انا بشتري فورد وودي اكشف كمبيوتر وبدي.. وين تنصحوني

اخووي دغيم والله صادق اللي يمشي ورى فيصل مايندم الرجال يشهد الله ان رجال نشمي

اخووي فيصل بيض الله وجهك

انتظر.. دامك معي

بندر مادام معك الملبغ هذا...تكفى لاتستعجل لانها راح تجيب لك قراند ماركيز اخو الجديد

وفل كامل بس يبيلك تروق شوي لين تطيح بسياره ممتازه وراح ابحثلك وانتظر مني رد

والله الموفق

يااخي الكريم
اسمع كلام فيصل بن محمد

واسأل نفسك القير ليش مغير والموديل جديد 2004؟؟

كفوووووووووووووووووووووووووووووووووووووووووو
ابو تركي
عوايدك الفزعه

دائما ياكلها اللي ماعنده خبره في مثل هذه الامور .... موقع كارفكس لو انك داخل المنتدى وبحثت

حصلت لك مجانا واذكر كذا موضوع وضع من بعض الاعضاء جزاهم الله خير

ويوجد واحد بالشفا يعطيك تقرير ب 50 ريال او اقل والكشف والله ماله داعي تكشف كمبيوتر

,,, كل سيارتي الفورد على مر السنين مافحصت ولا واحد كمبيوتر واشتريها ولا عانيت من اي

مشاكل كبيره لاني لا اشتري الا النظيف ولا ابيع الا النظيف


عموما رح للبيان وخذ عربونك وقلهم سيارتكم مرشوشه اذا عندكم نفس اللون ولا فيه رش

ولا شي ونظيف مره باحد فروعكم سوا اللي بالشرقيه او بالمستودع اللي بطريق خريص

ممكن انتظر كم يوم ولا عطوني عربوني ورح دور بالشفا وبالصالات الثانيه

وللمعلوميه اللي يدور ويصبر يحصل اللي يبيه لكن مشكلتنا ان حنا اندفاعيين نندفع بسرعه

اول مانشوف لون حلو او مواصفات حلوه وننسى اشياء ثانيه


لاتستعجل على شراء السياره ودور في اغلب الصالات وشف اللي يعجبك وسجلها في ورقه

مواصفاته ونظافته وسعره واسم الصاله وقارن لحد ماتوصل لقناعه باحد السيارات

لاني متاكد بانه فيه احسن من السياره اللي ذكرتها وبفرق كبير


اخيرا يابندر كم سعر السياره ؟؟


وابحاول اشوف لك لون ليموني 2004 او 2005 ولكن اهم شي تعلمني كم ميزانيتك

او اقصى حد معك من المبلغ

والله ييسر امرك وامر المسلمين

اخووي فيصل صادق والله لكن ماحصلنا وانا مركز على البيان لان ضمانهم معروف


السيارة فورد قراند ماركيز 2004 فل كامل اللون ليموني جنان

المشكلة ان سويت تقرير من موقع carfax كلفتي 115 وكشف كامل 300 وكنت دافع عربون قبل يومين

ما الحل الان هل تنصحني استرد عربوني او .. والصراحه اللون اللي ابيه صعب ينوجد وشكراا

واسف على الاطاله

هلا بك طبعا مافيه شي افضل من الشد بلد يعني اللي جاي وكاله

لكن السؤال اللي يطرح نفسه : هل القيمه مقابل نظافه السياره متعادله يعني اوضح لك اكثر


مثلا فكتوريا موديل 2005 نظيف مره وماشي 40 الف ولا فيه اي سمكره او بويه ومحركاته

ممتازه وسعره 50 الف وفكتوريا اخر نفس الموديل وجايته رشه بويه والقير مغير اوموضب

والطبلون قراته معدله وسعره ب 50 الف ايهما افضل الان وايهما افضل عند البيع بعد فتره

من الزمن جواب: بعد سنتين مثلا تحصل ان المرشوش يسوى 30 الف والغير مرشوش

يسوى 40 الف لانه بويته وكاله ودائما بالعاده عندنا اي سياره ترش بويه يطيح سعرها


عموما فيه سيارات كثيره ماجتها لا رش ولا بويه ولا سمكره وممشاها حقيقي ونظيفه جدا

وسعرها مناسب وهنا وش اللي يحدك تروح تاخذ مرشوش وقراته معدله وقيره مغير

وعلى فكره انت تقول ان قيره مغير واذا كان القير المغير تجاري وبعد 6 شهور طق القير

وتقعد انت والبيان مشاكل وانتظر لحد مايغيرون لك قطع وتتعطل وانت في غنى عن هذه الاشياء


ياغالي اسمع كلامي واسمعها من شخص عاجن وخابز الشغلات هذي لاتحد نفسك على سياره

فيها مشاكل وخذها قاعده بكره اذا واحد شاف سيارتك وقالك مرشوشه..نفسيا راح يضيق صدرك

واخيرا ماقلت لنا نوع السياره وموديلها ولونها وبكم سعرها بالضبط


والله الموفق

اخوووي فيصل الله يعطيك الف الف عافية ومشكور وماتقصر

انا ماادافع على السيارة لكن

بخصوص الرش اكثر السيارات الامريكية مرشوشة وانا اشوفه مو عيب اذا كنت ناوي استخدمهاا مو شريطي طبعااا اهم شي المحركات والصدمات والا وش رايك

وبخصوص الطبلون انا اشوف انه فيه تلاعب بسيط لكن مافي ضرر علي السيارة نظيفة والفرق بين القراءتين 1000 ميل فقط والا وش رايك يمكن خطأ كتابي من عنهم ...؟

وبخصوص القير الفلبيني اللي شيكلي السيارة مركز كار تكـ قال وهو فرحان القير مغير جديد احمد ربك

طيب بعد ماسمعت وجهة نظري وش رايك لان الصراحه لو السيارة ماعجبني لونهاا ولونهاا مغري ومرغوب وماينوجد بسهولة ولو ان الضمان غير البيان كان كنسلت السيارة من زماااااان

انتطر ردك ياحكيم :a120(37):

انتبه يابندر كل هذه العيوب وتشاور ؟؟ ابتعد عن اي سيارة مضروبه بويه خاصة بانك

ستدفع مبلغ وقدره ولو كانت السياره رخيصه لكان هناك نوعا من العدل اما كون السياره

سعرها مرتفع وبها كل هذه العيوب فلا انصح بها ابدا


وللمعلوميه كثف البحث وستجد شي نظيف جدا وبسعر مناسب


ودائما حاول ان تاخذ السياره الخاليه من العيوب حتى لاتقع في مساله الورش والضمان

والدوخه التي ليس لها اول ولا اخر وبالنسبه للفحمات ليس لهم علاقه بالفحمات والضمان

هو على المحرك والقير والدفرنس فقط وستجد عندهم بروشور يوضح الضمان بالتفصيل

اقراءه واعرف ماعليك وما لك

اخيرا يابندر سوف تتعب وتخسر الكثير من اجل الكمبيوتر حيث انك تدفع مبلغ 300 ريال او اكثر

ثم تكتشف بان السياره بها عيوب ثم تبحث عن سياره اخرى وتستمر في هذا المسلسل


اخي بندر من واقع خبره طويله في الفورد فالموديلات الجديده لاتحتاج الى فحص اذا كان تشغيل

السياره ممتاز وقيادتها ممتازه اهم شي البدي والسمكره

وياخي خليني اكسب اجر فيك وارى وافحص السياره التي تريدها وافيدك في هذا الموضوع

دون ان تخسر نفسك ( تلقاك تقول وش هالبلشه):a120(37):

والله الموفق

الله يعطيكم الف الف عافية

وبيض الله وجيهكم على المساعدة

وديت السيارة الى فحص مركز كار تكـ

وقالو لي السيارة مرره نظيفة مكينة وقير مغير بامريكا جديد والدفرنس نظيف مرره

ما شاء الله...

لكن فيه مشاكل بسيطه يعني الفحمات وتصفية المكينة وجلده ماادري وش اسمهاا

والاخيرة اللي مقلقتني ان السيارة مرشوشه الجنب الايسر كامل والرفرف الايمن و الكبوت بوية فقط


والطلبون موجود في التقرير ان السيارة ماشية 60900 تقريبا و طبلون السيارة اقل بشوي 59800


وش رايكم هل هذي المشاكل تعيب السيارة وهل الفحمات علي او على البيان

اخي فيصل بن محمد

بيض الله وجهك ومشكور وماتقصر
ولكم خالص الشكر والتقدير

البيان اغلب سيارتهم نظيفه ولكن يوجد عندهم قسم صيانه في شارع المعارض

اذهب اليهم وا فحص البويه والسمكره فقط واذا كانت السياره ممشاها قليل وصوتها

ممتاز فلا يحتاج ان تخسر نفسك على فحص الكمبيوتر فقط السمكره والبويه هو اهم شي

اما باقي الاشياء فهي مضمونه لدى البيان وللمعلوميه عند تجربة السياره تعرف من ان السياره

فيها اصوات في الاذرعه او تفكك او مشكله بالقير كعدم انتظام التعشيقات

واذا اردت ان افحصها تطوعا من عندي اذا كانت في فرع طريق خريص اذكر لي نوعها ولونها

وموديلها ورقم شاصيها

وساقوم بالكشف عليها واعطاك النتيجه النهائيه عن حالة السياره ودون اي خسائر ماديه

والله الموفق

بصراحة الغروب كان أول شغلهم أحسن ، لكن مع المنافسة وكثرة الورش حولهم ماعادو مثل أول

وأسعارهم مبالغ فيها ، وفحص البدي بدون اي اجهزة ! وفحص الكمبيوتر من النوع القديم اللي يشبكلك أسلاك في البواجي ! الفحص الصح هو اللي يشبكلك كمبيوتر صغير تحت الدركسون .

هذا اللي أعرفه ، واذا انا غلطان الإخوان يصححو

وعلى فكرة .. سيارات البيان أغلبها نظيفة ، آخر سيارة خذيتها من عندهم فحصتها أنا بس ، السيارة تبان من تشغيلتها وصوتها وومشاها .. وبعدين سياراتهم عليها ضمان أفضل من ضمان بعض الوكالات .

وأقسم بالله أني لا تربطني بهم أي علاقة منفعه غير أني زبون دائم عندهم ( ولو ان أسعارهم أحيانا مبالغ فيها :( )

وتقبلو تحياتي

عندك مركز الغروب بمعارض النسيم فحص بالكمبيوتر على المحركات بحوالي 300 ريال
وإذا بتفحص البدي هل مرشوش مسمكر ....الخ, زيادة 100 ريال
قسم بالله بلاش تتطمن أحسن ماتتندم

هلا اخوي

اول شي مبروك على السيارة والله يطعمك خيرها ويكفيك شرها


عندك ورشة البريدي وانت على شارع المعارض تديور مع اول اشارة تجيك يجيك المحل على اليمين

اعرف كذا واحد شرى سيارة وراح لهم

خويي راح وفحص سيارة عندهم بعد ماخلصو قال المهندس وين اللي بيشتري السيارة وراح له خويي قال اركب السيارة وطلعوو واخذ فيه لفة بالحارة قال السيارة فيها كذا وكذا وكذا

يعني شغلهم بامانة ومنت خسران لو تدفع زيادة 100-300 على الفحص احسن من تاخذ سيارة ماتدري عنها وتحط فيها فلوسك

اتمنى اني افدتك واي شي تبيه تحت امرك

مشكورين

انا السيارة خلاص شكلي بشتريهاا اقتنعت فيها صدق غالية لكن ادفع شي غالي ولا تبهذلني بعدين وضمانهم كويس

لكن ودي اعرف مركز فحص كمبيوتر معروووف خاصتا اذا كان فيهاا صدووم

اخوووي موعود يعطيك الف عافية لكن كيف احصل تقرير الكارفاكس واي موضوع في المنتدى اقدر احصل هذي الخدمة لان فيه موضوع واغلق

ولكم خالص الشكر والتقدير

والله شوف يالغالي بالنسبه لفحص الكمبيوتر امره هين تلقاه في ورش كثير وبالنسبه لفحص البدي عندك تقرير الكارفاكس يريحك والشباب هنا على طول الله يعطيهم العافيه يدبرونها للاعضاء عشان تعرف اذا السياره مصدومه ولا جاتها ضربات معينه قبل توصل للصاله

وبرأيي انا اذا لقيت سياره من البيان وكان تقريرها كويس وفحص الكمبيوترما طلع بمشاكل توكل وخذها وضمان البيان غني عن التعريف لكن خذ معك واحد يكون مستخدم خبير للفورد وخله يسوق السياره ويشيك على ممشاها ترا فيه مشاكل ما تبين الا مع واحد راعي خبره

والصالات اللي ذكروها الشباب والذمه لله ما تعاملت معهم ولا اشتريت منهم

لكن صاله الدوحه مدحوها لي اكثر من واحد ومعرض كراء تجيهم خمات تلقى سيارات عندهم اسعارها رخيصه مقارنه بغيرهم وعندهم في نفس المعرض سيارات سعرها غالي ولا ينزلك فيها ريال واحد لو تموت

لكن ان كنت بتاخذ من البيان لا تستعجل تراه من فتره لفتره يسوي عروض

حتى اذكر كان عندهم ماركيز ابيض 2006 ماشي ثلاثين الف سألت عن سعره قال 64 جيته بعد شهر لقيته مسوي عليها عرض بـ 61 الف

بعد فتره جاء عرضهم اللي يخصم فيه خمس الاف من سعر كل سياره جيت بادور على السياره لقيتها طارت والله يكتب فيها الخير للي شراها

تحياااااااااااتي

ينقل لقسم الاستفسارات