الله يبارك فيك
السيارة جديدة من الرياض ولونها فضي دخاني يعني أغمق من اللي معك شي خفيف والداخلي بيج حتى الطبلون ...
ويسمونها في الوكالة أب قريد يعني نفس اللي معك بس زياة حساسات وأزرار على الباب
وأضفت عليها تضليل عازل وDVD من نفس الوكالة والتضليل عليه ضمان 10 سنوات والـ DVD السنة الأولى تبديل وخمس سنوات صيانة
أسأل الله تعالى لي ولك ولكل الإخوة خير هذه السيارات وأن يقينا شرها
وصراحة انطباعي الأولي عنها ( توها ما مشت 100 كيلو ) جيد وأنا إنسان ما يضيعني إلا الانطباع الأول !! حيث أني زي ما يقولون من النظرة الأولي ( أبي أعدلها وأقول القيادة الأولى :) ) يتحدد مصير السيارة معي ...
لكن وللأمانة السيارة من خلال قيادتي لها مريحة وراسية والعزل ( وهذي نقطة مهمة ) جيد جداً ، يعني حسيت إني موالف معها
طبعاً أنا قبل الإقدام على شراء السيارة ما خليت زميل إلا وأخذت سيارته وجربتها ومن ضمن السيارات اللي جربتها ...
1) التاهو 2007 جديد ما مشى إلا 3000 آلاف ولكن كان انطباعي عنه سيئ :( حيث أن العزل داخل السيارة أسوء من السيء يعني تمشي وكأنك فاتح الشبابيك غير أصوات الديكور المزعجة ، ثانياً الحجم كبير .
2) البرادو .. وصراحة البرادو جيد إلا في مسألة الراحة :( يعني اللي يعين اللي ظهرة يوجعه ، المطب أقشر حيل .
هذا ما عندي بعد التجربة الخُطَّافية ...
