طريقة عيار زيت القير لسيارات نيسان باثفندر 2006 الى 2009

فارس العمور @user_46544 · 06-11-2008

السلام عليكم

طريقة عيار زيت القير لسيارات نيسان باثفندر 2006 الى 2009

انا ماجربت لكن نقلا عن مهندس الصيانة بفرع خريص

في الجهة المعاكس لعيار زيت المكينة ستجد عيار مقفل بمسمار كما بالصورة

ببساطة تفك المسمار الي عليه دايرة بمفتاح عشرة ثم تسحب العيار الي عليه السهم

وسلامتكم
:emot154:

منذر العنزي @user_237021 · 24-02-2011

سوال ياشباب انا عندي جيب نيسان باثفندر 2006 عندما امسك فرامل بقوة يطلع صوت قره واذا كانت السيارة واقفه ومشيت فيها يطلع نفس الصوت بعد التبدل الاول وكذالك بتطعيس بطلع نفس الصوت

صاحب الطيب1 @user_230109 · 07-10-2010

يااالنشاما اللي على النت ماقصرتم ردود جيده وهذا ماكنا نتوقع من اللي مثلكم وشراكم عندي سوال بسيط ابي تدلوني على مهندس ممتاز جدا يركب فرار ويعرف عن االباث في القصيم وياليت يكون بالمدينة بس اعرف ان المدينه لا يوجد مهندس باث

صاحب الطيب1 @user_230109 · 07-10-2010

يااخواني اللي على النت الله يوفقكم جميعا كلا باسمه والله ماقصرتو ولكم جزيل الشكر بس عندي سوال بسيط جدا ابي تنصحوني بمهندس بالقصيم ممتاز يركب فرارت ويعرف جيد عن الباث

بن رقعان @user_201310 · 24-01-2010

ف

فارس العمور

العفو يالربع ....

لولا الله ثم انتم ماشرينا هالسيارة ولولا تبادل المعلومات لزادت المشاكل

ولا تحرمونا من جديدكم

الباثفندر قاهرة الصحراء

عاشق الغضا @user_58885 · 24-07-2009

مشكور والله يعافيك على الشرح

بس الصورة ماطلعت

فارس العمور @user_46544 صاحب الموضوع · 24-07-2009

للحين ماحد جاب لنا الخبر الاكيد 100% ( اتمنى عدم الخروج عن صلب الموضوع )

السؤال ::

1- هل يغير الزيت ام يزيدونه فقط ؟ <<< القير طبعا
2- متى يغير الزيت ؟ <<< القير طبعا

lx soprt @user_119635 · 10-07-2009

زيت المكينه فوكس او بترومين درجه اللزوجه10w30 وبنسبه للقير روح للوكاله احسن من انك تكون على اعصابك

أبو ماجد البشري @user_109566 · 09-07-2009

من خلال الردود الاحظ البعض يتكلم عن زيت المكينه والبعض عن زيت القير الردود يجب ان توحد حسب الموضوع المطروح وهو زيت القير وكيقية معايرته ..
عموماً اخوي لم تضهر الصوره عندي لكن الباث فندر لااعرف عنه شي اما النيسان الباترول إذا كان يشبه الباث فندر اخوي معه باترول 2006 وجينا ندور العيار وحصلت ماسورته ولكنها مسكره بسده وفكيت المسمار بمفتاح 10 ولكن تفاجأت يوم سحبت السده ماطلع عيار طلعت حاجه زي الفيش وديناه للوكاله وهم بطريقتهم عايروه لم اكون حاضر عندهم ولكن وجدوه ناقص وزادوه لكن زيته ليس مثل الأمريكي هو زيت لوته يمبل للزيوت المكينه خفيف ويقولون انه يأتي من اليابان واذكر واحد معه باترول 2004 غيره زيت تماتيك عادي ولازم شاله بسطحه
عيا يمشي وغيروه بالوكاله ونضفوا القديم مادري عن الباث فندر هل هو نفس الشي ام لا

مشكور على الموضوع

mazy006 @user_37629 · 09-07-2009

السلام عليكم
عندي الباث ماشي 110 الآف اروح للوكاله اغير الزيت حق القير والا برا الوكاله وبعدين فيه واحد من الاخوان يقول الفلتر مايتغير فقط يعمله تنظيف

فارس العمور @user_46544 صاحب الموضوع · 05-03-2009

من يجيب لنا معلومة مؤكده عن تغيير زيت القير متى واين نغيره ؟؟؟

مثبت السرعة2 @user_146276 · 05-03-2009

s

shagra

ودي أعرف وش نوع زيت المحرك المستخدم للباث

والله انا استخدم زيت سوبر جيتي الأسود والحمدلله ماشي معي تمام والموتر هالحين ماشي 105000
وامشي عليه 4000بدون نفود

مثبت السرعة2 @user_146276 · 05-03-2009

ه

هـــب الـــريـــح

السلام عليكم ماشاء الله عليك دااااااااااايم مبدع يافارس
والزيت اتوقع بعد 80 الف كيلو لازم تغيره مع الفلتر

على حسب معلوماتي البسيطة ان الباثفندر الجديد مافيه فلتر للقير ولكن فيه زيادة لزيت القير اذا نقص والزيت ماتحصله الا عند الوكالة وسعره اللتر 200ريال والعياذ بالله

واشكر اخوي فارس على المعلومة الرائعة

فــيــصــل @user_79687 · 27-01-2009

ه

هـــب الـــريـــح

السلام عليكم ماشاء الله عليك دااااااااااايم مبدع يافارس
والزيت اتوقع بعد 80 الف كيلو لازم تغيره مع الفلتر

اللي أعرف ان القير التوماتيك يغير زيته بعد 40.000 كم والقير العادي ما يغير وإنما تزوده إذا نقص ؟؟

عدو الحرميه @user_137159 · 26-01-2009

اخوي انا ما استخدم غيره والحمدلله معي تمام التمام وانا سألت بنشرجي عندنا اعرف زين ونصحني فيه وقلت له هل هذا الزيت ممتاز وش تنصحني فيه قال هو ممتاز ونوعيه جيده وفيه ماده تطول بعمر الزيت ومن كلامه هذا وانا ولله الحمد مرتاح معه وبدل الخمسة الاف احياناً اغيره على اربع الاف اذا كنت اشد عليه بالرمال اعطيه الف تامين على لزوجة الزيت والحمدلله حتى ان عنده زيت غالي ما ادري كم قال لي قيمته يمكن خمسين او خمسه وثلاثون الله اعلم قلت له وش ريك فيه قال لي خله وخذ هذا احسن منه لانها كلها زيوت بنفس الموصفات بس اسم الشركات هو اللي يرفع السعر والله اعلم فركزت عليه وماغيرته من شريتها الى الان ولله الحمد واما الزيت اللي تقول ان سعره 40 ريال ما ادري كم كيلوا يبقى في المكينه [COLOR=olive]اذا كان خمسة الاف كيلوا فحق الحمراني جيد بالنسبه لسعره واما اذا كان مدته عشرة الاف كيلوا فالزيت الذي قلت عليه يعتبر افضل منه لزيده في الكيلوا مترات وبعدين هل هو للمناطق الجليديه التي عندهم باوربا ام للمناطق الحاره التي عندنا بالخليج [COLOR=black]؟ بس خلي في بالك انك اذا انت راعي تطعيس وتشد على السياره في السواقه يعني رجلك حاره بالحيل فلازم تغير الزيت قبل اونه حتى تحافظ على الزوجه وتحافظ بذلك على المكينه والله اعلم وربي يبارك لك بما عندك ويعطيك خيرها ويكفيك شرها وحنا كذلك .[/COLOR][/COLOR]
تقبل تحيات اخوك :emot38:

shagra @user_11136 · 26-01-2009

أخوي عدو الحرميه

في كتاب المانيوال حق الباثفايندر... ينصح بزيت نوع WS-50 و هو بسعر 40 ريال تقريباً

بس الحمراني يستخدم فوكس لأنه وكيله و يكسب مرتين..... و زيت الفوكس جي تي معروف هو من أسوأ الزيوت في السوق و هو زيت مكرر..... و ليس زيت أصلي جديد صافي

و أنا محتار... أمشي على ارشادات المصنع... أم ارشادات الحمراني

عدو الحرميه @user_137159 · 26-01-2009

s

shagra

ودي أعرف وش نوع زيت المحرك المستخدم للباث

اخوي اولاً : مساك الله بالخير انت وجميع الاحبه بالمنتدى
ثانياً : استخدم زيت فوكس حق الحمراني [COLOR=red]ابوخمسة الأف كيلوا علبه بلاستكيه لونها ابيض سعرها بـ18 ريال والله اعلم يعني يكلف عليك بر الوكاله بالسيفون ( فلتر الزيت ) حدود 110-120 والله اعلم وبدون الفلتر تقريباً 85- 95 والله اعلم وبالوكاله ياخذون عليك مع السيفون 185 - 210 والله اعلم [/COLOR]
ارجوا اني اكون قد وفقت في افادتك

shagra @user_11136 · 25-01-2009

ودي أعرف وش نوع زيت المحرك المستخدم للباث

هـــب الـــريـــح @user_74933 · 10-11-2008

السلام عليكم ماشاء الله عليك دااااااااااايم مبدع يافارس
والزيت اتوقع بعد 80 الف كيلو لازم تغيره مع الفلتر

فارس العمور @user_46544 صاحب الموضوع · 09-11-2008

الشكر لله...

حلووو فيه واحد جرب وتأكدنا من صحة المعلومة :)