محتار ولكم الاختيار( أكاديا ** اكسبلورر )

انا افضل الاكاديا

شكل وفخامه ورزه وقوه

وتستاهل السعر

سيم سيم

اقسم بالله مادري وش المميز في الاكاديا حتى ياصل سعرها 160الف

اغلى من التاهو واليوكن والارمادا الفل

لا شكل زين ولا تقنيات تفتح النفس والجوده حدث ولا حرج

انا اقول دامك بتدفع هالمبلغ في هالسياره من ضمن خياراتك ففيه خيارات افضل وبكثير

ارمادا تاهو اكسبدشن يوكن على الاقل اشهر واوسع واطلق بكثير وعند البيع الاكيد انها افضل من الاكاديا

موفق ان شاء الله

الأكاديا وحش ماعليها كلام وشكل عصري وفخم السياره بصارحه هبيه بس احس سعرها غالي
الفود ناعمه في الشكل والمشي ومريحه وخدومه والفود قطع غياره انسب حسب علمي واذا انت مصمم لازم تفكر في كل شي حتى قطع الغيار والصيانه وحتى السعر يعني الأكاديا يصل سعرها الي 165 الف الأكسبلور الفل اوبشن تقريبا 114 الف او اقل ماني مذكر لانه رحت قبل رمضان التوكيلات مع اعجابي بالأكاديا ارشح الك الأكسبلور والله يوفق الجيمع

بما انك محصور بين الاثنين
أنصحك بالاكسبلور
لانه فيه دبل ثقيل و دفع خلفي وشكل حلو وقطع غيار متوفرة

شوف اخوي من ناحية الوكالات كلهم مثل بعض تقريبا

بالنسبه للاكسبلورر والله ما قد شفت مثل شاصيه الي فيها و التدعيم بصراحه شي فعلا متعوب فيه و تعرف فلوسك ماراحت هوا ومن الامثله عندي رنجر موديل 98 والله انه راح خطوط الين الشرقيه وطلعت الهاف مون وماشاء الله عليه ولا اشتكى وغير كذا انواع الارصفه و القلق هذا وحده اثنين مره لقينا سواق غشيم مطيح اكسبلورر بحفرية كهربا في الشارع والله الي يشوفه يقول روح ماشاء الله نسمنا وحطينا الخشب وطلعناه والله العظيم انه يمشي مافيه ولا شي لا دفرنس راح و لا شاص انلوح و لا قير ضرب ( مع ملاحظت ان السواق حرق الكفر من كثر الدعس ) وغيرخ في ورشة واحد معرفه جانا اكسبلورر مصفوق صفقه جامده وشوي مقدمة الشاص من بدايته انلوح و صاحبه يحكينا الحادث تقول مستحيل هي نفس السياره و الشاص كان صعب في التعديل

اما الاكاديا بصراحه جميله ومواصفاتها حلوه مقارنتا بالسعر بس انا ما اقدر اعطيك اسرار لكن ممكن اقولك ان ممكن تكون تكنولوجيا مشتركه بين مازدا و شفر اذا ماكان دايو و الاغلب مازدا ( يتضح من وضع المحرك ومواصفات اخرى ) وبعدين فيه شغله استغربتها وهي ان السنه هذي اول سنه تنزيلها في امريكا ( مثل العاده بعد ماجربوها فينا )

لو مكانك اخذت الفورد والخيار لك

اذا كانك ما اشتريت الى الان

انا اقول الاكسبلورر

اولا : تصلح للمدينه والبر .
ثانيا : قطع الغيار ارخص .
ثالثا: السعر اقل وبمراحل .
رابعا : الاكسبلورر جربت من زمان اما الاكاديا سيارة جديده لم تجرب كثير.
خامسا : الان جي ام تعتبر للاسف صناعه رديئه وليست كما كانت .
سادسا : اسوء الوكالات هم وكلاء جي ام .

وهذا رائ ممكن تاخذ به او لا

اشكر الجميع على اطروحاتهم الرائعة .
مع العلم اني بدأت اميل نوعاً ما الى الاكسبلورررررررررررر .:cool:

خارج الموضوع، مع الاعتذار لصاحبه وفقه الله..

ألاحظ ارتفاع أسعار سيارات جي إم بشكل غير معقول! خلافا لفورد التي تتمتع بأسعار مناسبة جدا مقابل المواصفات.

وهذا الفرق الشاسع ألاحظه حتى على السيارات التي تُباع في أمريكا. جي إم ترفع أسعارها كثيرا على الرغم من وجود منافسين أقوياء، خصوصاً السيارات اليابانية.

هل هناك من تفسير منطقي؟

عبدالله،،،

بالفعل انا أشوف تصميم المازدا وسعره وجودته واعتماديته ويمكن حتى وكيله أفضل من الأكاديا

الأكاديا تتفوق بالمواصفات لكن مواصفات الأكاديا تكلف مبلغ وقدره

ومن وجهة نظري لو انك ودك بمواصفات وبتاخذ الفل كامل ...

بأمكانك تزود مبلغ بسيط جداً وتاخذ انفنتي FX ;)

السلام عليكم

الاخ هاف مون . . . تحيه طيبه وبعد

السيارتين من فئتين مختلفتين

الاكاديا .. من فئة كروس اوفر .. اي مخصصه للمدن ولا يعتمد عليها في البر ومثل ماقال احد الاخوان سابقاً ان الدفع الرباعي منها ما يجي الا في الفل كامل اما الستاندرد دفع امامي فقط وسعره يبدأ من 110 الاف ريال تقريباً ..

الاكسبلورر .. من فئة SUV .. اي يعتمد عليها في البر لانها دفع رباعي قوي بجميع فئاته حتى الاستاندرد وسعرها يبدأ من 97 الف ريال تقريباً

شف وش احتياجك وايضاً الحجم المناسب ...
فاذا كنت تبي كروس اوفر شف المازدا CX9 افضل من الاكاديا من وجهة نظري ونظر العديد ايضاَ
واذا كنت تبي احجام اصغر عندك المورانو من نيسان وعندك الراف فور من تويوتا وعندك الاوتلاندر من ميتسوبيشي ....

والله الموفق وتقبل مروري

الاكادددددددددديا وانت مغمض

أخوي / هاف مون

كنت في وكلة التوكيلات العالمية قبل أسبوعين وسألت عن سعر الاكاديا توجد ثلاث فئات أقل فئه وهي الاستناندر بدون دفع رباعي بسعر 114 ألف ريال هي شكلها حلو احلى من الاكسبلورر لاكن سعرها باعتقادي مرتفع خاصه أنها بدون دفع رباعي وسعر قطع الغيار نار أما فئه الوسط على ماأعتقد كانت بسعر 140 الف ريال

الاكسبلورر

ماأعرفه أن الاقبال عيها وبالذات موديل 2008م مرتفع نظراً لسعرها وهو يبدا 96000 ريال والفل 126 الف ريال وقطع الغيار بسعر جيد والكثير يمدحها وهي دفع رباعي ثقيل . هذا رأيي والخيار لك .

تقبل تحياتي

أنا ارى

الاكسبلورر افضل لك الاكاديا السعر مايستاهلة ومبالغ فيه
خذلك الفورد واريح لك ويصلح لجميع الاشياء من وادي وجبال وخطوط وبر
اما الاكاديا فقط للخطوط السريعة
وبالتوفيق

الاكسبلورر ولا تشاور سياره مجربه وقويه وحلوه وسعرها رخيص ووكالة حلوه

الاكسبلورر خيار افضل من الاكاديا بنظري

+


الله يهديكم ما أقول إلا..



|1|




أخيراً هذا ^ ^ رأئي الشخصي

|3|

الأكاديا كـشـكل لا يعلى عليه لكن سعر مبالغ فـيـه جدا