ودي أشتري سوبارو ليجاسي وش رأيكم؟؟؟

Honda_CRV

مشكور على المعلومات المره الحلوه وكلامك فعلا صحيح الله يعطيك العافيه

السلام عليكم ورحمة الله وبركاته،

جزاههم الله خير الشباب ما قصروا.

شكله المصري احمد ملخبط بين نظامين مختلفين:
1 - مانع الانغلاق ABS
2 - مانع الانزلاق VDC

وكمان ملخبط بتسمية الهاتشباك
الامبريزا عندهم سيدان و هاتشباك.
اليجاسي ما عندهم هاتشباك، عندهم سيدان و أوت باك ( سابقا كان اسمها ليجاسي واجون - Legacy wagon )
خالد

darkness star الله يعطيك العافية ما قصرت راتك بيضاء

بالنسبة ليجاسي هاتشباك هذا ماهو كلامي هذا كلام المصري اللي في معرض اليمني بالنسيم وذكر لي المواصفات الموجدة في الرابط http://www.assayyarat.com/forums/showthread.php?p=1802430#post1802430

وهو اللي قال هاتشباك أنا اللي أعرف الأوتباك فقط لكن قلت يمكن موجود انا معلومات قليلة

ماشاء الله اخوي ابو اسد ماقصر لكن انا بوضحللك بكلمات ابسط و اوضح

اول شي نظام ال ABS اللي هو اختصار كلمة anti-lock brake system او بالعربي نظام مانع انغلاق الفرامل ( اللي مايخللي الفرامل تفحط اذا دعست للاخر ) و هذا يجي ستاندرد على جميع سيارات سوبارو من تقريبا 1996

نظام ال VDC يعني vehicle dynamic control هو بالعربي ما يعرف بنظام التراكشن و هذا يجي فقط على الليجاسي H6

مثبت السرعة ايضا ستاندرد على جميع طرازات الليجاسي من 2005 الى الموديل الحالي

أبـوأسـد : مشكور ما قصرت بيض الله وجهك

نظام VDC هذا خاص سيطرة المركبة ديناميكيا

بحيث يتحكم بعزم كل أطار على حدة أثناء فقدان السيطرة السيارة ويخليك تقدر تسيطر عليها

موجود فقط في 6 سلندر سواء الليجاسي أو الأوتباك فقط فقط فقط

أما نظام ABS هو نظام منع أنغلاق المكابح أساسي في سيارات سوبارو كلها حسب ما أذكر (الأمبريزا فئة 1.5 لتر 2008 وفئة 1.6 لتر 2007 وتحت الفئة الأستاندر ماني متأكد هذا النظام أساسي فيها أو لا)

بخصوص مثبت السرعة أساسي في جميع طرازات الليجاسي 2006 و2007 و2008 و2009

للتأكد أنظر الصور



هذي موديلات 2006 وتحت شايف العمود الي في وسط الدركسون الجهة اليمنى هذا هو مثبت السرعة أذا ما كان موجود معناه مافي مثبت سرعة



وهذي الصورة لموديلات 2007 وطالع

مثبت السرعة أصبح أزرار في الدركسون ويكون الازرار الجهة اليمنى أنتبه لهذا وليست الجهة اليسرى بتلاحظ مكتوب كلمة CRUISE في أزرار مثبت السرعة

أنا أعرف أختصار مانع الأنزلاق هو ABS هل هذا صحيح ؟

أخواني
هل مانع الأنزلاق هو نفسه نظامVDC أو نظام تحكم ديناميكي؟

للأن أخوي Honda_CRV قال

مانع انزلاق - سوبارو تسميه نظام تحكم ديناميكي للعربة - متوفر في الستة سلندر

لكن سألت الوكالة قال لي المصري أحمد شريف متوفر في الأربعه سلندر
وبعدين مانع الأنزلاق متوفر في كل سياره فكيف في ليجاسي ماهو متوفر !!!!!!!!!!!!
الجديدة أقصد طبعا
هل في 4 سلندر مثبت سرعة 2007-2008 ؟

يمكن تدخلت علي المسميات وتلخبطت أرجو التوضيح وجزاكم الله كل خير

السيارة قووووية وروعه

والشباب ماقصرو بالمدح


عموما اذا تبي سوبارو 2002

عندي وحده للبيع

وربي يوفقك

حسب ما أعرف موديل 2007 و2008 نفس الشيء

وهذي صورتها
طبعا هذي صورة فئة GT السوبرتشارج تشبه 6 سلندر فئة SPEC-B بس فرق بدون فتحة الي موجودة بالكبوت




هذي مثل صورة 6 سلندر الي عندنا بس الطارة يمين نسخة اليابان

بينما 2006 الشكل غيير وهو أقدم ونص الانظمة المتطورة في 2008 غير موجودة في 2006


هذي 6 سلندر




صورة لداخلية 4 سلندر ما حصلت 6 سلندر بس ما فترق عنها كثير غير الخشب والجلد وطلبون ليزر والنص الديكور والمراتب بيج

خلاص يالربع والله ماقصرتم أنا رسيت على 6h

لكن هل كل المواصفات اللي في 6h موجودة في 2006 - 2007 ولا فقط في 2008

وشكرا بيض الله وجوهكم وماقصرتم

( اللي عندة 6h و وده يبيعها يعلمني )

4 سلندر مافيها غير أيرباقين وهذا الي بالسعودية وأصدار الخليج بشكل عام حسب ما أعتقد اما بالخارج تجي 6 ايرباقات

لا يوجد في 4 سلندر نظام VDC لكن حسب ما قريت في معلومات 2010 بيكون أساسي في 4 سلندر (هذي نسخة أمريكا ما أدري عن الي بيجينا)

بخصوص


محرك 2 لتر أعتبره غلطة سوبارو أنه يوضع في محرك الليجاسي أنتبه أن كان موديل 2008 فيه هذا المحرك فأبتعد عنه لأنه فعلا ضعيف جدا عن تجربة

قوته 165 حصان والعزم ضعيف جدا

بينما محرك 2.5 لتر قوته 170 أو 175 حصان الفرق بالارقام بسيط لكن بالقيادة راح تلاحظ الكبير لأن فرق العزم كبير

هذي في 4 سلندر تجي 2 لتر و2.5 لتر وأخبر 2 لتر في 2007 وتحت وسمعت ومش متأكد أن فيه كمية بسيطة لموديل 2008 بـ 2 لتر أنتبه من شرائها فهذا المحرك ما يصلح إلا للأمبريزا فقط ويعتبر هذا المحرك صغير جدا على سيارة بحجم الليجاسي

محرك 3 لتر هذا فقط في 6 سلندر
قوته 245 حصان

الأختلافات الداخلية بين 4 سلندر و6 سلندر الي اعرفها

4 سلندر:
يجي طبلون عادي وعداد السرعة 240
يجي مخمل أو جلد
مكيف ألكتروني أمامي فقط
الفل كامل مقعد السائق كهربائي

6 سلندر:
يجي طبلون ليزر وعداد السرعة 260
تجي جلد فقط
مكيف ألكتروني أمامي ومكيف خلفي
الفل كامل مقعد السائق والراكب الأمامي كهربائي
يجي فقط في 6 سلندر نظام أسمه SI-DRIVE وهو نظام يتحكم بقوة المحرك بثلاث وضعيات

هذي صورة من العضو VIP الله يذكره بالخير والله أني فاقده

مكانه خلف القير مباشرة
تضغط للأسفل للنظام القيادة الذكية قوة متوسطة وأقل صرفية
تلف يسار تعطيك قوة عالية
تلف يمين تعطيك كل مافي بطن المكينة من قوة أي القوة القصوى وتجاوب عالي جدا


بنسبة لكيف تفرق بينهما خارجيا

من الخلف والجوانب نفسه!

لكن الفرق تلاحظة في الأمام

هذي صورة لـ 6 سلندر مو الليجاسي بل الليبلتري وهي الليجاسي الخاصة بسوق أستراليا


وهذي 4 سلندر




لاحظت الفرق!

الفرق في شكل كشافات الضباب
الشبك نفسه
الاسطبات نفسها بس 6 سلندر تفرق فيها زينون والحديدة الي بالزاوية حقت رشاش الماء طبعا هذا أن شغل الزينون

فيه مواصفات في 6 سلندر أصبحت متوفرة بـ 4 سلندر 2009 فقط مثل
ناقل الفورملاء1 الي خلف المقود مع تحكم بالاستريو عن طريق المسجل (الازرار يسار الجهة اليسرى)

الزينون برشاش الماء

الازرار الي تشوفها تحت يمين ويسار الدكرسون الي لونها رصاصي فقط في 6 سلندر خاصة بتحكم بشاشة المعلومات للي باليسار أما اليمين هي وضع على نظام SPORT SHARP مباشرة الي في نظام SI-DRIVE

اي اسئلة اخرى انا حاضر

بخصوص كلام أخوي



انا ما شفت 6 سلندر 2009

لكن أعتقد تتكلم عن فئة SPEC-B الي تجي فقط قير عادي وجلد أسود

مرحبا بالجميع
اخوي ماجد ksa اللهم امين وجزاك الله الف خير :)
اخوي ابن الحاسب

الاربع سلندر فيها اثنين وسائد هوائية وحسب موقع سوبارو الرسمي ان جميع السيارات من موديل 2008 فيها نظام تحكم ديناميكي بس الوكيل يقول ان الاربع سلندر ما فيها
الاختلافات بين الاربع والست سلندر كثيرة وتستاهل الفرق في السعر.
المسجل واحد مثل بعض والمكيف كمان الكتروني في الاثنين بس السته سلندر فيها فتحات تكييف خلفية بين المرتبتين والاربع ما فيها. اهم الاضافات في السته سلندر:
مصابيح زنن بتحكم الي بالارتفاع يعني اذا الانارة ترتفع وتنزل تلقائيا حسب ارتفاع السيارة
مرشات ماء للمصابيح الامامية
نظام سوبارو الذكي للقيادة SI
تحكم بالمسجل من الدركسون
تحكم بتغيير القير من الدركسون (فورملا ون )
التحكم بكمبيوتر الرحلات من الدركسون
التحكم بنظام سوبارو الذكي للقيادة من الدركسون
الكراسي الامامية كهرباء مع ذاكرة للسائق
فتحلات تكييف خلفية
القير خمس غيرات والاربع سلندر اربع غيارات
فرامل امامية وخلفية مهواة ( الاربع سلندر الخلفية اسطوانية عادية)
طبلون كهربائي بانارة شعاعية (ليزر) 260 كيلو (تجيب 260 ب 5200 دورة - الاحمر6500 )
كمبيوتر الرحلات في الطبلون مو عند الساعة
ازياق فضية عند الابواب
نظام تحكم ديناميكي ( وهذي اهم ميزة امان في السيارة)
زر لفصل التراكشن كنترول
فتحات تكييف خلفية
فرق كبير في قوة المكينة لصالح الستة سلندر

من موديل 2008 وفوق ما عاد في محرك 2.0 الاربع سلندر 2.5 والستة سلندر 3.0

2009 فيها زيادة
دخول بدون مفتاح
تشغيل بزر (بصمة )
عاكس احمر في الصدام الخلفي

لو خذيت الاربع سلندر فل بعد فترة راح تتحسف وتول ليتني اخذت الستة ، المشكلة الوكالة ما عاد باقي عندهم ستة سلندر الا عدد قليل والوان غامقة اسود وازرق ورصاصي غامق

بالتوفيق اخي العزيز

4h كم فيها airbag ؟
وهل يوجد بها VDC؟
ماهو الفرق بين ماكينة 2 & 2.5 & 3 ؟
هل توجد اختلافات في داخل السيارة بين 4h & 6h ؟ ( التكيف المسجل وغيرها )

وشكرا على مساعدتي

السلام عليكم ورحمة الله وبركاته
والله ياخوي ما دامك تهتم في السلامة فتوكل على الله وخذ السوبارو فهي من أأمن السيارات في العالم، والحفظ بيد الله تعالى.
انا مثلك ناوي على الليجاسي و انا عموما من النوع الي اذا حبيت اشتر شي ادور في الانترنيت واليك جزء من حصيلة بحثي خلال الاسابيع الماضية ( ان شاء اضع روابط المصادر لاحقا لانها في جهاز اخر)
* ثلاث سيارات فقط حصلت على تصنيف 5 نجوم خلال 7 السنوات السابقة في كل عام وهي
Legacy - SAAB 9-3 - Audi A4
* نسبة 90 في المئة من سيارات سوبارو التي انتجت خلال العشر سنوات السابقة لازلت تجوب الشوارع نظرا لقلة الاعطال وقلة الحوادث بسبب انظمة السلامة
* جميع سيارات سوبارو حاصلة على تصنيف خمس نجوم - ليجاسي - امبريزا - فورستير - اوت باك - تيربكا
سيارات سوبارو تملك جميع انظمة السلامة التي يوصي بها المعهد العالي لسلامة السيارت لتقيل نسبة الحوادث والاصابات 9 انظمة، بعض المواصفات تتوفر فقط في فئة الستة سلندر وهذه الانظمة هي
نظام الدفع الرباعي الدائم
فرامل مانعة للانغلاق
توزيغ قوة الفرامل اليا
التحكم في الجر - تراكشن كنترول
مانع انزلاق - سوبارو تسميه نظام تحكم ديناميكي للعربة - متوفر في الستة سلندر
وسائد امامية ووسائد جانبية وستائر جانبية - تتوفر في الستة سلندر
دعامات فولاذ جانبية
انوار القيادة النهارية للنسخة الاروبية والامريكية - السعودية لها مفتاح لفصلها
نظام مراقبة ضغط الاطارات قياسي ابتداء من 2009

طبعا مو لازم تتوفر كل هذي المواصفات في سيارة عشان تحصل على 5 نجوم، اذا توفر بعطها يكفي لاكن في السوبارو تتوفر جميعها

مشكلة السيارة الوحيدة في نظري ان وكيلها السابق قتلها ولا هي سيارة رائعة ومرغوبة جدا في بعض الدول مثل الاردن وسلطنة عمان واغلب الدول الاروبية

قريبا ان شاء استلم سيارتي الليجاسي 2008 سته سلندر ونشوف الى كتب عنها صحيح ولا غيردلك :) ولنا عودة ان شاء الله

لمعلومات عن الفروق في المواصفات بين الاربع والستة سلندر وكذلك بين 2007 و 2008 و 2009 راجع الموقع التالي

http://www.cars101.com/legacy.html

^^^^
والله فله وقصه قصيه طريفه
شوف يا اخوي اخذلك الليجاسي واتكل على الله
وربي مايبيلها كلام
انا عندي سوبارو ليحاسي 98 ظلت معي 11 سنه من كنت في اول متوسط ماشاء الله
الى الان وكل يوم تكبر في عيني واعشقها اكثر من قبل
يعني فيها نظظام امان ووكل ماتجدد الموديل صار الامان اكثر والامان من الله تعالى
انصحك يا اخوي وماعليك من سعر بعد البيع
انت تبي تشتري السياره عشان تبيعها ولا عشان تدوم عليها وتخدمك سنين سنين