السلام عليكم..... كيفكم شباب
اشكر جميع الاخوان اللي شاركوا وادلوا برائيهم....
واشكر القائمين على المنتدى اللي استفدت منه كثير وبين لي أشياء كثيرة كنت أجهلها...
يا أخوان اللي يقول متحامل ومثل هالكلام... المنتدى هنا للنقاش وكشف مميزات السيارات وعيوبها ....
وليس فقط لتلميع السيارات وان كل سيارة ما ينقصها شي....
وانا ان شاء الله سوف استأجر اكسبلورر وطلع عليه للثمامة.... وبعدها لكل حادث حديث....
اللي محيرني كل هالفترة... هل آخذ اكسبلورر ست سلندر من الوكالة أصفار ولا آخذ ثمانية سلندر وارد امريكا من الصالات... علشان كذا يوم شفت المقطع ذهلت (متعوب عليها) ايوه ذهلت ونزلته هنا للنقاش والشباب ما قصروا بالتوضيح.... ولهم مني عظيم التقدير والامتنان.....
وتقبلوا تحياتي
وعليكم السلام...
ليش ذهلت ؟ يعني فيه أحد ذكر لك أنها لا قبلها ولا بعدها سيارة... السيارة مثل غيرها من السيارات لها ما لها وعليها ما عليها لكن أنت صراحة ما وفقت بعنوان الموضوع..
السيارة عيبها بالنسبة للبر والطعوس( النفود) حاجتين ...
أولا/ الخلوص الأرضي وهو أرتفاع بطن السيارة عن الأرض
ثانيا/ نظام الادفانس تراك وهذا ما تكلم عنه الأخوان وخصوصا الخبراء منهم وأنه من أكبر المعوقات في النفود وهذا النظام موجود بالاكسبدشين وموجود بالتاهو واليوكن لكن تحت مسمى غير يعمل على تثبيت الكفرات عندما تقل ملامستها للأرض عن طريق تخفيف عزم المكينة والضغط على الفرامل بشكل متقطع وهذا النظام تستطيع التحكم فيه لكن إذا كانت السيارة تمشي بسرعة أقل من 40 كلم ( لي شرح لهذا النظام راجع هذا الرابط ) وأعتبر هذا النظام هو أكبر عائق للاكسبلورر أو الاكسبدشين وخصوصا أثناء الصعود ...
http://www.assayyarat.com/forums/showthread.php?t=145454
مقتطفات :
* شركة فورد عندها وسواس من ناحية الامان والسلامة لذلك تصنع سياراتها للعقلاء الراكدين وليس لأهل المطامر والمهايط.
* بعض الأخوان هداهم الله من خلال هذا الموضوع مثل ما يقولون يحاول الاصطياد بالماء العكر والتقليل من شأن السيارة.
* السيارة إذا أستخدمت معهاالراكدة والتعقل راح توصلك مواصيل في البر والنفود أكبر مما كنت تطمح.
* تخفيف ضغط هواء الكفرات شيء ضروري للسيارة في النفود حتى لو كان دفع رباعي وأيضا عدم أستخدام الدبل الثقيل إلا في الحالات المتعسرة مثل الطين أو السحب ( واللي في المقطع أحتمال كبير أنهم ما خففوا هواء الكفرات وأحتمال أكبر أنهم أستخدموا الدبل الثقيل )
* فيه فرق بين السياراتين اللي في المقطع الأول من ناحية الوزن طبعا الوزن لصالح الاكسبلورر
* الفورد الاكسبلورر لم ( يثولث ) رغم غشامة السواق وهذا دليل على قوة الدبل
* مثل الفورد الاكسبلورر عند صعود نفود وخصوصا إذا الصعود حاد فيه خطورة أنها تضرب واجهية السيارة النفود في بداية الصعود وأحتمال خروج الايرباقات فيجب أخذ هذه النقطة في الحسبان
* بالنسبة للمقطع الثاني أنت وش تفسر غباء هذه التغريزات في هذي المقاطع:
باجيرو
[youtube]iFD3avXwAZY[/youtube]
لاندكروزر
[youtube]227-a0Y7BZA&feature[/youtube]
برادو
[youtube]JlXxzpg2uuc&feature[/youtube]
وأخيرا بالنسبة للأكسبلور ثمانية سلندر إذا حصلت لك نظيف فتوكل على الله بعد الاستخارة( وأستخر الله بكل أمورك ) لكن ما أدري عن توفر قطع الغيار أنتبه لهذه النقطة وأستفسر عن الشيء
بالتوفيق..
