تقرير رحلة لطعوس الخراره ( كوماندر و برادو و إف جي )

السلام عليكم ورحمة الله وبركاته..



اليوم طلعت في رحلة اوف رود مع اثنين اجانب الى طعوس الخراره للتطعيس او مثل مايسمى (Sand Driving). كنا بثلاث سيارات فقط (الضبان قليله هذي الايام :))


برادو 6 سلندر (ديفيد من جنوب افريقيا , بس ابيض) – قائد الرحلة
اف جي ( مخائيل , من هولندا )
و انا بالكوماندر.



موعد اللقاء كان الساعة 8 صباحا عند نقطة التفتيش على طريق مكة (مو مثل اخويانا السعوديين ,,, الساعه 1 و2 الضهر )


وصلت مكان اللقاء في الوقت المحدد وحصلت راعي الإف جي منتظر, ولسه اول ما سلمت عليه جا ديفيد راعي البرادو, مباشرة ناقشنا الخريطة والمكان اللي نبي نروحه ومشينا ,,, (الوقفه كلها ما عدت 5 دقائق !!) .. مشينا الين المحطة اللي عند مدخل الخرارة , عبينا بنزين واشترينا اللي نحتاج من البقالة ,,,
خوينا مخائيل راعي الاف جي متعلم شوي عربي ,, فبداء يسأل راعي البقالة عن الشاي ,, وطبعاً الافغاني بربرله شوي من بربرتهم ,,, وخوينا الهولندي يهز راسه ... بعدها سألته فهمت شي ,,, قال لا !!! .. هههههه على باله بيفهم الافغاني بعد ما يتعلم عربي بشوي كورسات ,,,, هاذي يبلها درجة ماجستير .. مو كورسات.



بعدها مشينا الين دخلنا للطعوس و نسمنا الكفرات وتوكلنا ,,,, (اقصد اتوكلت :)) ...
ما شاء الله ديفيد راعي البرادو خبرة وفله ,, وبدء بمسلسل المطامر على الطعوس ,,,, ودب , علق على اول طعس. ,,, لسه مادخل في المود ,, المهم سحبته ومشينا ... وبعد هذي التعليقة ماشاء الله بدع في كل مكان وكان احسن واحد فينا "تطعيساً".

وهذي صور اول نطه له..








,,
وبعدها جاك راعي الإف جي ,,,, واههه من راعي الإف جي ... كسرلي القير (سحبته 4 او 5 مرات و البرادو سحبو مره)


المهم جا يطلع نفس الطعس ... ,هيا هيا هيا ,,,, ودب ,, اتعلق ...




سحبته ورجع عشان يحاول مره ثانيه ,,, ودب اتعلق مره ثانية على نفس الطعس ,,, وسحبته للمره الثانية . ورجع يحاول المره الثالثة ,,,,,, والحمد لله عدى وطمر الطعس ..


وجا دوري ,,, وعديت بسلام .. واخذو لي لقطه جدا ممتازه من تحت وقت ما انط الطعس (ما شاء الله) ..





يتبع ....