رابطة ملاك &عشاق مازدا (صور،أخبار،مشاكل،كل شي عنها.....)

معليش توني اقرا ردك ..

ايه نعم اخوي .. اكتشت ان المشكله اني مرات اوقفها بالشمس من 9 الصبح الى 3 العصر :)

يعني مسيكينه تحترق حرق ..

اما لو وقفتها بالقراج ولله الحمد .. المكيف جيد ( ما وصل لمرحلة الممتااااز )
لكنه جيد وراضي فيه تمام الرضا ..

تحياتي لك الاخوان اللي شاركوا وساعدوا ..

ويا قلبي عليكم :)


تحياتي .

طيب شباب ...

انا صراحة عندي تساؤل من زمااااااااااااااااان ..
الحين الحاج حسين علي رضا (الوكيل) محتكر مازدا .
ولا فيه وكيل غيره عندنا .
هل تتوقعون . لو فتح وكيل غيره ..

ان الاسعار والقطع والمعاملة كلها تتغير للاحسن ؟؟


انا هذي وجهة نظري صراحة .. وانا موقن بها 300% .
لانه الان مأمن على نفسه .. لا منافس ولا غريم .

وفالها الرجال .. لكن من يجي منافس له . ويدخل السوق بقوة .

ويخفض بالاسعار وباسعار القطع ..
ذيك الساعه ابو علي بينتبه لنفسه ويسوي دعايات واعلانات وتخفيضات :)

انتظر ردودكم وتعليقاتكم ..


تحياتي ..

طيب يمكن مو من الفريون !!!!!!

السيارة بشكل عام إقتصادية في البنزين
فأكيد أيضاً إقتصادية في التبريد ....... هذا الي ناقص في سيارات مازدا

على العموم لو كنتم ما تشتكون في المساء ولا في أيام البرد فأكيد المشكلة وقتية فقط
عند الظهيرة بسبب عدم وجود كراج أو مظلة وخاصة سكان الرياض ما يحتاج حرارة في الصيف تسلق البيض وهو بقشرة بيضة عاد كيف السيارة الي بلون أبيض ؟؟؟؟

من يوم ما الوالد اشترى سيارة كامري موديل 2000 ما غيرنا الفيريون ولا مرة ولا بعد إشتكينا منه قولوا ما ساء الله ,,,, أنا من سكان جدة فأكيد الحرارة مو لهذيك الدرجة وسيارتنا لونها أخضر غامق .

على العموم المشكلة باين عليها وقتية ومحصورة في منطقة تكثر فيها الحرارة بشكل فضيع

للمحافظة على التبريد حاولوا أن تجنبوا السيارة في مكان يوجد ظل وتنحل المشكلة إن شاء الله

عاد المكيف الالكتروني ما اعرف له..
لكن ممكن يكون نقص فريون..
طلعنا فورد اكسكيرجن من الوكالة عام 2004 بوم كنا في ابها والمنطقة كانت باردة ما تحتاج مكيف..ويوم نقلنا المدينة واحتجنا المكيف لقيناه ضعيف..وفحصنا الغار لقيناه ناقص..عبينا والمكيف عال العال..

^^^^^^^^
انتا تكون حاطت درجه الحراره على 18 وما يبرد غريب............. ما اعتقد يكون غاز
وديها للوكيل خلي يفحصها يمكن يكون فيها شي
وتاكد انك مو مسوي المكيف على الوضع الاقتصادي يشتغل بنصف كفائته

اخواني ..

بالنسبة للون : فهو فضي .. يعني ما يجذب الشمس مثل الاسود والالوان الغامقه غيره ..

اما الفلتر .. غيرته قبل شهرين تقريبا .. ومشيت عليه 7 الاف بس ..

يعني ما اتوقع العيب منه ...

يمكن يكون الفريون ناقص ؟؟؟

مع العلم انه صارلها معي سنه ونص تقريبا .. وماشي عليها 48 الف ..

بالليل المكيف ما عليه .. ثلاااجه ما شا الله ..

بالنسبة للمكيف..
تذكروا شي..
لون السيارة له اكبر الأثر في تبريد المكيف..كلما كان اغمق كلما كان التبريد أقل..هذا في عز الظهرية..
والأمر ينطبق على كل السيارات..
لكن ما يعيب مكيف المازدا تأخر تبريده في الظهر فقط لمدة تصل من عشر دقايق الى ربع ساعة..على حسب طول وقفتها في الشمس..اما لما تكون في الكراج فعلى طول يبرد..
لكن اذا مسكتها الدايري حتى لو مالك دقيقتين فعلى طول يبرد تبريد محترم..
وللمعلومية..أحد معارفي معاه مازدا6 يقول فيه امكانية توليف كمبروسر كراسيدا على المازدا ويعطي تبريد ماهو صاحي..
بالنسبة لي ما تأكدت من السالفة هذي وما ادري عن صحتها..
تحياتي

اعتقد انتك لازم تغير فلتر المكيف انا حصلت معي في المازدا 6 وديدها الوكاله قلي لازم تغير فلتر المكيف وانشاء الله يكون الموضوع فقط فلتر واعتقد ما يكلف يمكن بحدود 45 ريال مثل الامارات وانشاء الله خير
امما بخصوص المكيف فمشكله المازدا ما يبرد الى بعد 10 دقايق اذا كانت واقفه بالشمس فتره طويله وانا عندي صديقين عندهم مازدا 3 وما يشكون من مكيفها واحد يقول انه مكيفها بارد جدا والثاني يقول جيد

السلام عليكم ..

شباب الي عنده زووم 3 ارجو انه يرد على سؤالي ..

كيف المكيف معك هالكم يوم ؟؟ (( اقصد اليوم وامس وقبله ؟؟ ))
لاني اول كنت احطه على 4 مراوح ويكفيني ..
اما الحين .. احطها 7 (( على آخر شي )) ويالللللله انه يوفي ..

(( هالكلام بالظهر ... وبشمس الرياض طبعا :) ))
فارجو من مالكي مازدا 3 الاجابه على تساؤلي ..

وبالمره ..

قولولي رايكم بمكيفها صراااحه وبدون تحيز .

انا من ناحيتي اشوفه انه عادي ..
يعني لاهو بذيك البرووووده .. ولا هو حار

مكيف زووم 6 افضل منه بمراحل ..
وشكرا ...
تحيااااااتي ..

نادر95.....أبو ميس..
حياكم الله في الرابطة..
باذن الله تستفيدون وتفيدون..
ننتظر تفاعلكم..

مشكووووووووورررررررر يالوقدان

السلام عليكم
أعتبروني عضو جديد في هذه الرابطة
أنا شريت CX9 الجديدة.... و بصراحة أبدااااااااااااااااااااع:a120(37):

اهلن بيك معنا في الرابطه

االله يعطيكم ألف عافية أنا بحب سيارات المازدة و كنت آمل اني شوف حدة يبادلني هذا الشعور و أتمنى استمرار التقدم لهذا الموقع و شكرا

احسن شي سواه انه باع كيا ..

كانت ناكبتهم .. ما توفر قطع بالوقت المطلوب .. وتحرجهم مع الزباين ..

خطوة ناجحه .

تحياتي ...

من خلال تعاملي مع الوكيل..أجد بانه احسن من ممتاز..
قطع متوفرة..صيانة ممتازة..تعامل راقي..مواعيدهم حلوة وما يخلفون فيها..
وحتى الآن لم اواجه اي مشكلة معهم..

بعد ما تغيرت الإدارة الحاج حسين علي رضا في عام 2006

وشركة ماشي صح في تعاملها مع الجمهور والدليل إنه باع الوكالة كيا وركز على المازدا والميركوري والأن عنده خدمة جديدة وهي إنك تقدر تشتكي من المشاكل الي تواجها كسوء الخدمة عن طريق الإتصال بالشركة المقر الرئيسي بجدة ــ أدخل الموقع وخذ الرقم ــ

memoo5000
مشكلتنا في مثل هذي التصويتات ان العضو يصوت بالاعتماد على تعصبه لماركة معينة او امتلاكه لها دون النظر بعين صادقة تعتمد على التجربة وتعطي الرأي بكل حيادية وموضوعية بعيدا عن التعصب ..
لو نظرنا للأفضلية من ناحية الشكل والرساوة والخدمة والمواصفات لوجدنا انها تصب في صالح المازدا..
لكن أين الرأي الحصيف المنصف..

mazda62005
بالفعل..
لكن الشي اللي يحيرني ان مركزها في منظمة جي دي باور طايح مرة ما ادري ليش..
مازدا كل يوم وهي فوق..
swatchsa
الف مبروك على السيارة..
بالنسبة لصوت الجرس هذي شكوى كل مالكين مازدا..وانا منهم..
ما ادري ان كان فيه فيوز معينة او سلك معين نتخلص منه وبالتالي ينقطع الصوت..
شكلي بامر على كهربائي يشوف لنا حل معاها..
----------------------------------------
هونداي وبس..
اخر موديل من الشكل القديم كان 2007..وما نزلت 2008
كان الفل كامل منها بــ84000ريال..مكينة 2300سي سي..ومواصفات راحة وفخامة معقولة..
6 سي دي...مرتبة سواق كهربائية بـ3 ذواكر..تيبترونيك 5 نمر..مراتب جلد فخمة ..جنوط 17..فتحة وفيابر كاملة..فورميكا لماعة رياضية داخلية..وغيرها..
بس ما ادري ان كنت بتلقى شي بالوكالة..لأنه كان عليها طلب ماهو طبيعي..انا سيارتي2007 جابوها من فرع الرياض..وواحد اعرفه انتظرها شهر كامل الى ان جائت دفعة جديدة من اليابان..فالطلب كان جدا عالي عليها..
لكن بنفس السعر تقدر تطلع 2009 أفضل لك..
تشغيل بزر..مرايا تنصفط كهرب..المصابيح الأمامية زينون عالي وواطي بنفس العدسة..المصابيح الأمامية اوتو..فتح بالبصمة...جنوط18..مكينة2500 سي سي...الخ
الله يكتب لك اللي فيه الخير..