يلي عندكم سوناتا ممكن من وقتكم شوي..

abodi22 @user_88964 · 27-06-2008

السلام عليكم

كيف حالكم انشالله الجمييع بخير

عندي مشكله بسيارت صاحبي الي هي سوناتا 2005

والجير توماتيك..

لما توصل السرعه 160 تنزل نمره يزيد ضغط العدااااد وبعدين يرجع

هل فيها مشكله هذي وشسبب الي يخليه يصير كذا

والسؤال الثاني ...

ايش الأفضل فيها جير توماااتك ولا عادي في السوناتا

السؤال الثاالث والأخير

لما يكون الجير تومااتيك يكون عادي توماتيك

لما استخدم العادي هل يضر الجيير بشيء او كثرت استخدامه تسبب مشكله للجير

اتمنى تجاوبوني على اسئلتي واكوون شاكر لكم

مع تحياتي للجميع

عبود

امهات خمس @user_114170 · 09-12-2008

وينك ياصاحب الموضوع ماعلمتنا وش صار معك خلنا نستفيد بارك الله فيك

امهات خمس @user_114170 · 01-12-2008

يا اخوان عندي نفس المشكلة والسيارة النترا 1.6 توماتيك وانا راجع من خط الشرقية امشي 160 والدعسه ثابته فجاءه رجع بنمره وزاد الضغط ثمن رجع على طول!!!!!! وكملت المشي شوي وانا امشي 180 او اقل بشوي القير فصل (نزل الضغط مره ثمن رجع زي ماكان وهذا بسرعة جداً) والسالفة توها صايره والحين وانا ماشي يكون الظغط مثلا على 2 وانا مثبت الدعسه فجاءه يزود الضغط يصير 2.2 ثنين ونص ثمن يرجع زي ما كان مع العلم ان مغير الزيت والفلتر وماشيه عليه الآن تقريبا 45الف فارجوا المساعدة ياخوان ولكم دعوه بضهر الغيب وشدني كلامك يا اخ Vector ماعلمتنا وش صار معك هل له علاقة بزيت القير وما علاقة سير التايمن هل له دخل بالمشكلة وشكرا

.. نسيم الليل .. @user_41102 · 28-06-2008

موضوع الدعسه قد صارت لي في خط الشرقية

بس كان فيه هووووا قوي يلعب بالسياره و كان فيه طلعه خفيفه

يعني الوضع كان طبيعي .. السياره كانت تبي عزم

صارت لي مره ثانيه و عقبها ماعاد صارت

مااشفت انها مسألة كبيره ماوديتها الوكاله

و التماتيك رااااااااااااااحه

حتى لو هي 4 سلندر

طع شوري تماتيك , العاادي خلاص راحت ايامه

المدينة الحين زحمه و كل ساعه و الثانيه العالم قدامك مهدين السرعه و قلق الي معه عادي

vector @user_39432 · 28-06-2008

ذكرتني بالسوناتا حقتي موديل 2004

كنت لما أسافر عليها وأثبت السرعه على 180

طول الخط والسيارة ترد نمره وبعدين تريح

مع الهوا والمرتفعات والمنخفضات:a120(30):

وبالأخير صرت إذا ثبتت السرعه أحول القير على العادي

ووقتها ماكنت أعرف ان فيه زيت قير يتغير أصلا
ولا ان سير التايمن يتغير كل 65 الف

لكن يشهد الله عقب ماسجلت بالمنتدى اني عرفت حاجات كثير ماكنت ألقي لها بال بالسيارة

عالعموم

موترك كم ماشي؟؟

ومتى كانت أخر صيانه سويتها؟؟

ينقل لقسم الطلبات والإستفسارات

SONATA 2008 @user_92763 Banned · 28-06-2008

غير فلتر وزيت القير وان شاء الله يضبط

* ابو باسل * @user_93964 RiYaDh 4X4 GrOuP · 27-06-2008

&&&&&&&&&&&&&&&

افحص الزيت اول اذا كان قياسه سليم ولزوجته طبيعيه معناها المشكله وجود خلل واذا كان الضمان الى الان ما انتهاء على الوكاله على طول لان القير مايستمر في النمره ويرجع للنمره السابقه غير في حالة التهدئه او الرفع عن الدواسه والعوده مره اخرى وغير كذا اكيد في خلل في القير .

بس اذا كان ضمانك انتهاء انصحك تزور خبراء القير الاتوماتيك اوتوستار او شلنجر تراهم اخبر في القير من شغل الوكاله .

عــ,,,ــووول @user_46691 · 27-06-2008

اذا تقول دعستك ثابته ياغالي

ولما توصل للـ 160 تغير نمره اجل فيها خلل ماهي طبيعيه روح للوكاله وخلهم يصلحونها على الضمان

اذا هي على الضمان لانك اذا وصللت للـ 160 السياره تكون على آخر نمره يعني مايحتاج ترجع نمره الا اذا دبلت الدعسه وانت تقول دعستك ثابته

ودها الوكاله ياعسل

اخووك

عسوول

نـاصر @user_80714 · 27-06-2008

هلا اخوي ,,

اذا صااارت يرد على دعسه وحده يعني دعستها من 40كيلو ويوم وصلت 160 ترد نمرره اقوى غريبه طيب اذا قبل لاترد نمررره وش يصير الضغط عليه !!!

والقير اوتو احسن لك وارررررريح لك سواء كان 4 او 6 سلندر

ومن ناحيه الضرر للقير اتوقع ايه يضر القير كثررره استعماله

وعن نفسي ماحطه الاللمقاومات<<<<وش عنده الكابرس

تقبل مروري

أبو عبدالعزيز @user_6640 · 27-06-2008

صباح الخير.........

إحتمال يكون عنك القير وصل على أقصى إحتمال له
يعني يكون عداد [COLOR=darkred]RPM قارب الوصول للمنطقة الحمراء..........[/COLOR]

وبخصوص عن الأفضل فإذا أنت راعي مقاومات كثير جدا
فخذ القير العادي
أما إذا إنت من رواعي المقاومات بشكل خفيف
فالقير التبترونيك كفيل بالمهمه
وأنا أنصحك بالتبترونيك لأنه وقت الراحه مريح ووقت الشده يشد معاك

تحياتي لكم
أخوكم أبو عبدالعزيز

عاشق السوسو @user_44354 · 27-06-2008

أي دفعة ؟

كم ماشية ؟

,

بإنتظارك :)

abodi22 @user_88964 صاحب الموضوع · 27-06-2008

عزيزي عسول

حتى لو كانت الدعسه ثابته تغير نمره وهذا الشيء الي مخليني استغرب

غــير كذااا احب اشكرك على الافاااده اخووي

ولو قدرت تفيدني بلمزييد اكون ممنون لك ولك كل ودي

ااخوك عبوود

عــ,,,ــووول @user_46691 · 27-06-2008

وعليكم السلام

هلا اخوي

انا بفيدك باللي اقدر عليه

اانا معاي ازيرا وان شاء الله يفيدونك اصحاب السوناتا

اول شي موضوع الـ 160 وترجيعة النمره هذي هل تكون دعسته ثابته ولا لا ؟

ثاني شي الافضل للسوناتا

انا اعرفه الافضل لجميع سيارات الـ 4 سلندر العادي لان التوماتيك يسخن الجربكوس ومو كويس للسياره هذا بالنسبه للاربعه سلندر اما اذا كانت 6 سلندر مافيه مشاكل .

موضوع العادي والتوماتيك

هو يستخدم اكثر شي للمرتفعات وتغيير النمر في ظروف صعبه تكون عليها السياره

او انك تبي السياره تاخذ راحتها يعني تشبع المكينه مثل المطارحات مثلا

لانها لما تكون على وضع التوماتيك السياره تكون على الخامس وانت ماشي 60 او 80

مرتاحه لأخر حد

وهذا اللي اقدر افيدك فيه ياغالي

وانتظر الاخوان وبيفيدونك ان شاء الله

اخوك

عسووول