لأهل المرسيدس ... أبحث عن حل

الحمد لله على السلامة ويعطيك العافيه على حرصك في طرح وصولك الى الحل بارك الله فيك

فيه بعض الميكانيكية شاطرين وواثقين بنفسهم و هذا اهم شي في الميكانيكي وسموحة لاننا لانرى ولا نشتغل الى بما قد تبينه لنا من الشرح قد تفوت على الانسان بعض النقاط وليس من عاين ونظر كمن قراء عبر النت

اللهم لك الحمد كماينبغي لجلال وجهك وعظيم سلطانك
اليوم وأنا رايح للحداد لقطع الغيار علشان أشتري أسلاك بواجي ( آخر محاولة ) لقيت واحد يماني ( ورشة العمار لخدمة المرسيدس ) في الخضرية بالدمام ... المهم لقيته عند الحداد وسمعني وأنا أتجادل مع الهندي علشان يخفض لي ( تعبت من الخسائر ) حتى الهندي إذا شافني قال لي : كيف حالك مدير ... عاد أنا أهز رأسي ... المهم قال لي اليماني : عندي لك أسلاك بواجي أصلية ونظيفة ... قلت بكم قال : بـ 150 قلت : تم يالله ... المهم طلعنا برا قال لي : افتح الكبوت ... فتحته ,,, شيك على الأسلاك قال : سليمة لاتتعب نفسك هذا رأس البخاخ اللي مايخلي السيارة تمشي قلت عندك مستعمل ... قال عندي .. بكم ؟ قال بـ 500 مع التركيب ... قلت : وإذا ماصلح قال : آخذ عليك 50 ريال بس .... قلت تم .... رحنا الورشة قام فك رأس البخاخ وركب واحد ثاني قال شغل ... تعتعتعتعتعتعتعتعتعت مااشتغلت ... قال اصبر ... قام فكا لقطعة اللي جنب راس البخاخ وركب بدالها القطعة القديمة حقتي ... قال شغل .. تعتعتععععععععععععععععععععععععععععن اشتغلت ... يالله ... وين طريق الجبيل ... واستلم الموتر وادوس ويوم وصلت 160 هديت وكنت أقدر أدوس بعد خفت الأبواب والكبوت يطير والحمد لله أولا وآخرا ..
رجعنا الورشة قلت عندي طقة في القير ... رفع السيارة ودخل الفلبيني تحتها ولقي الهوز حق القير مقطوع ( ياما بهذلني ولا أحد عرف سر الطقة هذي ) المهم غيره وببببببلاشششششش وياعيني تقول كأنها توها طالعة من الوكالة وكل الشغلة هوز
المهم قلت فيه احتكاك ورا إذا طلعت طلعة او لفة قوية ... فر شوية لقي عمود التوازن مكسور اللي جهة الكفرة اليسار وبكم قال : ببببلاااااششششششششش
هذا علمي وسلامتكم والحمد لله أولا وآخراوأشكر جميع أخواني اللي حاولوا يساعدوني ولو انهم خسروني كم قرش بس برضه هم اجتهدوا ولكل مجتهد نصيب
ملحوظة : فيه سوري وباكستاني قالوا لي من الأساس ترى اللي خربان راس البخاخ لكن ركبت راسي ومااقتنعت بكلامهم .. بس مو مثل اليماني واثق من كلامه وقال متأكد 100% هم قالوا بنجرب وبرضه قال لي اليماني راس البخاخ مايتصلح لأن فيه ربلات داخل تنعدم يقول فيه ناس في البحرين متخصصين يصلحونه

الله يعطيك العافية ... أول مرة أدري ان فيه فلتر داخل الخزان السيارة معاي من 14 سنة مانزلت تانكي البنزين

عفوا ، داخل خزان البنزين على رأس الماصوره يعني يلزمك فك الخزان تقريبا ( فهمت من الميكانيكي غلط !!)

سيارتي إذا شديت عليه بالنمره بتقطع

******************

الله يكون بعونك حطيت على السياره قد قيمتها

لو شفت لك احد عنده قطع مستعمل يركب لك ويجرب وماتدفع إلا ثمن القطعه الخربانه !!!!!

*****

هذي عيب السيارات الألمانيه الميكانيكيين يتعلمون فيها ماعندك أحد إلا ماندر !!!!
****

وأتوقع لو رحت للوكاله ( صح إن قيمة الكشف سلخ ) لكن بيحددون لك المشكله وتروح تصلحها

ودي استفسر بعد عن اللمبة الخضراء اللي في الطبلون ولعت عندي ... كانت أول تولع وتطفي ومن سنتين ماولعت الحين لها يومين مولعة على طول

ياشباب تراكم زعلتوني بصراحة ... بتقولون لي ؟
فلتر بنزين وغيرناه ( 110 )
بخاخات وبواجي وغيرناها ( 600 )
شكمان ( الله المستعان بـ 900 )
هوبات بـ 240 ألماني
راس البخاخ ... رحمني الميكانيكي وعمله تحويسات بالمجان
سلك الكوير وغيرناه
بس فيه شيء مهم جدا جدا .... اليوم العصر طلعت أمكنك في السيارة جيت عند ( كف الكمبيوتر ) أول ماتخش على يمينك ( هههههههه ) يعني أول ماتفتح الكبوت تلقاه على اليمين ملزق تلزيقه في البودي وفيه ثلاث وايرات وواحد حق هواء قمت فصلت اللي فوق ( الصغير ) طفت السيارة
وبعدين قمت وفصلت اللي تحت على اليمين برضه طفت السيارة
وبعدين قمت وفصلت اللي على اليسار وبقت شغالة قلت أجرب وطلعت على خط الجبيل طبعا زحمة وأنا رايح جاي رايح جاي ... فيه دورية هناك قاعد يراقبني وأكيد يقول في نفسه وش ذا المهبول رايح جاي رايح جاي ومايدري وش السالفة .... طبعا السالفة أن السيارة صار عزمها قوي ووصلت معاي 140 مع تفتفة بسيطة ولله الحمد طبعا ماحاولت اكثر بسبب الزحمة .... الحين بعد السالفة الطويلة العريضة وش تتوقعون الخراب منه وهل لو بدلت هذا السلك بتصلح الشغلة وبعدين وش فائدة السلك هذا اللي فصلته ... يعني مركبينه عباطه ... ملحوظة رشيت أسلاك البواجي بكلوركس ( عفوا ) ايسي ديلكو لاني تعبت من الخسائر وماودي أغيرها ... على العموم ... وصلت خسايري إلى الآن حوالي 5555 ( رقم مميز ) والسيارة 86 ,,, 300 لها معاي 14 سنة تقريبا وماودي أفرط فيها

اليوم بعد المغرب إن شاء الله وأرد لك خبر وجزاك الله خيرا

روح لمحل كنداسات وخله يشيك لك الدبات الي تجي تحت الكزوزت على طول في ثنتين صغار ولو ما كان فيها شي يشيك الدبه الكبيره بالخلف او بالوسط هذا لو النظام الماني ما غيرته

بكل الاحوال قد تكون وحده منها من داخل متكسره وصار فيها تكسير

فلتر البنزين هل يختلف عن صفاية البنزين اللي تجي جنب الطرمبة ومشكور على مداخلتك

أشكر مداخلتك عزيزي ... بس كيف أعرف انها متسكرة

هل تقطع السياره بعد 120 أو مع الضغط على البنزين بقوه
يعني بعد RPM 40 مثلا
إذا كان نعم ، أرشح فلتر للبنزين يجيك فوق خزان البنزين ممكن يكون مقفل ، إسأل الميكانيكي عنه بيعرفه



عموما مشكلتك سهله جدا إن شاء الله هذه مكينه عاديه مافيها تعقيد وعندي ساره مثلك بتقطع على 130 والحل مثل ماذكرت فوق قالي عليه الميكانيكي وإلى الآن مارجعت له

شيك على نظام العادم عندك

دبات الكنداسه شيك عليها وشوف هل هي متسكره او لا

بالوقت نفسه افتح الكبوت وشوف لون الاكزوست

حدثت معي من قبل

موفق

أشكركم إخواني وإن شاء الله سأخبركم عن أية تطورات جديدة وبالنسبة لمنظم الهواء نظفته

النمرة الاولى ماتشتغل الا على الضغط المفاجئ (الدعسة كاملة) والقير الحمد الله سليم

ابوجاسم ماقصر ودبات التلوث احتمال بس للاسف غير متاكد هل موجود او لا 300

بس حاول تجرب تنظيف منظم الهواء وان شاء الله منه والديلكو شيك عليه

اذا كنت في طريق وكتمت معاك مرة و حده
هذا من الضغط الزايد و الحراة
خرب عليك دبات التلوث انكسرت ( الاسبيستوس) الي فيها لو كالنت من الموديلات الي فيها نظام التلوث تماما كما حدث لسيارتي
ان لم يكن كذلك ارجح ان تحتاج قرايندر للصمامات
هذا و الله اعلم

سيارتي فيها ثلاث تبديلات فقط وهي مرسومة على العداد ... التبديلة الأولى تحت العشرين والثانية على الستين وبعدين مااشعر بأي تبديلة نهائيا وأحس لما اوصل 130 أن السيارة تحتاج تبديلة لكن ماتبدل ... اما اللي مرسومة على العداد اظن على 40 ثم 80 ثم 130

مشكور اخوي على مداخلتك الكريمة ... غيرت البخاخات وصارت توصل 135 كم
rmp إذا وصلت 120 أو 130 يسير على 35 economy شغال ارجو الرد هل هناك مشكلة بالقير وكيف حلها ؟؟؟ بارك الله فيك

طيب rpm على 120 كم بين 20 وقريب 30 فالقير سليم والنمرة الرابعة شغالة

واهم شي economy اللي تحت عداد الحرارة على N عليه ضغط اولا

وان شاء المشكلة بسيطة نظف منظم(حساس) الهواء بخاخ ايس ديلكو وباذن الله تنحل

والاحتمال الاخير حساس منظم البخاخ ورد لنا خبر