السلام عليكم
شلونكم شخباركم عساكم بخير
الوكاد مالكم بالطويله
انا قبل شهر ونص تقريباً شريت تريل بليزر من الشركه فتحته على ايدي
موديل 2009 LS
والموتر ماشاءالله حلو وونيس وطيب
ولكن مو هذا موضوعنا
موضوعنا انه اللي باعني السياره بالشركه يوم استلمت السياره قال تبدل الزيت كل 10 الاف كيلو
انا ماركزت يوم قالها قلت له كل كم ...؟؟
قال 10 الاف كيلو
قلت مايصير شنو السياره الجباره اللي بتتحمل 10 الاف كيلو
انا عبالي يضحك معي
قلت لا والله صحيح كل كم
ضحك وطلع لي دفتر هذا اللي فيه تغيير الزيت ومازيت
واطالع بالصفحات الا صج كلامه كل 10 الاف كيلو يتم تبديل الزيت
فـ ياجماعه اللي عنده بليزر واستلمه وكاله هل صحيح هذا الكلام او لا
لا يبلشنا هذا ويطقق المكينه وانا رجال شاري سيارتي وكاله ومبعد عن السكاريب ومكلف نفسي
والله ماودنا نطيح بموقف مثل هذا
وانا ناطر منكم الردود بأحر من الجمر
والله يكتب اللي فيه الخير ان شاء الله
