استفسار بخصوص مرسيدس ابو عيون

السلام عليكم ورحمة الله وبركاته

بالنسبة للي يستفسر عن ابو عيون حجم ال400او420 او 430
انا عندي 430 1998وارد اليابان من سنتين والحمد لله مريحني رغم ان استخدامي للسياره بشكل ساخن (رجلي حاره ع الموتر)
بالنسبه للمكينة ماكينة وقير فياقرا500 وبالنسبه للفخامة شي يملا العين والقوه طياره ما شاء الله طبعا بالاضافه الى المميزات التحكم بالمرايات والستاره الخلفية والتسخين والمفتاح الذكي مثل الفياقرا بالاضافه الى الشاشة المزوده ب10سيديات ومدمجه بنظام الخرائط ونظام السياره ساري المفعول بالاضافه الى التلفزيون و بالنسبة للقطع متوفره بالخضريه وبالحداد واسعارها مناسبه جدا وبالنسبه للحراره لما يكون الراديتر سليم والمراوح سليمه باذن الله ماتعدي 85 وفي حر الغربيه او الرياض توصل الى 90 طبيعي على سرعة مراوح رقم 2 وهذا نادرا انا بالنسبه للمكيف عندي مشكلة السنسر والسنسر متوفر والشخص الي حاب يشتري يقدر عن طريق مكتب هجر بمملكة البحرين يقدر يجيبة اخو الجديد من اليابان ورخيص

أفضل شي وارد اليابان

ثم الألماني

ثم الأمريكي

يعطيك الف عافيه جميع الشباب ماقصروا على الردود والفوائد

الله يوفقكم ويعطيكم الف عافيه والله يوفقكم جميعا وماقصرتوا

وين الناس...................

السلام عليكم

اخواني ماتكلمتوا عن الاسعار

اخي أمير مثل سيارتك الله يعطيك خيرها ويكفيك شرها ويباركلك فيها
كم تتوقع سعرها في السوق الحين لو دورت ولقيت امريكي مثلاً


وايضاً هل هناك فرق بين الوارد امريكي او ياباني او الماني

أخي الكريم ترى بالنسبة للاربعة سلندر راح تكون السيارة ثقيلة
الانسب لها الستة سلندر
عموما اكثر الموجود في السوق اربعة سلندر فراح تلاحظ فرق سعر كبير بين الاربعة والستة
وعليك بالاستخارة

تعقيب صغير فراس ماكينة 240 و 280 هما ستة سلندر

وبالنسبة لاستفسارك اخي الكريم

سيارتي 320 2001 لها عندي سنة وشهرين تقريبا وارد يابان والصراحة من وقت اللي وصلت

ناوي غيرها على E55 لكن بعد استخدامها المدة هذه وسفري فيها وصولاتي وجولاتي أجلت

موضوع شرائي لل E55 لفترة من الوقت لأني وجدت تقريبا 75 بالمية من اللي كنت محتاجه من ال E55 باستثناء قوة المحرك الجبارة :a1120(82): من الرساوة طبعا ما تحتاج التكييف الحمد لله ممتاز

قطع الغيار مقبولة ومتوفرة وأدعو لك بالتوفيق ان شاء الله

السلام عليكم

اخوي انصحك تاخد e400 موديل 97 وارد اليابان واسعارهم بحدود 37 الف ويمكن اقل شوي بس تراه مونر صححححححح والتكييف يعتبر جيد جدا وانا استخدمتها قرابة الشهرين والموتر ما عليه كلام وحتى قطع الغيار اسعارها معقوله مره وانصحك تروح الامارات وتجيب لك واحد بيطلع عليك واصل الى هنا بحدود 31 الف

تحياتي

لدي E320 موديل 1998 ولها عندي سنتان .. قولوا ما شاء الله

ما قمت بصيانته خلال هذه المدة:
* تغيير زيت المحرك كل 5000 كم بمبلغ 110 ريال
* تغير زيت القير كل 30.000 كم بمبلغ 350 ريال (إذا لم تخني الذاكرة) => غيرته مرتان
* تغير المروحة الأمامية مرتين ، مع ملاحظة انها تعطلت لدي في المرة الأخيرة ولمدة تفوق الاسبوعين ولم أشكو من الحرارة في تلك الفترة ولله الحمد ، سعر المروحه 1400 أصلي ، 750 ألماني
(( سبب تعطلها مرتان ، أن المروحة اللي مع الماكينة كانت غير موزونة فأصبحت ضعيفة ))
* تغيير سينسور لمكيف بـ 150 ريال
* تغير المساحة بـ 50 ريال
* تغيير القماشات الأمامية بمبلغ 300 ريال مع التركيب (غيرتها مرتان)
* طرمبة الماء بـ 800 ريال
* لمبة السيكن غيرتها مرتين => اللمبة بـ 15 ريال
* البواجي (12 بوجي * 25 ريال للواحد = 300 ريال) => غيرتها مرتان
* الاطارات بـ 1160 ريال ( طقم كامل )
(( قطع الغيار متوفرة ))

* ما لم يعجبني فيها حالياً قوة دفع المكيف .. أحسه ضعيف ، وأعتقد بأن لدي مشكلة ، سأقوم ببحثها عندما يقترب فصل الصيف

*** ما أعجبني في السيارة ***
* قوة المحرك
* الثبات
* قوة الفرامل
* ثقل السيارة
* المميزات المجودة فيها ( تسخين المقاعد يعطي ثماره هذه الأيام )
* علامة المرسيدس روعة وأنت تقود السيارة .. تحسسك إنك تسوق سيارة صح

أتمنى أكون قد أفتك .. علماً بأن مكينة 1998 تغيرت عن الموديلات السابقة لها

وبالتوفيق إن شاء الله

E240 و E280 محرك 4 سيليندر 2400 سي سي .. وحجم صغير .. الأفضل للشباب سيارة المدينة والمسافات القصيرة رقم 1 .. سهلة الصيانة ورخيصة القطع .. بس لا تأخذها ماشية واجد ..

E320 محرك 6 سيليندر 3000 سي سي .. وحجم وسط .. وهي الأفضل والأكثر عملية واداء بس لا تأخذ أقل من موديل 98 لأن القديم له مشاكل حرارة ومكيف ولم تحل ليناسب دول الخليج إلا في 98

E430 و E500 ما تيجي السعودية وهي وارد امريكا او اليابان او ألمانيا .. محرك 8 سيليندر 4300 سي سي وهي فخمة جدا مقارنة بالسابقات وصيانتها ما في قطع أو صعبة مثل الفياجرا ولا انصحك به .. مع انه سيارة خطوط الطويلة رقم 1

السلام اخوي..

انا ما استخدمت لكن سألت بحكم بحثي عن مرسيدس مناسبة..

تردد في الاجابات اللي حصلتها ان ال 400 و هي 8 سلندر مكينتها حرف (في) و هي و قيها مثل الفياقرا و صيانتها مو متوفرة ( في السعودية) و حساسة..

يمدحون ال 6 سلندر ال 240 و 320 .. يمكن يكون كلامي مو دقيق بس بشكل عام الفكرة انشالله تكون واضحة..

و انا معاك انتظر اللي يفيدنا بمعلومات ادق و اصح

امين ياخوي ويجزاك الخير

حقيقة الاعضاء فيه كثير الاحظ من الخمول

كثير القراء

قليل المشاركة فيهم

والادارة تتمنى المشاركه من الجميع ولكن انا عن نفسي احب اشارك لو بكلمة شكرا

تسلم والله يوفقك ويرزقك ويرزقنا

بس يابعد عمري يكفيني هالكلام الحلو
انا مابي احسن من كذا
وجزاك الله خير والله يوفقك اخوي

تبي الصدق عاد اخوي والله المنتدى متغير علي كثيير ماهوب على خبري متغير كثير

انا انقطعت عنه يمكن شهرين او ثلاثه ولما رجعت حصلته متغير كثييرر

شاكرين ومقدرين لتعاونكم معي
ولا احد ياخذ بخاطره شي تراي ماقصد احد ولا اخص احد
الله يوفق الجميع وتحياتي للجميع

وعليكم االسلام

اللي يعرف الرد مستحيل

يبخل عليك ياخوي

بس اكيد الزوار دخلوا ومالهم علاقه بالمووضوع واكيد للاستطلاع

واللي يعرف اكيد بيفيدك بشيء

انا عن نفسي ماعرف شي عن المووضوع ودخلت وحبيت ارد اني ماعندي اي خلفية بموضووعك

تحلى بالصبر اخوي