شككتوني في جودة التاهو

هذا الرد إقتباس لي بأحد المنتديات

وهو كالتالي:

السلام عليكم ورحمة الله وبركاته:
أول شي أخوي أتمنى لك التوفيق بالسيارة اللي بتشتريها

بالنسبة للسيارة فبحكم إمتلاكي لها أبعطيك بعض المعلومات.

أولا أنا شاري السيارة بنظام التأجير من الراجحي بميلغ إجمالي 180 ألف (كاش 123ألف)

موديلها 2008 Lt دفع رباعي جنوط 20
ماشي الآن 59500 كم

السيارة للأمانة ما ني متحسف على شريتها وخصوصاً بعد جلد الراجحي لي بالسعر

السيارة نظره وهيبه وما ينمل من سواقتها بحكم قوة عزمها وصوتها المطرب


بالنسبة للبر ففيها قوة خيالية ما توقعت حتى نصفها

بالنسبة للطرق السريعة فممتازة للغاية ويعيبها العزل بعد 140 يطلع صوت هوى خفيف

بالنسبة لصرفية البنزين فهي إقتصادية بالمقارنه مع حجم محركها

التانكي يشيل 100 لتر يوصلك بالخطوط إلى 650 كم وداخل المدينة من 450 الى 550 حسب الإستخدام

سواقة السيارة خفيفة جداً مقارنه بحجمها

جنوط العشرين حللللللللوه وبعض اللألوان ما تنفع إلا بجنوط عشرين وبعضها 17 يمشي

الكفر(جنط 20) فيه تلاعب بسعره بشكل خيالي .
(جوديير ببعض المحلات يبيعونه بـ1600 ولما تحشره يعطيك بـ1300 )

وحصلته عند الوكيل جوديير بـ850 وعند محل مسوي عروض عليها بـ 725

أما 17 فما عندي خلفيه عن سعره.

وبالنسبة للجنط فهو حلو لاكن غير مريح بالمطبات وكذلك الطعوس.

عيوب سيارتي أكرر سيارتي:

الديكور مواده جودتها رديئة

عزل الهواء

المراتب ما هي مريحه مثل المودبلات القديمه

نزول الواجهة الأمامية

أقفال الأبواب مرتين تخرب علي وكلها تم تصليحها تحت الضمان

صوت خربشه بالطبلون احياناً خفيييييف

لا يوجد لمبة داخل طبلون السيارة للتوضيح أن الدبل شغال

هذا ما في جعبتيي وإذا تذكرت المزيد أبضيفه.

ونصايحي الأخوية لك كالتالي:

الإستخاره الإستخاره الإستخاره

حاول تاخذ LTZ

دبل السيارة قوي وممتاز إذا كنت تحتاجه فلا تبعد عنه خصوصاً إنه مو مأثر على خفة السيارة

لا ترخي إذنك لكثر القيل والقال ( أنا أستغرب من واحد يقول فيه مشكلة بالإيرباق وهو بس شاف لقطة باليوتيوب)

إعلم أن السيارة توفيق من الله فبعضها تخرب عليك وبعضها تصدم عليها وبعضها تنسرق وكل شي مقدر ومكتوب

والسيارة انت وحظك أغلبها ماشية تمام التمام ونادر منها اللي يعاكس

وأنا لو رجعت للوراء وتم تخيري بين السيارات لأخترت التاهو مره أخرى

تقبل خالص تحياتي ودعواتي لك بالتوفيق

التاهو سياره جميله وسعرها مناسب لو وكيله ابو جميل مامسكته بأقل من 250ألف

اخي الكريم انا كنت متردد في التاهو 2008 وكانت هناك اقويل للعيوب المصنعية في الجير

وصراحه تعبة وانا هاوي الموتر قلت ياولد مالك الا اهلها وبالصدفه التقيت بصديق بالتوكيلات

واقنعني بالموتر ولله الحمد لم الاحظ اي مشكله من حينها تحياتي.............

التاهو واليوكن سيارة تعتبر بديل او خيار احتياطى .... يعنى ان عجزت عن الاندكروزر فعليك بالتاهو او اليوكن
سيارات شبابية ورياضية وعائلية
تقولى ارمادا او برادو يخوى هذيلا سيارات ممتازة للعائله بس مش شبابيات ... لسواق او لشايب بس... وكل واحد حر فى اعتقاده

حبيبي حاول تبعد عن الامريكي كله فاااشل



حاول جيب ابركلك والله

يخوى انا طول عمرى متقوقع بقفص االاندكروزر وفى سنة 2008 خرجت من معتقل تويوتا ودخلت معتقل جنرال موتر باسواره الذهبية ... حاليا استخدم تاهو ال تى 2008 وماشية 18000كم وسافرت فيها مكة وهى بالتمرين وبعدين رحت فيها البحرين ... ماشاء الله عليها رزة وثبات ونعومه ... تبارك الله ومبروك مقدما وعسى الله يوفقك واهم شي الاستخاره صل الاستخارة والله يعطيك الخير

السلام عليكم


أخوي

بالسعر هذا ما شاء الله

وعلى التاهو


حلو جداً ...


استخير ..

وتوكل على الله


تحيه طيبه

يعطيكم العافيه
جزاكم الله ألف خير على ردودكم والملاحظات اللي ذكرتوها اللي نورتني واستفدت منها الكثير وراح يستفيد منها اي واحد ناوي يشتري تاهو
شكرا للجميع

أخى الكريم من خلال تجربتى للتاهو اود اطرحها لك ليستفيد الجميع وأولهم انت والتجربه باختصار السيارة قطعت الان 45 الف كيلو متر ولغاية الان كل شىء تمام واطمئنك ان السياره ثابته حتى مع ظروف الرياح القويه والتكييف وهو اهم شىء فى ظروف اجوائنا شديدة الحراره لا تستطيع تزيد على التكييف اكثر من النص لشدة برودة التكييف علما ان درجة الحرارة اثناء التجربه كانت 49 درجة مئويه وفى البر والتطعيس يعجبك الموتر علما ان سيارتى z71 موديل 2008 وفعلا مثل ما ذكروا الاخوان ما تحس بالسرعه وانت ماشى من رساوتها ونعومتها ولكن السياره ما تخلو من العيوب وهى اذا اردت تشغل المكيف فى كل مرة يجب عليك اطفاء التهويه الخارجيه والعيب الثانى صعوبة ايجاد موقف لحجمها الكبير نوعا ما أتمنى انى افدتك اخى الكريم وتقبل تحياتى.

استخير وتوكل على الله ولا تخاف

شوف يوم أنك دفعة العربون مبروك عليك

عندي ثنين من أهل عندهم تاهوت أول مانزل

واحد خرب عليه القير تم تبديلة على ضمان وكالة

أما الثاني فهو ماشي 100 % زي خلاوه

طبعا يكثرون عليه سفر يروحون سعودية عمان وغيرها كثير وسيارة والحمد الله كافية

وافية


بس لا تخاف أذا خرب شيء المهم تحت ضمان وكالة ويتم تصليح و ترجع السيارة أفضل

من أول مهم تمدد الضمان الوكالة ألى 100 ألف كلم ...

و سيارة ممتاز

السلام عليكم
حياك الله بين اخوانك في المنتدى
باختصار خذ العلم الاكيد من الناس اللي مجربين
اخوي معاه تاهو LT مطلعه جديد 2008 جنوط عشرين حتى الان ماشي فوق 60 الف كم و مثل الحلاوه
و رح الخص لك التجربه في نقاط........
1- قفل الباب الخلفي يسار و باب السائق خرب و صلحه على الضمان.
2- الديكور تحس انه ما هو متماسك و لكن اعتقد ان السبب من التطعيس دايم يدخله الطعوس اخوي ((حتى مره ركبت معاه و هو يطعس وضغط الكفر على 40 و ديكور السياره يرج بقوه))
يعني لو تحافظ عليه ما اعتقد بتصير لك هالمشكله او تدخله بطعوس على سرعه متوسطه.
3- العزل الى 120كم تمام و بعده تسمع صوت هواء خفيف. (( وللمعلوميه السيارات كلها حاليا عزلها تعبان ))
4- من ناحية الثبات انا مجربه لمسافة 1000 كم من نجران الى الرياض و امشي فوق ال 170 كم و عليه ثبات مثل سيارات السيدان او يمكن افضل بعد[COLOR=red].(( للمعلوميه الاهل كانوا معي في السياره و ما حسوا بالسرعه بس ما رح اتعودها ان شاء الله )) مثل ما قال احد الاعظاء انك ما تحس بالسرعه بالسياره.[/COLOR]
5- صرفية الوقود معقوله مثال (( مشيت من الرياض الى القصيم 400 كم و التانكي فل وصلت القصيم و الانبير على الربع و انا امشي بين ال 160_140 ))
و اذا بغيت نصيحتي توكل على الله بس تأكد من الوكاله الأول ان رقم هيكل السياره ما هو من ضمن السيارات اللي فيها مشكلة ضخ الوقود للمكينه............ و انصحك بجنوط مقاس 20 بس مشكله يجيك الكفر غالي للواحد فوق ال 1400 ريال
و اتمنى لك التوفيق

مره ثانيه اذا انت من سكان الدمام و بغيت تجرب

راسلني و شوف بنفسك

والله الموتر برخص التراب اجل 111 الف تجيب لك موتر بالحجم هذا

من اللي يحلم به عشان كذا هي ماليه الشوارع

والا من وجة نظري كجودة الارمادا افضل بكثير خصوصا انه له 3 سنوات او 4 ولا احد يشتكي منه كثر التاهو

حبيب قلبي انا عندي تاهو 2009 LT

لو تبي تجرب و انت من الدمام ابد راسلني او اتصل بي و ما يحتاج اطلع معك فيه
و خلنا نمسك خط و لو تبي نطعس ( على خفيف ) ما يحتاج نطعس على خفيف

و على سالفة الاعلان ترى مو كل السيارات الي فيها النظام الي قال عنه اخونا الامارتي

في بعض السيارات هذا الموضوع

تقبل تحياتي و لا تشتري شي انت ما تبيه

الشباب ما قصرو

واليوكون والتاهو لا غبار عليهما و المشاكل اللي وضحوها الشباب بنسب قليله جدا جدا


لكن ...

ليش ما تروح تستأجر لك واحد و تجربه وتركب فيه من يعز عليك و تثق برأيه وتجربه وهو معك وتاخذ راي اهلك فيه وتاخذ بهم فره عليه و تسألهم

و تشوف وتقيم الموتر من وجهة نظرك بدون كلام فلان و علان وتاخذه وانت مقتنع فيه او حتى لو ما اخذته بتكون ما اخذته لانك مجربه و ما جاز لك شيء فيه فالناس اذاوق

ع العموم الله يبارك لك فيما تختار

اخوي التاهو مالي 2007 ماشي 53 الف حاليا ملك و بالسرعه 160 و الوالده الله يحفظها مو حاسه اني مسرع ذوقت اشد انواع العذاب و الكرف و ما يقول اح
الناس اتدور اي خطأ مصنعي و تسويه كأنه ب 90% من السيارات المنتجة و اهو ما يتعدى 2%

والله صراااااااااحه وانا اخوك التاهو ماشالله سياره مافي ابدع منها يالغالي
عند عمي وحده ومسكت فيها خط الرياض ومسكت فيها خط حايل ماشالله تبارك الرحمن
رااااااااسيه على الخط
ومجربها يالغالي بالبر ابدن وانا اخوك مافيها خلاف دبلها كايف وممشاها في البر كايف
واذا غرزت طالع عمرك لاتشيل هم ماشالله دبل الثقيل قوي
ونصيحه لاتاخذ الاتاهو والله يكتبلك الي فيه الخير