بعض الاستفسارات عن بورش كايين توربو 2004

راعي الليجاسي @user_25398 · 24-03-2009

السلام عليكم ،،

مساكم الله بالخير اعضاء وزوار المنتدى

انا استفساري غريب ، طبعا لاني راعي الليجاسي ،،

فأنا عشقي السيارات الرياضيه ، والليجاسي ماقصرت معي ابد ،،

لكن استفساري عن الجيب كايين توربو 2004 /

ودي ببعض المعلومات ، مثل سعره بالسوق كم يسوى لو حصلت نظيف مره

هل فيه عيوب داخليه ، هل فيه مشكله لما تطعس فيه اكثر من مره ، او لما تجرب التدعيس شوي

لاني خبرتي في البورش جدا ضعيفه // فأنا ودي ببعض المعلومات ،،

وياليت تكون معلومات جاده ( مع احترامي لكم ) بس اقصد انه ابي رأي ناس خبره في السياره ،،

مو لمجرد انها بورش فقط يقولون لي انها اوكيه ،،

انا اسف على الجزئيه الاخيره ، لكن اعذروني ، لاني جاد في شراء السياره ،،

وفي وقت قريب ان شاء الله

تحياتي للجميــع

بوشافي @user_75200 · 26-04-2010

ياراعي الليجاسي

بشر وانا اخوك وصار عليك

انا امر بنفس المرحله اللي مريت انت فيها

وديبه وابيه وابغاه لاكن خايف منه

ولقيت موضوعك وانا على يقين انك راحت تعطيني عصارت بحثك

وعلى وش استقريت

طبعا اني ناوي على 2006

وهل فيه اختلاف بين 2006 وبين الشكل الجديد 2008 غير الوجيه والخلفيه

سعود العلي @user_129441 · 28-03-2009

انصح بالكايين موديل 2005 وطالع

وفعلا ولله الحمد اعطاله قليله ماشفت منه الا كل خير لكن اسعار الصيانه الدوريه مبالغ فيها شوي

واذا تبي شوري ابعد عن التيربو .

معلومه بسيطه بس انا غيرت فحمات امامية وزيت بس خذوا علي ساماكو 3200

وجلست عندهم السياره 4 ايام

هذي ضريبة انك راكب بورش حبيب قلبي والله يوفقك ان شاءالله وصل الاستخاره قبل كل شي

عشان ماتندم وانا اخوك, والخيار لك, بالتوفيق.

Abu 7ala @user_114268 · 27-03-2009

H

HaTtAn

هلا بك اخوي

الكايين S يجي 340 حصان
الكايين تيربو يجي 450 حصان
و في ايضا كايين 6 سلندر و هو نفس شكل الـ S مع فرق المحرك 280 حصان

بالاضافة لفرق الصدام الامامي في الكايين تيربو فتحات تهوية كبيرة

و فتحات الشكمانات في التيربو 4 اما الـ S فتحتين

والمواصفات مختلفة من سيارة لأخرى يعني ممكن تاخذ تيربو مواصفات اعلى من الـ S و ممكن تاخذ S مواصفات اعلى من التيربو

تحياتي
هتان

اشكرك بعنف اخوي هتان:ch19:

az5z @user_39713 · 27-03-2009

اخوي بخصوص اسعار البورش تيربو الشكل القديم من 2006 وتحت اسعارها طايحه مره ,, يعني بحدود 130 الى 160 < < هذت حسب الي شفته وممكن تلقى انضف وطبعاً اغلى

البورش كيان تيربو الي اسمع عنه ان مشاكله اكثر من الكيان اس ,, ..

وطبعاً من ناحية المشاكل اكيد بتكون اكثر لان هذا بتيربو وهذا بدون ,, ..

انا متأكد من ان لتيربو مشاكل واجد لاكن نصيحتي مر قسم الصيانه وكلم احد المهندسين وهو بيقولك كل شيء وبينصحك اول لا وبيفيدك اكثر من اي واحد غيره ,, ..

واذا تطمنت من ناحية الصيانه فالسياره مايحتاج لاكن يعيبها ان شكلها تغير يعني تعتبر قديمه ,, ..

وبالتوفيق

HaTtAn @user_16411 · 27-03-2009

A

Abu 7ala

مسائكم سعيد شباب.........
انا برضو نويت اني اشتري كاين بس ودي اعرف ايش الفرق بين التوربو وال S
اخوي راعي الليجاسي..
صحيح السياره قطعها غاليه بس تستاهل وميزتها انك اذا حطيت فيها قطعه انساها
نصيحه شوف المستعمل من نفس الشركه اول واذا ما لقيت او السعر كان غالي شوف لك احد يجيبها من امريكا..
هناك تكون نظيفه وممشاها قليل لأنه اكثر اللي يشتروها شياب,,
عموما انا اجيب سيارات من امريكا بس لسه ما قد جبت بورش واول مره ان شاء الله حتكون سيارتي
عذرا للاطاله

هلا بك اخوي

الكايين S يجي 340 حصان
الكايين تيربو يجي 450 حصان
و في ايضا كايين 6 سلندر و هو نفس شكل الـ S مع فرق المحرك 280 حصان

بالاضافة لفرق الصدام الامامي في الكايين تيربو فتحات تهوية كبيرة

و فتحات الشكمانات في التيربو 4 اما الـ S فتحتين

والمواصفات مختلفة من سيارة لأخرى يعني ممكن تاخذ تيربو مواصفات اعلى من الـ S و ممكن تاخذ S مواصفات اعلى من التيربو

تحياتي
هتان

Abu 7ala @user_114268 · 26-03-2009

مسائكم سعيد شباب.........
انا برضو نويت اني اشتري كاين بس ودي اعرف ايش الفرق بين التوربو وال S
اخوي راعي الليجاسي..
صحيح السياره قطعها غاليه بس تستاهل وميزتها انك اذا حطيت فيها قطعه انساها
نصيحه شوف المستعمل من نفس الشركه اول واذا ما لقيت او السعر كان غالي شوف لك احد يجيبها من امريكا..
هناك تكون نظيفه وممشاها قليل لأنه اكثر اللي يشتروها شياب,,
عموما انا اجيب سيارات من امريكا بس لسه ما قد جبت بورش واول مره ان شاء الله حتكون سيارتي
عذرا للاطاله

راعي الليجاسي @user_25398 صاحب الموضوع · 24-03-2009

يا هلا بك اخوي هتان

اكيد الالماني قطع غياره بتكون غاليه عن غيره ، بس من خلال البحث والتصفح الطويل بخصوص الكايين ( والله اليوم عيوني انتفخت من النت ، مدري وش معجلني :) )

فأغلب البعض ذكروا انه نادر مايخرب ، بس هذ مايمنع اني ابحث بخصوص قطع الغيار

لانك صادق قطع الغيار تكون قبل السياره ، ونشوف هل هي بتكون مناسبه للوضع المالي ،

والمشكله حتى لما تشتري السياره بتظطر انك تركب فيها شغلات جديده ـ لزوم السلامه

فالله يوفقك اخوي على مرورك الطيب ، وتقديمك للنصيحه

تحياتي

HaTtAn @user_16411 · 24-03-2009

اخوي راعي الليجاسي

انا بصراحة من عشاق الكايين

لكن للأسف ما اقدر افيدك الا لو تبي معلومات تقنية

و البورش بشكل عام اقل سيارة اعطاال على مستوى العالم و ان شاء الله ربنا يوفقك بوحدة نظية

لكن حبيت الفت نظرك لنقطة

و هي سعر قطع الغياار و تكلفة الصيانة

دائما اسمع انها مرتفعة بشكل غير طبيعي

أنصحك لو تسأل على القطع الاستهلاكية قبل شراء السيارة و تكلفة الصيانات الدورية

و الله يكتبلك اللي فيه الخير لك

تحياتي
هتان

VIP 111 @user_111992 · 24-03-2009

امين الله يعافيك ويوفقك ويرزقك الي تتمناه

راعي الليجاسي @user_25398 صاحب الموضوع · 24-03-2009

ياحبي لك اخوووي

شكرا على رحابة صدرك وعلى وتقديم المشوره الطيبه ،

انا راح اتبع كل الخطوات اللي ذكرتها بإذن الله

الله يوفقك ويرزقك انت ومن تحب والمسلمين

VIP 111 @user_111992 · 24-03-2009

الله يسلمك اخوي
بما انك استشرتني فالمستشار مؤتمن واعطيك هذه الخطوات
اولا اذا انت مقتنع صل استخارة ..
ثانيا لازم تشوف السيارة بنفسك وتجربها
ثالثا بالنسبة لي السعر حسب المواصفات الي ذكرتها ممتاز اما الي انا ذكرتها 6 سلندر
وتاكد من السيارة قبل ما تشتريها
حاول تقوم بتجربة للسيارة عن طريق استئجارها او تجربتها اذا كنت تعرف احد عنده مثلها لان التجربة خير برهان وبامكانك زيارة قسم الصيانة لدى ساماكو ومقابلة ملاك السيارة
والراي الاول والاخير لك لان المخبر غير المشاهد
وشكرا
اخوك VIP 111

راعي الليجاسي @user_25398 صاحب الموضوع · 24-03-2009

هلا بك اخوي

يطول عمرك على مرورك وافادتك ،

وبخصوص السعر اللي ذكرته ( 145,000 ) هل هو توربو فل اوبشن ؟

او النوع اللي ابو 6 سلندر ،

لاني بعد مانزلت الموضوع كلمني خويي وشاف لي توربو نظيفه مامشت شي ،،

ولا جاها صدمات وفل اوبشن 2004 قالي انها سيمت 155,000

وسعرك اللي ذكرته لي بموديل 2006 ،،،

انت وش رايك بالسعر اللي وصلني وبمواصفاته

، انا اسف بتثقيلي عليك ببعض الاسئله ، لكن التمس منك العذر

VIP 111 @user_111992 · 24-03-2009

حياك الله اخوي راعي الليجاسي

السيارة رياضية و فخمة اكثر منها للتطعيس
لكن مع هذا فقدراتها على الرمال رائعة وانا لا اتكلم من باب نظري وانما عن حقيقة شاهدتها
نظافة السيارة وامانة البائع لها دور
السعر ما اقدرر افيدك فيه لانه يختلف حسب الفئة والتجهيزات وانا لقيت كايين 2006 بـ145 الف ريال
اتمنى اني افدتك
وتقبل خالص شكري وتقديري
اخوك
VIP 111