السلام عليكم ورحمة الله وبركاته ،،
يسعد اوقاااتكم حبااايبنا بالخير والعافيه ،، وزي ماقلت اول مالنا غنى عنكم ،،
المشكله 1 ،،
عندي لمبة الإيرباق تولع من فترة ،، ومشكلتها تولع وتطفأ ،، أحيان أطفي السيارة وارجع اشغلها تختفي اللمبة ،، وتقعد فترة ماترجع قرابة شهر ،،وهاالأيام أكثر الاوقات تكون مولعه الظاهر انها تشتاق لي :D
المشكله 2
عندي دعسة الفرامل مره غريبه ،، أحيان يهديها الله وتضبط معي وأحيان تكون الدعسة طويلة واذا كنت مسرع وأبي أهدي عند إشارة أزيد ضغط رجلي على الدعسة (تكرمون جميع حبايبي) ،، قلت يمكن من الفحمات منتهية ،، بس إني مغيرها قبل كم شهر ومن الوكالة والله وفورد الاصلية مو موتر كرافت ،، المهم غيرتها وقعدت يومين بعد تغيرها ونسمت على اللياب الفرامل ،، وضبط الوضع يومين ،، ورجع كما كنت ،، مره تضبط الدعسة وتكون حلوه معاااي ،، ومره زي ماقلت لكم تكون طويله شوي ،، ولازم اضغط بزيادة على الدعسة ،، ولما اضغط زيادة يطلع معي صوت في نفس الدعسة ،،
وللمعلومية حبااايبي ،، أرح فحصت اكثر من مرة ويقولون لي زين الفرامل مافيها شي مايصير وربي مخي انفرم من المشكله هذي ،،
سؤااالي ،، وش رايكم هل أفضي كامل زيت الفرامل وأعبيه من جديد ،، ؟؟ لأن فيه موضوع قريته لأحد الأخوان الله يجزاه خير ،، وكان من ضمن الأشياء اللي قريتها تغير زيت الفرامل كامل ؟؟:rolleyes:
أو هل إحتمال يكون عندي مشكله في الباكم ،، ؟؟ :rolleyes:
مع العلم اني ماعندي نظام مانع الإنزلاق ،،!!
المشكله 3
عندي قزاز السواق إذا جيت أرفع القزاز ألاحظ إن القزاز تتقدم شوي من مسارها ،، يعني مثلا قبل ما تتقفل للنهاية لازم اسحب القزاز بيدي حتى ترجع لمكانها الطبيعي ،، إللي اعرفه إنه فتحة دائرية صغيرة في أعلى القزاز تدخل فيها مشكبية وتمسك بالجلد إحتمال هي تكون خربانه ،، !!
سؤااالي ،، هل محلات القزاز يصلحوونها وبيعرفون وش علتها ،، ؟؟
المشكله 4
<<<<==== ياكثر مشاكلك :)
بس قلت مره وحده اقولكم عليها عشان استفيد مره وحده واصلحها دفعه وحده ،، وكله من خلال آراءكم ومشوورتكم ،، الله لا يحرمنا منكم ،،
المشكله الرابعه ،، عندي مرتبة السواق نازلة من الجنب إللي عند الباب ودايم أشوف الشي هذا في أكثر الفوردات ،، مع إني مو دب عشان نقول ممكن تتهالك السفنجه ،، وأحيان لما أتحرك على المرتبة أسمع صوت حديد المرتبة إحتمال يكون بعض السست اللي بالمرتبة ،، وللمعلومية فيه محلات عندنا في الغرابي مختصين بالتنجيد ،، وضمن الأشياء اللي يصلحوونها الشي هذا ،، أتوقع انهم يحشوونها بسفنج زيادة ،،
سؤاااالي ،، هل هذا حل في نظركم ،، أو إني أغير المرتبة من التشليح ؟ :rolleyes:
المشكله 5 :D
أمزح معكم مافي مشكله خامسة ولا شي :)
لا تنسووونا من توجيهاتكم ونصاايحكم حلوووين ،، وانا بإنتظاركم ،،
أخوكم / أبو أحمد2 |3|
