الله يخليكم كنسلت سفرة الصيف بسبب السيارة ... ساعدوني في الاختيار

الله يوفقك أخوي تلقى السيارة المناسبة
أنا أرشح الكيا موهافي


ولو إنها لسى جديده بالسوق
بس اللي أعرفه أنها تحمل مواصفات ممتازة حتى بالفئة الستاندرد

ولاتنسى صلاة الإستخارة باي سيارة سوف تمتلكها بإذن الله
أخوكم أبو عبدالعزيز

اخوي الغالي انا أنصحك:
1- أكاديا
2- أكسبلورر
بحكم أن عائلتك صغيرة

فـــــورد اكسبلورر

1- نيسان مورانو 2009


2- جمس اكاديا


3- مازدا CX-9


4- نيسان باثفايندر


5- فورد إدج


6- جيب جراند شيروكي


7- FJ Cruiser


8- تويوتا فنزا الجديدة موديل 2009. بس ما ادري متى تنزل عندنا بالضبط، احتمال بعد رمضان...

باجيرو او اكسبلورر دودج درانجو برادو باث مازدا
لكن انا اشوف الافضل باجيرو
وبالتوفيق
واذا من الحجم الصغير عندك دودج نيترو سزوكي فيتارا فورد ادج راف فور

أخوي أنت حددت متطلباتك وقلت أغلبها مدينة ومولات بس مايمنع إنك تخش البر على خفيف
أنا أنصحك بفئة الكروس أوفر شكل أنيق وجذاب ودفع رباعي مستمر:
وعندك طراز اللي هو مازدا CX-9 شكل أنيق وجذاب ويلبي متطلباتك وبسعر 105000 ريال

مرحبا اخوي استاذ خالد :)


بداية اتمنى ان يقع اختيارك على السياره الى ترضيك ان شاء الله ..

بصراحه استغرب من الاخوان الي يتداخلون ويقولون با جيرو وبرادو !!!!!

يعني ما اعرف هل قرأو موضوعك ولا لا ؟؟!!!

انت محدد ميزانيتك من 80 ال 100 الف ريال ...... والبرادو والباجيرو الي مواصفاتهم زينه

بحدود 140 الف ريال . . . . . . . . .

ما علينا .... المهم وبإختصار من خلال ما قرأت في عدة مواضيع ولم اجرب :
1. اوتلاندر من ميتسوبيشي ... يجي 4 و 6 سلندر تصنف من فئة الكروس اوفر
الـ 4 سلندر 79 الف و83 الف ........ الـ 6 سلندر 87 و 93 الف ريال

2. فورستر 2009 من سوبارو
4 سلندر قير عادي بـ 79 الف والاوتوماتيك قرابة يبدأ من 83 الف ريال

3. سنتافي من هيونداي .... يمدحونها كثير كثير
6 سلندر تبدأ من 83 الف ريال

4. الاكسبلور عليه عرض بـ 95 الف ريال

5. فيه الباثفايندر بس ما ادري كم سعر الفئه الي تناسبك .... بس خطييييييييير
وزياده على كذا يصنف من فئة الـ suv يعني يصلح بر ..
6. كذلك الاكستيرا من نيسان وهي شبيهه بالباثفايندر ونفس
المحرك ... تبدأ من 87 الف ريال لكنه يصنف للفئة الشبابيه .... بس الصراحه ما اشوف فيه مشكله لو يكون عائلي ..

والله الموفق

شروكي الجديد ممتاز جدا وسعره تقريبا اقل نوع 73الف او 75 الف يعني ماراح تسط 5 سنوات وتكون عليك الفوائد عاليه جدا او خيار ثاني مثلا هوندا سياره صغيره ياليت الشباب يصححون لي الاسم VRX حاجه زي كذا الاسم ناسيه وعندك قشقاي نيسان ممتاز وهذي سيارات علي قد عايلتك دامك مش راعي بر ولا طلعات او شوف لك سياره سيدان مثلا هوندا كامري التيما كراون فكتوريا جلنت سيارات كثير وكل ماابعدت عن الاقساط العاليه افضل لك واي سياره لعد سنه الي سنتين بدا الواحد يملها فحاول انك تاخذ سياره زياده عن الدفعه الاولي كحد اقصي 20000الف ريال والله يوفقك

مثل ماذكر الإخوان الإختيارات كثيرة

الإكسبلورر اختيار جيد إن كان الهدوء داخل المقصورة والراحة اثناء السفر أمر مهم بالنسبة لك

الباجيرو إختيار ممتاز وعملى بدرجة كبيرة ولكن انصحك بمحرك 3.8 وليس 3.0

البرادو على ما اعتقد سعره أكثر من ميزانيتك ولكنه أختيار ممتاز

الأف جى كروزر ممتاز كذلك ولكنى لا ادرى عن السعر عندكم. عندنا غالى بدرجة كبيرة

أسأل الله ان يوفقك بأى سيارة تختارها

انا من سكان جده وارشح لك( اف جى) والسبب
1-انت عارف ان جده ماشاء الله تتميز بكثره المطبات وال( اف جي) مريح بالمطبات
2-عائلتك ماشاء الله صغيره يعني مناسبه لكم
وقبل كل شي لاتنسى صلاة الاستخاره والله يوفق الجميع

والله أنا أرشح لك الإكسبلورر سيارة

مريحة وعملية وقليلة مشاكل وعلى قد الميزانية والعائلة ....


تحياتي

والله ياخوي ارشحلك الاكسبلور

مشكور استاذ ابراهيم ويعطيك العافية تسلملي

اخواني ابو عزام ومستر جينيوس مشكورين من كل قلبي
ولازلت في انتظار بعض الاراء والانطباعات من الاخوة الاعضاء

انا ارشح لك برادو V6 قوي وشكلة رايق وفخم وقطع غيارة رخيصة ويمسك سعره وخراباته قليلة جدا وراسي بالخطوط"

<<< وابعد عن 4 سلندر تراه فاااشل وضعيف كأنه وانيت !! فرق كبير بين 6 سلندر و4

والدرجة الثانية فورد ايدج سيارة حلوة وشبابية

والفورتشنر سيارة ممتازة وخاصة ان يمديك تاخذ فل كامل منه بس اقل فخامة من الإيدج والبرادو


وبالتوفيق ..

شوف الإكسبلورر اقل نوع بحدود الـ100 الف او اقل ,,

الفل كامل بـ110 آلاف تقريباً ..

انا اشوفه أحسن خيار بالسعر هذا |1|

سياره مريحه واعتماديه قليله المشاكل , اقتصاديه , جميله المظهر , قطع غيار متوفره واسعارها مناسبه , وحجمها متوسط |1|

بالتوفيق اخوي :)

تحياتي,,,