جنزير الماكينة

امهات خمس @user_114170 · 14-11-2008

السلام عليكم ورحمة الله وبركاته

اخواني بدون مقدمات محتاج نصيحتكم معي النترا 2005 ماشية 125 الف وش التغييرات المطلوبة اقصد الصيانة اللازمة لاني ماغيرت شيء الا فلتر هواء وفحمات وزيت القير وهالكلام من زمان قصد من قبل 60 الف وعليها (طبعا باسثناء اي خراب انا قصد الصيانة والتغيير) فما هو الواجب علي تغييره والسؤال الأهم جنزير الماكينة هل يلزم تغييره هل هو ربل ام حديد وكل كام يلزم تغييره بالظبط كم مكتوب في كتاب الوكالة وماهي تجاربكم اقصد هل امشي عليه كثير ولا كفاية ا

رجوا ان تتفاعلوا معي فانا محتار ولكم جزيل الشكرا مقدما اخوكم امهات خمس

امهات خمس @user_114170 صاحب الموضوع · 22-12-2008

راعي الاوتيمامشكور على المرور انا خلاص ماراح امشي عليها الا بعد التغيير بس ودي اعرف وش الشدادات الي تقول يغيرونها لاني وديتها للورش قالوا نغير سير بس مايحتاج شداد ولا غيره طبعا تلاقية مايعرف للشدادات او ماقد سمع بها فياليت تخبرنا وش القطع الي تغير مع السير وشكراً

راعي الأوبتيما @user_112954 · 20-12-2008

السلام عليكم
اخوي انا سيارتي اوبتما 2004 مشيت عليها 70 الف ورحت للوكاله بعد ما لا حظت صوت المكينه ارتفع وزاد عدد الدورات عن العاده فبدلو الجنزبر مع القطع الي معه والمفروض على 60الف وبدلو الشدادت وبعض البكرات كانت خربانه بس ترى وضعك خطير وانتبه تروح عليها مشوار بعيد

امهات خمس @user_114170 صاحب الموضوع · 16-12-2008

اخوي ياليت تخبرنا كم كنت ما شي عليه ؟؟؟ وبعدين شلون السير تغييره في دقيقتين السيور الخارجية تقصد؟؟؟؟؟ انا اقصد جنز المكينة يعني سير التايمن الداخلي هل هذا الي انقطع عليك!!!نرجوا التفاعل

so2009sooo @user_136515 · 16-12-2008

انا مرة انقطع علي السير تخيل وش اللي صار الدينمو توقف وشتغل امبير البطارية وترمبة الموية توقفت ورتفعت الحرارة والطارة صارت ثقيلة مرة يعني السير هذا كل شئ شغال عليه حاول تغيره تراه مايكلف شئ وتركيبه في دقيقتين

راعي الكامري 04 @user_61322 · 01-12-2008

هو على حسب الاستخدام يالغالي .. فيه وفيه .. بس الافضل زي ماقالوا لك الشباب تغيره لان يمكن ينقطع وبالتالي يخرب عليك المكينه ..

امهات خمس @user_114170 صاحب الموضوع · 01-12-2008

يا اخوان ماجاوبتوا على سؤالي كم مكتوب في كتيب الوكالة لاني صدع راسي مافهمت شي منه وبصراحة ما اثق في الوكالة لاني ماخذ السيارة مستعملة وراعيها ما وداها نهائي للصيانة وديتها وقالوا نستقبلها على اساس انها صيانة 60 الف

امهات خمس @user_114170 صاحب الموضوع · 17-11-2008

سوناتا

شكرا على المرور وياليت احد من الاعضاء يخبرنا عن تجربته اقصد كم مشى عليه بالظبط وهل انقطع ام لا وهل له صوت وشكرا

نـاصر @user_80714 · 16-11-2008

زي ماقال ابو خميس ..

وانا ااخبر انه اذا ماغير يخرب عليك المكينه اذا انطلق عليك ..

يعني غيره قبل لا تروح المكينه عليك ..

امهات خمس @user_114170 صاحب الموضوع · 15-11-2008

أسامة الغامدي

أما كلم الوكالة ؟؟؟؟؟؟؟؟ الوكالة لل ..........ولا ماله داعي اقول وعموماً مشكور على المرور

أبو خميس

مشكور يالغالي على النصيحة وبالفعل اشياء مهمة بس ياخوي ودي انشدك فلتر المكيف يضر اذا ماصلحته ولا مجرد تقليل من التبريد؟؟؟؟ وسير التايمن ماتخبر ورشة من النوع الذي كويس!!!!

أبو خميس @user_49190 · 15-11-2008

غيــر سيـر التايمن لأن الموديل اللي معــك يجي ربــل
وهو يتـغيـر كل 60 ألف كيلوو لكـن إذا ماقد تغييـر يصبـر إلى الـ 100 الف أو 120 ألف لكـن خطر أنه يفلت و ينقطع ويخرب عليك أشياء كثير وبالتالي تصبح توضيــب مكيـنه

وغيـر البواجي
و غيـر صفـاية البنزين
وغير فلتر و زيت القير
وفلتر الهواء
وفلتر المكيف
وسيـر المكيـنه الخارجي اللي يربط الدينموو و الكموبروسر وو ويجي ثلاث سيور
و بلف الحراره مـع تغيير موية الرديـتر

أسامة الغامدي @user_101268 · 15-11-2008

يا عزيزي تقدر تكلم الوكالة وقول لهم بالضبط إيش اللي يبيله تغيير :emot114: