رابطة ملاك ميركوري ماونتير بجميع موديلاته الرجاء الدخول لمن يملكه !!!!

السلام عليكم ،،
كيف حالكم يا شباب ،،

حبيت اسير و اشوف احوالكم
انا من المشاركين القدماء للرابطه ،، لكن هالدنيا ما خلت احد في حاله و اشغلتناا الله لا يشغلنا الا بطاعته

انا املك ماونتير ٢٠٠٧ شاريه جديد و وطفشت منه بعد خمس سنوات ،، وناا راعي برر و مزرعه و قلت بشري لي موتر حوض و شريت افلانش ٢٠٠٨ الله لا يعقله ،، جلس معي كم شهر و خرب الدفرنس علي و رحت غيرته و السبب كان التحميل و السرعه الزايده ،، المهم اني غيرت الدفرنس ٧ مرات و الموتر شاريه من الامارات نظيف جداً بس ما كنت ارحمه صراحه ،، المهم طفشت منه و بعته و كان ذاك الوقت الماونتنير وااااقف لمده سنه و نص ما تحرك من مكانه ههههههههههه صراحه عشقت الافلانش و كان Z71 ،، لكن دارت الايام رجعناا لحبيب القلب الماونتينر ،، المشاكل ما تذكر ابداً و مهب معقده ابد ،، تقطيع و يروح مع التصفيه و السبب اجوائنا الربيعيه و مهب عيب في الماكينه ،، اتعامل مع ورشه جدا جدا محترمه ،، بالصناعيه القديمه (( القرعاوي )) انصحكم فيها و بقوه و المهندسين من الفلبين ما عندهم لف و دوران ابداً اذا ما عرف للمشكله قال ما اعرف ،، و اتعامل مع فروعهم بالرياض و القصيم ،، ادري شطحت بكم شوي بس حبيت افيدكم ،، اللي يبي يغير الزيت يروح لم القرعاوي او يروح لأحد فروع بترومين ،، السياره ماشيه الحين ٣٠٠ الف و الحمد لله
جربت التاهو و رجعت للماونتنير و السبب اصوات القرقعه فيه وناا من النوع الموسوس شوي ما احب قرقعة الديكور ،، القطع انصحكم تشرونها من الوكيل لا تشرونها من برا مهما كان السعر و خاااااصه الفحمات ،، و الفحمات غيرتها عند ١١٥ الف و بعده عند ٢٠٠ الف الظاهر و الثالثه بسبب عند ٣٠٠ الف
احرصوا ع الزيوت و زيت الدفرنس و الدبل لا تغيرونه اببببد مهما كان ،، اذا كان ناقص زده زيت الوكاله ،، أسلم لكم و افضل و هذا كلام خبراء دفرنسات وناا ماشي عليها حتى الآن ،، ما ادري وش اقول لكم بس حبيت اعطيكم نصايح لواقع تجاربي

و سلامتكم الله يحفظكم،،
و اي استفسار مهم يرسل خاص لان دخولي للمنتدى قليل