراتها بعد أن تأخرت بعض الشي

كلامك عين الصحيح
الف شكر

انا ارى عكس دالك
عندي كراون فيكتوريا موديل 99 الى الان الحمدلله ماشي 200000 كيلو

بصراحه اخوي ماادري انت كيف تفكر في النقطه هذي لكن كل واحد حر ,,,,,,,,
والله يوفقك,,,,,

استنجت اخواني الكرام من كلامكم ومن تجاربكم ان السيارة حسب استخدام صاحبها
فعندما تحافظ عليها ليس كما لا تحافظ عليها
لكن وبدون زعل انا متمسك براي ولا احد يزعل
وجزاكم االله خير $$$

مراااحب للجميع

الموضووع مع احترااامي مافيه شي ترد عليه اصلاً
بس الي لاحظته احد الردوود يقووول وش يخليني أشتري كاابريس وأنهاا ماتفووز بجوائز السلامه
شكله من جمبهاا ولا يقرأ مجلات
طيب : ودي تشووف جاائزة افضل سياره في السلامه للعام 2007 في مجلة سعودي اوتو
المناافسه كانت بين فولفو G80 , لكزس ES 350 , كابرس رويال 2007
والي فاااز هو الكااابريس , وتقووول ماله شعبيه الا بالسعوديه ؟؟؟؟؟؟؟ ليش ماشفت الكااابرس بأوروبا ؟؟ ولا شفته بشرق اسيااا في الصين واليابان ؟ ولا شفته في الشرق الأوسط , ولا شفته بأسترالياا ؟؟؟؟؟؟؟؟ أتمنى ترااااجع نفسك وتقارن الكااابريس مع السيااارت الي أهل أنها تتقارن معه موووب سيااارت أسااطيل ال... والا أقوول خلني سااكت

تبي تقنعني انه الكابرس له شعبيه في اوربا اذا اصلا اهو ما له شعبيه في امريكا نفسه العالم تبي سياره اقتصاديه وانت تقول لي كابرس

الحين الفولفو تقارنه مع كابرس والله ولا الفولفو القديم تقارنه معها دليل على تعصبك من غير خبره بتقييم السيارات

والله الكلام يطول بهدا الموضع لانه في تعصب غير منطقي ويا كثر الا يشتكون من الكابرس كلهم ما يعروفون للسيارات بس انت ( ايش رايك في بريك الصابونه في عز الحر) بتقولي قوي ممتاز

شوف يا اخي
السيارات الامريكيه كنت اعتقد انها من السؤ بمكان و اليابانيه لو تحطه القمر ما خرب الا بعد ما
جربت (الهمر) الياباني هايلكس موديل 2003 و (البوينغ 747 او المدرعه) سوبربان 2006

الهايلكس:
شكل+خفه
الخرابات: المكيف الى الان ما لقيت له حل(حراره عجيبه)+القير 3 مرات نازل(تو السياره امس جايبه 11111)
الراحه معدومه+الفحمات بـ 200 ريال(وياا كثر ما غيرتها)+الكمبرسر مره انفجر وانا امشي(اعتمااادي ماشاء الله) قيمته جديد بـ1740 بدون لا بكره ولاسير ولا رمان ولاتركيب(لااا رخيييص)
الاذرعه كل شوي عند الميزان+الهوبات ثالث مره تنخرط+صرة زيت المكينه صعب توزنها+الخ الخ

هذا الهايلكس مثال الجودة اليابانيه

المدرعه(الجمس)
وين ما تبي راحه تكييف قوة كل شي ماشاء الله عيني عليه باارده
ماشي الى اليوم 25 الف فقط مشكله واحده بسببي حساس المروحه خرب بسبب انني ضغطت مفتاح التشغيل و الاطفاء بالخطاء ورا بعض بسررعه والتمس و صلحته بـ42 ريال لا غير(ماشاء الله)

و كل السيارتين استخدام واحد (بل الجمس يستعمل مع اكثر من شخص)

والله على ما اقول شهيد

مراااحب للجميع

الموضووع مع احترااامي مافيه شي ترد عليه اصلاً
بس الي لاحظته احد الردوود يقووول وش يخليني أشتري كاابريس وأنهاا ماتفووز بجوائز السلامه
شكله من جمبهاا ولا يقرأ مجلات
طيب : ودي تشووف جاائزة افضل سياره في السلامه للعام 2007 في مجلة سعودي اوتو
المناافسه كانت بين فولفو G80 , لكزس ES 350 , كابرس رويال 2007
والي فاااز هو الكااابريس , وتقووول ماله شعبيه الا بالسعوديه ؟؟؟؟؟؟؟ ليش ماشفت الكااابرس بأوروبا ؟؟ ولا شفته بشرق اسيااا في الصين واليابان ؟ ولا شفته في الشرق الأوسط , ولا شفته بأسترالياا ؟؟؟؟؟؟؟؟ أتمنى ترااااجع نفسك وتقارن الكااابريس مع السيااارت الي أهل أنها تتقارن معه موووب سيااارت أسااطيل ال... والا أقوول خلني سااكت



النقطه الثاانيه : لاحظت ان احد الأعضااء وكأنه حاااصر السيارات الأمريكيه بالفوورد فكتوريا
وكان الكاابريس طااالع برااا ؟؟؟ أقووول له وباختصااار جنرال موتوز رااافعه رااس الامريكي كله بسيارات الكاابريس والكل شااف مهزلة اللكزس ال460 مع الكابرس الSS 2007 كيف سواااا فيه بالخط , وانت جااي تقوول ياباني؟؟؟؟؟؟؟

على العموم السيارات الامريكيه GM بجميع سياراتها , ودوج كرايسلر وفورد تعتبر افضل من الياباني هذاا رأيي

اشكركم جميعكم على ارائكم النيرة وهذا اندل دل على ثقافتكم العالية تقبلو تحياتي

^^^^^^^^^^^^^^^^^^^^^^^^^^^^^
صدقت والله حافظ على سيارتك تحافظ على جيبك