رابطة ملاك &عشاق مازدا (صور،أخبار،مشاكل،كل شي عنها.....)

هلا أخوي الوقدان .. مشكور على إجابتي السريعه ... بس أنا توني جاي من الوكالة في طريق خريص بعد ما كنت متفائل جدا ... والله تحطمت يا شباب

معقوله يا شباب مازدا 4 سلندر ( زوم 6 ) قيمة الفل 92000 ... يا شباب مواصفاتها عاليه جدا وحلوة بس السعر مره مبالغ فيه ...

يعني رحت الوكالة حق تويوتا وسألت عن الكامري SE طلعت بـ 88 ألف ...


معقوله المازدا زوم 6 أغلى من الكامري SE .. أنا ما أستحقر السيارة بس ياشباب معقوله في ناس تسأل عن سبب عدم إنتشار المازدا ومنافستها السوق السعودية وسعرها بالشكل هذا ؟

الصراحة مره متحطم مرررررررررررررررررررره كان نفسي فيها والله


تنصحوني على شركة معينه للأقساط ؟

ومتى تتوقعون تنزل أسعارها ؟ وعروضها ؟

بالنسبة للهاتشباك..
أعتقد انها تجي فل اوبشن..ما اعلم صراحة ان كانت تتوفر استاندر كما في الجيل القديم..
قيمتها فل اوبشين اول نزولها بــ92000ريال..
مواصفاتها(مكينة 2500-تشغيل بزر-فتح ببصمة-مرايات تنصفط كهرب-انوار امامية اوتو-زينون في العدسة للعالي والواطي-جنوط18-طبلون بالوان رائعة وراقية-مدخل اي بود...)
بالنسبة للأقساط..
انا قيمة سيارتي كاش 63000ريال..وحسبوها لي اقساط بــ79000ريال..ولحقت عرض عليها اول اربع اقساط تدفعها الشركة..وارتحت من الأقساط اربعة شهور..فأحيانا تنزل عليها عروض حلوة..
طبعا المتوفر في السوق السعودي مكينتين..
2000سي سي بقوة 147 حصان..
2500سي سي بقوة 175حصان(مثل محرك التيما اربعة سلندر)
يتوفر منها ستة سلندر في الأسواق الخارجية..وهناك اخبار ان الستة سلندر بتنزل السعودية لكن ما ادري متى..
الأربعة سلندر ياباني100%
الستة سلندر امريكي..
تحياتي..

شباب عندي استفسار

وإن كان هنالك امر لابد من ذكره قبل طرح الاستفسار

أنا لم أكن أفكر بمازدا اطلاقاً لولا هذه الرابطة فعلاً .. فكانت الأختيارات متفاوته ما بين هوندا وتويوتا وهيونداي ولكن بعد كلامكم ونصائحكم بدأت اشعر برغبه كبيره بإمتلاك زوم 6

عندي إستفسارات مهمة

زوم 6 هات شباك ما هي فئاتها وأسعارها ؟

سمعت من الشباب أن نسبة الأقساط بسيطة ولا أدري من اين أخذوها ؟

زوم 6 كم سلندر ؟

وشكرا لكم

أبو لميس..
أغلب الشكاوي من تعليق الكمبيوتر ونظام سحب الهواء للمكينة اللي يبهذل أيام المطر حيث انه يسحب ماء للمكينة..
طبعا المشكلتين هذي قريت عنها موضوع كامل في ساحة السيارات قبل فتر تصل لسنتين وزيادة يوم كانت في بداية نزولها للسوق..ما ادري ان كانوا تخلصوا من العيوب او لا..وانا اتكلم عن الجيل القديم اللي كان مصنوع في بلجيكا..الى سنة 2007..
الجيل الجديد2008 ما اعرف احد جربه..لكن شفته بالوكالة..تصميم خيالي خاصة المقدمة وداخلية فخمة ومواصفات نادرة في فئتها..وعلى حسب مندوب المبيعات فهي صناعة المانية..
اعطالها لحد الحين ماظهر شي لندرة مستخدمينها..
بالنسبة للجنوط..
المازدا استاندر تأتي بطاسات على جنوط معدنية قياسها 16 بوصة..
بالنسبة للمونديو ..الاستاندر ايضا طاسات والأرجح انها 16 بوصة..
أنا شخصيا معجب بالمونديو كتصميم وفخامة ..لكن انصحك بالمازدا كونها اكثر شبابية ويابانية مامنها خوف ان شاء الله..
الله يكتب لك اللي فيه الخير..تحياتي

شكراً أخي الوقدان على هذا الإيضاح
ياليت تحدد الأعطال المتكررة في المونديو، وهل هي في 2008؟
وأي لون أنسب على المازدا وعلى المونديو؟
وما هو حجم الجنوط في السيارتين؟
وشكراً

حتتغير في اوخر 2009 على انها موديل 2010

سؤال : ماتغير شكل المازدا 3 2009 ؟

zoom_833
يعطيك العآفية يالغآلي على مسآعدتك لي

بالنسبة للفل كامل < تبي الصرآحة ما فكرت أني آخذ فل
لاني أبي آخذ اقل درجة تقريبا او اللي فوقهـأ
اللي مواصفاتها قير تبترونك + سي دي + قزاز كهرب < وسعرها بـ 59 ألف ريال
أتوقع انه مناسب لان السيارات اللي بحجمها اسعارها مثل كذه وقريبة من بعضها
وسعر الفل كآمل بـ 64 ألف ريآل < برضوا مناسب
تحيآتي

اولا : مبروووك يالغالي على تخرجك من الثنوي ..


ثانيا : مباركه عليك السياره مهما كانت ..
-----------------------------------------------------------
ثالثا : شوف يا حبيبي .. انت تبي واحد يقولك بصدق وصراحة وامانه .. انا معي مازدا 3 .. ما راح اكلمك على اني متحيز لهالشركه .. ولا ابي اسوي دعاية .. قسم بالله لو يجي اخوي يسأل عن السياره ذي .. والله ابقوله نفس الكلام اللي بقوله لك ..



انت سالت عن عدة نواحي ..


1_ العزم .. انا كان معي جمس 99 ... 8 سلندر طبعا .. نزلت على طوول لمازدا . تعرف وشو يعني عاااااااانييييييت .. تعبت والله تعبت .. لدرجة اني فكرت ابيعها وهي ما كملت 10 الاف كيلو .. مو بس بتحس هالاحساس بالمازدا .. حتى بجميع فئاتها .. الكورلا .. الصني .. التيدا .. السفك ..


2_ المكيف .. ما اتوقع يوصل لحد الصني .. الصني مكيفها عااالمي وفريد من نوعه (( ماشا الله ))..
وانا قولك انه ما يوصل لمستواه ..


3_ القطع المستهلكة .. لا باس بها .. لكن بالتاكيد اغلى من تويوتا .. وارخص من هوندا وميتسوبيشي .. وللعلم .. مالها قطع تجاري ..يعني ريح راسك ما راح ينلعب عليك .. وازعل لان مافيه ارخص (( لحسه :) ))


4_ الوكيل لا باس به .. انا انفقع عندي مساعد .. وتعور كرسي المكينه .. انا كنت مدري .. جيت لهم تشييك فقط . لا تغيير زيت ولا شي .. جيت الاربعا الصبح .. دقوا الخميس الصبح .. قالوا تعال استلمها غيرنا لك المساعد وكرسي المكينه كل شي جديد .. جميل جدا واستانست منهم والله .



5_سياره فخمه مقارنه بسعرها .. وراسيه .. وما تزحف بسرعه .. زي الكورلا .. وأسأل مجرب .. وهذي متاكد منها

ملفته للانظار .. شبابية جدا ..



بس اخوي .. الزين ما يكمل .. تراهي فيها عيب ..



الا وهو .. انها قاسيه شوي بالحفر ..

لانها شبه سبورت ..


بس هذا اللي عندي .. واذا تبي نصيحتي ..


دام ان الفل 65 الف وحولها يزيد الف او ينقص الف .. لا باس .


بس زياده عن الـ 67 الف مثلا .. ارى انه واااجد جدا ..

مو لان السياره ما تسوى .. بس السعر غاااالي ..


الله يحفظك ويرزقك ما تتمنى وييسر امرك ..


فمان الله يالغالي ..

وفقك الله للخير

السلام عليكم ..
شلونكم عسآكم بخير
أول شي مبروك الرآبطة
بس عجيبة الموضوع حتى الان ما تثبت مثل بقية الرآبطآت ؟
المهم
أول شي تحية لاخوي الوقدان < لاني بصرآحة استفدت منه كثير عن مآزدا
وما يهونون بقية الاعضاء
ثآنيا أنـآ مقبل على شراء سيارة جديدة < بعد ما تخرجت من الثانوي ولله الحمد
الحين معي سيارة الحمد لله ما تطلب مني لكن لازم اجيب لي شي وكالة
وانا فكر بمازدا 3 من زمان لانها خآشة مزاجي < وبقوة
وللاسف ماحد من اخواني او الوالد او اصدقائي مأيدني عليهآ ؟ < مع انه ما عندهم سبب
وحبيت أستشيركم بكم شغلة بسيطة < قبل لا اندم
أولا رأيكم بصفة عامة عن الوكيل < لانه اهم شي عندي < كيف تعامله بعد البيع
ثآنيا قطع الغيار الاستهلاكية مقآرنة بمثيلاتها غآلية ؟
ثآلثا عزم السيارة كيف < وترى رجلي حآرة مرة على الدعسة < وخصوصا اني بنتقل من مآركيز
الى مازدا يعني فرق كبير بكل شي أولهم العزم والرآحة
والتكييف كيف < أبيه مثل الصني < عليها مكيف مو صآحي الصني
هذآ كل اللي عندي < واذا فيه شي برجع لكم < لزقة
وبعدين ليه كلكم عندكم مازدا ستة < واحد على الاقل معه 3
تحـيآتي
وبعدين كلكم

أبو لميس..
مكينة مازدا استاندر 2000سي سي..
مكينة مونديو استاندر 2300سي سي..وبالتالي القوة لصالح المونديو..
المازدا رياضية ونظام تعليقها قاسي على عكس المونديو..وبالتالي المونديو اريح..
الهدوء..ما أقدر افتيك لأني ماجربت المونديو..
العملية..المازدا أكثر عملية نظرا لأنها ياباني 100%ومن خلال التجربة..أما المونديو فصناعة المانية واعطالها متزايدة ولا تقارن بالمازدا من ناحية العملية..فالكفة لصالح المازدا هنا..
الأكشخ..على حسب طبيعة البيئة اللي انت عايش فيها..

أرغب بشراء مازدا6 2009 ستاندر
ودي أحد يجيب على هذا الاستفسار قبل القرار الأخير
هل السيارة أقوى من المونديو 2009ستاندر؟
وهل هي أريح؟!
وهل هي أهدأ؟!
وهل هي أكثر عملية؟!
وهل هي اكشخ؟!
وشكراً جزيلاً

انا شايف ان المازدا 6 الجديدة الأفضل

انتظار نزول المازدا 6 سته سلندر واعتقد انه في نهايه شهر 9

بصراحه الجيب ممتاز وبما انه 6 سلندر افضله عن باقي السيارات .

انا اشوف انو المازدا 6 افضلهم مع ان جميع فئات المازدا تتميز بالجمال والجوده والسعر المناسب

عايزين نشوف راى اعضاء الرابطة
افضل سيارة مازدا فى رايهم
انا عارف ان كل الفئات مختلفة يس الفكرة افضل عربية لمازدا من حيث التصميم و الجودة و الأستهلاك و السعر

اشكر لكم تفاعلكم..
بالنسبة لاشتراك مازدا وفورد..ألاظ انها متشابهة في اشياء كثيرة اهم من مجرد قطع..
قاعدة العجلات مشتركة مابين المونديو ومازدا 6..بالاضافة الى اشتراكها بين فوكس ومازدا3..
مكينة مازدا 6 القديمة 2300عي نفسها مكينة المونديو الجديدة للأربعة سلندر..
الكثير من القطع كالأقمشة وأتوقع المكيف مشتركة بين فورد ومازدا..
يعني التأثير كبير لدرجة وصوله للقواعد والمكائن..
هذي مجرد دلالات لكم ..وانتم تعرفون الباقي..
وزيادة على كلام الأخ AJيوجد كذلك مصنع في بريطانيا لقطع مازدا وفورد ومن أهمها فلتر الزيت للمكينة..
بالنسبة لرساوة مازدا..
انا الاحظ رساوتها ممتازة جدا حتى على السرعات العالية..ربما تكون مشكلتها صوت الهواء بعد 140 يكون ملاحظ..
وخاصة اذا كانت بجنوط فالرساوة مية على مية..
بالنسبة لمقارنة قومتها بالأكورد..
انا معي 2000سي سي ..تقومت مع اكورد 2007..وكنا متساوين الى 90 تقريبا ثم راح علي بحكم مكينته..
المازدا 2300تقوم على الأكورد وبفارق نص عمود تقريبا..وشفت المقاومة بعيني..وقبل فترة انعرض مقطع في المنتدى لمطارحة بين اكورد ومازدا وراحت المازدا على الأكورد..