السلام عليكم
انا بعد معكم بس ما ادري ايش ممكن اقدم لكم اكثر من خبربتي المتواضعة العملية مع مازدا
اول سيارة اشتريتها في حياتي كانت مازدا 323 موديل 97 و كانت مستخدمة سيارة اجار و ماشية 130 الف كيلو اشتريتها عام 98. والله يا شباب السيارة كانت في حالة نظيفة مره ما تقول سيارة اجار و على كلام المكتب اللي باعني انهم ما كانو يأجرونها بس يستخدمونها الموظفين... اخذتها 17 و نص الف و ما شاء الله كرفت امها كرف و شغل و مشاوير الرياض كذا مرة و دبي مره! بس اغير الزيت و بنزين! حتى ماء رديتر ما عبيتها المهم السيارة ممتازة الا في شي واحد كان دركسونها شوي ثقيل ما كان فيه باور. المهم بعت السيارة 2001 و اشتراها واحد فلبيني 12 الف و اشوفه سعر مره مناسب.
المهم اشتريت بعدها لومينا و صراحة ما احب الامريكي واجد و لي ملاحظات عليها.
الان عندي CX-9 فل كامل اشتريتها من وكيل مازدا الخبر و في البداية تضايقت من اسلوب الباعة في الوكالة بس يعني نوعاً ما غيرو من اسلوبهم شوي و الى الان ممتازة السيارة الحمد لله و اتمنى ما اغير نظرتي عن مازدا كجودة و قوة و رساوة
سافرت عليها الرياض ممتازة و كملت عليها الى ابها و ما شاء الله السيارة طيبة جداً
الشي الوحيد اللي مضايقني في الجيب المازدا صوت الجرس بعد 120 يا اخي مزعج و يجيب لك الصداع.
غير كذا الحمد لله اشوف السيارة من جد تسوى على سعرها المناسب جداً و اعذروني على الاطالة
